na karo meri charcha

na karo meri charcha
main tamasha to nahi...
aashiq hu aashiq
koi pagal to nahi...
***
maut ko apne gale laga lu
zindagi se samjhauta kar lu
itna main bujhdil to nahi...
***
dekhte-dekhte dil ki dhadkan ruk jaati hai
apne hi apno ke qaatil hai
koi paraya to nahi...
***
kya kasoor tha uska Romil
jo woh mohabbat kar baitha
woh bhi insaan tha
Rab to nahi...
[written by romil arora - copyright reserved]

Rabb kare...

Rabb kare main sab kuch bhool jayun

Na yaad rakhu is jaahan ko

Na kabhi apna pata yaad rakh payun...

***

Yaadein hain ya fhir meri maut ki wajah

Marr bhi jayun magar

Yaar ki gali kabhi na jayun...

***

Zinda rahu main chahe lawaris ki tarah umar bhar

Zindagi main koiye bhi rishta na payun...

[written by Romil Arora - copyright reserved] 

O mere sapanon ke saudagar,

O mere sapanon ke saudagar,

O mere sapanon ke saudagar,

tujhko mujhse hain pyar agar

to chal mere sang chal, chal mere sang aa aur mere sang gaa...

***

O mere sapanon ke saudagar, mujhe aisi jagah lejaao

main chahati hu, mere humasafar mujhe pariyon ki duniyaan dikhaa

pyar hi pyar ho jis jagah, mujhe aaisa jahaan dikhaan...

***

Yeh pariyon ki basti, sitaron ka majamaa

yahaan goonjataa hai, mohabbat ka nagma

yahaan pyar ke hain diwane sabhi, chahat hi sab kuch yahaan

***

Pariyon ki duniyaan ke mehumaan ho, chalo tum ko sair karaye

kahaa hain wo sapanon kaa saudaagar, chalo hum use dhoondh laaye

***

Chandaa ke rath pe woh aayegaa ek din

mujhe saath leke woh jaayega ek din

mere maang bhar dega taaron se woh, banayega dulhan mujhe...

[NOT WRITTEN BY ME]

Haavas ki chahat main...

Haavas ki chahat main jism jal jaata hain
Bhare hue ghar main insaan tanha nazar aata hain...
***
Mohabbat ke naam par mann ka sauda karte hain
Yahaan badan rupiyoon main lipata nazar aata hain... 
***
Kyon karte ho jannat ki aarzoo Romil
Pathar main bhi Rabb nazar aata hain...
***
Fhirte rehte ho tum shehar ki beedh main Romil
Naaqab main kahan chehara nazar aata hain...
[written by romil arora - copyright reserved]

Kisi ki karo izzat to aabru loot lete hai...

Kisi ki karo izzat to aabru loot lete hai

Is be-reham duniya mein kya-kya nahi hota hai...

***

Dil chahata hai ki bhari mehfil ke saamne usse bewafai ki wajah puchu

Hausala karta hu, lekin hausala nahi hota hai...

***

Mujhpar woh lagata tha bachpan ki dosti mein khoye rehne ka ilzaam

Khud gair ki baahon mein sota hai to bewafai ka use elam nahi hota hai...

***

Socha tha mere andhere jeevan ko roshan karega

Dil jala diya... ab chirag par bharosa nahi hota hai...

[written by romil arora - copyright reserved]

असफल इंसान जब सफलता के बातें बताते हैं तो कभी - कभी ऐसा लगता हैं....

MANAGEMENT MASTI MAIN...

असफल इंसान जब सफलता के बातें बताते हैं तो कभी - कभी ऐसा लगता हैं की जैसे कोइए नीम हकीम, कैंसर बीमारी का उपचार बता रहा हो!

बचत करके खर्चा करना आसान होता हैं

MANAGEMENT MASTI MAIN!

बचत करके खर्चा करना आसान होता हैं, जबकि वेतन खर्चा करके बचत करना मुश्किल होता हैं! इसलिए पहले बचत करे!

Saving karne ka sabse aasan tarika hain hain... Aapki income chahe jo bhi ho, yeh baat important nahi daite, IMPORTANT DETI HAIN AAPKI SAVING KI AADAT...

Thoda example dekar samjhane ki koshish karunga...

Aapki income Rs. 3000/- per month hain...

Aap decide karlo ki aapko per month kitni saving karni hain... Chalo yeh baat maan laite hain ki aapko 10% saving karni hain... yani Rs. 300/- per month...

Is hisaab se ab aapki income Rs. 2,700/- per month hue...

Rs. 2,700/- ko dhyan main rakh kar apna monthly budget banaye... Aap aur aapka parivar yeh soch le ki monthly income Rs. 2,700/- hain aur isme aapko apna monthly budget banana hain...

Is tarah aap per month Rs. 300/- ki saving kar payenge...

Agar aap full income Rs. 3,000/- expenditure kar doge to fhir kaise saving kar payoge baba???

Ya yeh kahe ki Rs. 3,000/- ka monthly budget banate ho to kisi month main aap Rs. 100/- ki saving kar payoge aur kisi month main Rs. 250/- ki aur kisi month main ZERO ki... Kyunki family budget bahut hi jyada diversified hota hain... Ishthiti har month ki alag-alag hoti hain... Is month main aapko baache ki fees daine hoti hain, kisi month main birthday hota hain, kisi month main festival hota hain to fhir kisi month main koiye relative aapke ghar aa jata hain...

Yaad rakhe...

Pehle bachat kare, fhir expenditure kare...

waafadaar tha...

wafadaar tha to koi naam nahi janta tha mera

bewafa ho gaya to ghar-ghar mein naam ho gaya...

***

zara si baat ka tamasha bana diya usne

gumnaami mein jeete the, 
duniya mein janne wala bana diya usne...

***

itni baar milane ko kahan... yakeen na hua usko... 

ek juda hone ko keh diya... yakeen ho gaya usko...

[written by romil arora - copyright reserved]

Ya tumhare qalam jhoote hai...

Dono mohabbat karte hai

Fir bhi kehne se darte hai

Woh kehte hai hum jhoote hai

Hum kehte hai woh jhoote hai...

***

Milkar unse dil ko qaraar aa jaata hai Romil

Jo mere apno se kam jhoote hai...

***

Do qadam ka rasta unse paar hota nahi Romil

Jo kehte hai mere vaade sacche hai

Tere vaade jhoote hai...

***

Itni bewafai ke baad bhi uski waafa ki tareef karte ho Romil

Tum jhoote ho

Ya tumhare qalam jhoote hai...

[written by Romil Arora - copyright reserved]

woh kitna sajda wala hoga...

jiski aankhon main aansoo
hoonton main sirf mehboob ka naam hoga
woh hi insaan dhokha khaya hua hoga...
***
mohabbat ke rastee main jisse mili hogi havas hi havas
jo apne saaya se bhi ghabrata hoga
woh hi insaan dhokha khaya hua hoga...
***
jo roz karta ho rabb se apne marane ki dua
mumkin nahi woh shakhs zinda bhi hoga
woh hi insaan dhokha khaya hua hoga...
***

na jao mujhe chod kar yeh keh kar jo shakhs mehboob ke qadamo mein gir gaya hoga
tu hi bata mere apne Romil
woh kitna mohabbat wala hoga...
woh kitna sajda wala hoga...

#Romil

जिसकी आंखों में आंसू 

होठों में सिर्फ महबूब का नाम होगा 

वो ही इंसान धोखा खाया हुआ होगा... 

मोहब्बत के रास्ते में जिसे मिली होगी हवस ही हवस 

जो अपने साया से भी घबराता होगा 

वो ही इंसान धोखा खाया हुआ होगा 

जो रोज करता हो रब से अपने मरने की दुआ 

मुमकिन नहीं वो शख्स जिंदा भी होगा 

वो ही इंसान धोखा खाया हुआ होगा 

ना जाओ मुझे छोड़कर यह कहकर जो शख्स महबूब के कदमों में गिर गया होगा 

तू ही बता मेरे अपने रोमिल 

वो कितना मोहब्बत वाला होगा 

वो कितना सजदे वाला होगा...

#रोमिल

yeh na socha tha...

socha tha diwana ban jayunga

yeh na socha tha ki tamasha ban jayunga...

***

uski haansi par main bhi haansta tha

yeh na soch tha ki paagal ban jayunga...

***

baadi aarzoo ke saath sajana chahta tha uski tasveer

yeh na socha tha ki uske deedar ko pyasa marr jayunga...

***

bahut muskil hota hain marr kar jeena Romil

yeh na socha tha ki apni kabr ka chaukidaar ban jayunga...

[written by romil arora - copyright reserved]

qareeb aata hai koi...

qareeb aata hai koi
to darr jaata hu main
is qadar mohabbat mein dhoka khaya hua hu main...
***
apni nigahoon mein na baithao
khud ki nigahoon mein gir chuka hu main...
***
apne jism se nafrat si ho chuki hai mujhko
chuoo na mujhko
badnaam ho chuka hu main...
***
badi sharaddha se yeh mohabbat us par qurbaan karna chahta tha Romil
Usse ke haaton baazar mein bik chuka hu main...

#Romil

करीब आता है कोई 

तो डर जाता हूं मैं 

इस कदर मोहब्बत में धोखा खाया हुआ हूं मैं 

अपनी निगाहों में न बैठाओ 

खुद की निगाहों में गिर चुका हूं मैं 

अपने जिस्म से नफरत सी हो चुकी है मुझको 

छुओ ना मुझको 

बदनाम हो चुका हूं मैं 

बड़ी श्रद्धा से यह मोहब्बत उस पर कुर्बान करना चाहता था

उसी के हाथों बाजार में बिक चुका हूं मैं...

#रोमिल

Barsaat ke mausam mein bhi jalte rahe hum...

aise hi katata raha apna safar
kabhi dost rahe to kabhi dushman rahe hum...
***
bahut dhundha saache yaar ko
na mili manzil
raston par chalte rahe hum...
***
kisse shikayat kare
wafa ki aadat se to khud lipte rahe hum...
***
khud ki nigah mein bhi mohabbat nahi rahi Romil
barsaat ke mausam mein bhi jalte rahe hum...

#Romil

ऐसे ही कटता रहा अपना सफ़र

कभी दोस्त रहे तो कभी दुश्मन रहे हम...

बहुत ढूंढा सच्चे यार को ना मिली मंज़िल

रास्तों पर चलते रहे हम...

किससे शिकायत करें

वफ़ा की आदत से तो ख़ुद लिपटे रहे हम...

ख़ुद की निग़ाह में भी मुहब्बत नहीं रही रोमिल

बरसात के मौसम में भी जलते रहे हम...

#रोमिल

kya khata hui jo unko humne khat likh diya...

kya khata hui jo unko humne khat likh diya
apna haal-e-dil likh diya...
***
woh to samjhe humko awara
humne to unko apna rab likh diya...
***
na dekha kabhi ajnabi ka chehra
humne to apna thikana likh diya...
***
ab kisse kya kahe apni dastaan "Romil"
bina saath mile hi unko apna jeevansaathi likh diya...
[written by romil arora - copyright reserved]

Kya bhai-bhehan ke beech aaisa hota hain...

Usse jhagadane ko bhi mann karta hain
Jab woh rooth jaye to usko manne ko bhi mann karta hain...
***
Waise to woh meri koiye baat nahi sunti
Fhir bhi usko apni har baat batane ko mann karta hain...
***
Waise to rehte hain woh apne jeevansaathi ki aankhon main
Fhir bhi do pal woh mujhko nazar na aaye to uska haal puchane ko mann karta hain...
***
Kya bhai-bhehan ke beech aaisa hota hain...
[written by romil arora - copyright reserved]

Zindagi do pal ki....

Zindagi do pal ki
Zindagi do pal ki
Intezaar kab tak hum karenge balah
Tumhe pyaar kab tak na karenge balah
Zindagi do pal ki...
Intezaar kab tak hum karenge balah.....
[NOT WRITTEN BY ME]

यह अच्छा रहेगा! आप अपने दिमाग को कचरे का डिब्बा मत बनाइये ! बल्कि नए विचारों की प्रोडक्टसन यूनिट बनाइये!

MANAGEMENT MASTI MAIN~~~

यह अच्छा रहेगा! आप अपने दिमाग को कचरे का डिब्बा मत  बनाइये ! बल्कि नए विचारों की प्रोडक्टसन यूनिट बनाइये!

Main aapse yeh nahi keh raha hu ki aap mahapurusho ke kahe hue vicharon ka anupalan na kare... balki main yeh kehna chah raha hu ki aap naye vichar laaye... naye soch vikshit kare... naye rasthe khole... duniya ko naye raahe dhikhaye...

Apne dimaag ko kachare ka dibba na banane se mera matlab hain...

Ki aap bekar ki baaton se durr rahe... Ki aap gupshup se durr rahe...Ki aap bekar ki vicharon se durr rahe...  

Ki aap logon ko neecha dekhane ki soch se durr rahe...

Ki aap yeh soch kar pareshan na ho ki usne mujhko bura kahan...

"AAP BRIDGE KO TABHI PAAR KARE, JAB WOH BRIDGE AAYE"... Faltu ke vichar soch kar khud ke dimaag ko kachara mat banaye...

"CHINTAN KARE... MAGAR CHINTA NA KARE... 

Thoda example dekar samjhane ki koshish karunga short main...

Jab bahut saalon pehle SINTEX PANI KI TANKI ki baat INDIA jaise desh main hue... Jahan Ganga, Yamuna, Godavari, Brahmaputra river hain... Punjab State main five rivers hain... Jahan lakhon kuwaan hain, talaab hain, pokhare hain... Us desh main PANI KI TANKI...

WOH BHI KAALE RANG KI...

WOH BHI KAALE RANG KI TANKI GHAR KE UPPER... Poore ghar ki shobha hi kharab kar de...

Pehle sabne is baat ka virodh kiya... Kisi ko bhi yeh vishwas nahi tha ki yeh VICHAR SAFAL HOGA...

Magar YEH VICHAR SAFAL HUA... Aaj urban area main sabke ghar main pani ki tanki aapko dekh jayegi... aaj sabko pani ki tanki ki jarurat hain...   

KYUNKI YEH VICHAR NAYA VICHAR THA...

KYUNKI YEH VICHAR DOORDARSHI VICHAR THA...

KYUNKI YEH VICHAR INDIA KE LIYE NAYE RASHTEE KHOLANE KA VICHAR THA...

ISSI TARAH CHAHE FOOD CHAIN KA BUSINESS HO...

ISSI TARAH CHAHE RETAIL STORES KA BUSINESS HO...

ISSI TARAH CHAHE SHOPPING MALL KA BUSINESS HO...

ISSI TARAH CHAHE MULTIPLEX KA BUSINESS HO...

NAYE VICHAR SA SAB SWAGHAT KARTE HAIN...

Yaad Rakhe...

Apne dimaag ko naye vichar sochane main lagaye... Naye avishkar banane main lagaye... Usko ek naye vicharon ki production unit banaye... 

Naye vichar, naye soch ek naya rastaa dekhate hain... aur aapko safal insaan banate hain... aapki ek alag pehchan dekhate hain...

Aap bridge ko tabhi paar kare jab bridge aaye... Bematlab ki baaton ko soch kar pareshan mat ho...

Chintan kare.... Chinta mat kare...

Asha hain ki aap meri koshish se santusht honge...

POSITIVE socho... MANN SE SUNDAR raho...

APNI AADAT HAI CHAND KO...

APNI AADAT NAHI HAIN CHAND KO CHILMANN SE DEKHNE KI...

APNI AADAT HAIN CHAND KO APNE AANGAN MAIN UTAAR LAANE KI...

[copyright reserved]

thoda sa paagal hain

uski khushi ke siwa woh kuch nahi chahta hain...

hamesha usko zindagi main khush dekhana chahta hain...
saji rahe woh hamesha gudia ki tarah yeh chahta hain...
thoda sa paagal hain na isliye
gudia kho jaane ke baad rota hain...






fhir kuch din baad chup ho jayega...
[written by romil arora - copyright reserved]

luppa-chippi

yeh mohabbat ki luppa-chippi ka khel ab nahi hoga
ab uska naqaab mujhe manjuur nahi hoga...
[written by romil arora - copyright reserved]

mere shehar main rehkar...

mere shehar main rehkar woh ajnabi raha
saawan ke mausam main bhi pathjhad raha...
woh to manzil par aaram se baitha raha
apna thikana hamesha rastee par raha...
***


intezaar ki kasti main judai ka dariya paar kiya
main bhi kaisa ullu ka pattha tha
na jaane mohabbat main kya-kya kiya....
[written by romil arora - copyright reserved]

USKO KABHI DEKHA NAHI MEHSUS KIYA HAIN MAINE...

AA MERI PATHAR AANKHON KO ROSHANI KAR DE...
***

fark bas itna hain...
PEHLE AANSOO USKI WAAFA KO DEKH KAR AATE THE...
AB AANSOO USKI BEWAFAI KO DEKH KAR AATE HAIN...
***

zinda hain woh fhir bhi kehte ho marr gaye hain mujhse...
aur kitna gunaah karaoge mujhse...
nahi hona hain mera to saaf maana kyun nahi kar daite...
roz-roz intezaar kyon karwate ho mujhse...
[written by romil arora - copyright reserved]

aaye rabb...

aaye rabb...

mujhe mera yaar wapas chahiye...
jeene ke liye sahara chahiye...
***
uske bina roz til-tilkar marata hu
mujhe bhi to zindagi main thodi si raahat chahiye...
***
kab tak usse kehta rahu bewafa
usse mujhe kuch wafa bhi chahiye...
***
na woh aa sake is jahan main agar
tujhko us jahan main mujhe bula lena chahiye...
[written by romil arora - copyright reserved] 

AUR BHI JYADA...

UTHENGE HAANSI KI BAATEIN ABHI AUR BHI JYADA
KARNA HAIN MUJHE BE-IZAHAT USSE AUR BHI JYADA...
***
TAPAKE CHAHE KITNA BHI LAHOO MERE DIL SE
UDANA HAIN USKA MAAZAK ABHI AUR BHI JYADA...
[written by Romil Arora - copyright reserved]

jab tak uska koiye nahi tha...

jab tak uska koiye nahi tha

tab tak main uska apna tha...

***

Thi mere samne roshani

fhir bhi main uske saath andhere main rehta tha...

***

raat-raat bhar jagata tha

uski baatein kehta-sunta tha...

***

umar bhar ek tasveer ke liye tarsa

samne mere haseeno ka dariya tha...

***

intezaar ki boondh-boondh main tarapta raha Romil

woh durr se mujhe dekh kar hasta tha...

[written by romil arora - copyright reserved]

Marne ke baad...

Marne ke baad bhi uska chehara-e-noor na dekh saka Romil

Wah re mere Rabb uska pardaa karna bada kamal ka tha...

***

Socha tha ki usko apna humsafar banayenge Romil

Pata na tha usse to hamara Rabb banne ki chah thi...

***

Is zindagi main to usko bhul pana namumkin hain Romil

Maut ke baad kya hoga yeh dekha jayega...

[written by romil arora - copyright reserved]

INTEZAAR KARTE-KARTE...

INTEZAAR KARTE-KARTE ZINDAGI KI SHAAM NA BEETH JAYE

AUR UNKO KABHI HAMARI YAAD BHI NA AAYE...

***

RABB KA VASTA DEKAR USKO WAPAS BULA LU

AGAR USKO MUJH PAR TARAS AAYE...

***

USKO BHULA KAR ZINDA RAHU

RABB NA KARE ZINDAGI KI AAISE KOIYE SUBAH AAYE...

***

MUJHE PASAND NAHI HAIN GAMO MAIN ROZ-ROZ JEENA

KAASH USKO YEH BAAT SAMAJ AAYE...

[written by romil arora - copyright reserved]

yaaron...

mohabbat karne ki aaise saaza mujhe mili yaaron

usse har rishtaa tooth gaya yaaron...

***

itna kuch likh chuka hu uski bewafai main Romil

apne liye kuch bhi likhane ke qaabil na raha yaaron...

[inspired...written by romil arora - copyright reserved]

Anskh dekar mujhko beqarar karti hain...

Anskh dekar mujhko beqarar karti hain...

Yeh yaadein teri sitam baar-baar karti hain...

***

Puch na mujhse mera haal kya hain Romil

Woh milan ki baatein hairan baar-baar karti hain...

***

Us par haans kar dil ko behlata rehta hu Romil

Warna uski muskurahat mujhko pareshan baar-baar karti hain...

***

Mujhse milane ka vaada kabhi usne kiya hi nahi Romil

Na jaane kyon yeh naazarein intezaar baar-baar karti hain...

[written by romil arora - copyright reserved]

na hum rabb mangate hain...

na hum rab mangate hai

na hum duniya-e-jagir mangate hai

hum to sirf apni wafa ka sila mangate hai...

***

tu rahe chahe kisi ki bhi sanam

hum to sirf tere dil ke kisi kone main ek jagah mangate hai...

***

shama ki mohabbat mein jaan tak de de

hum aise parwane ko paane ki dua mangate hai...

***

chahe jitni bhi bewafai kar le humse sanam Romil

hum to hamesha uski khushiyon ki dua mangate hai...

[written by romil arora - copyright reserved]

Kabhi...

Uski mann ki baatein bhi sun liya karte the

Kabhi hum bhi mohabbat kiya karte the...

***

Yunhi nahi hamare gile par ro padata hain aasmaan

Kabhi usse uski baatein bhi kiya karte the...

***

Mere ghar ke andhere ko dekh kar kyon karte ho aapas main baatein

Kabhi is ghar main chand bhi utara karte the...

***

Hamare jaisa kahan milega aashiq Romil

Kabhi jo pathar de jaye chooth usse Rabb maan liya karte the...

[written by romil arora - copyright reserved] 

अपना फटा जूता देखकर मैं हमेशा अपनी किस्मत को बुरा भला कहता था...

MANAGEMENT MASTI MAIN...

अपना फटा जूता देखकर मैं हमेशा अपनी किस्मत को बुरा भला कहता था... कल एक ऐसे इंसान को देखा जिसके दोनों पैर नहीं थे... मैं रब्बा को सुक्रिया कहने लगा...

Jab insaan apni success ki door kismat ke haaton main de deta hain... ya fhir resources ki kaami ki baat hamesha karta rehta hain... ya fhir yeh kehta hain ki meri kismat hi kharab hain, jo karta hu woh hi fail ho jata hain... AAISE INSAAN JEEVAN MAIN SAFAL NAHI HO PAATE HAIN...

Kuch short main example dekar samjhane ki koshish karta hu...

1. Krishna Ji ne apni guru shiksha 13 ya 14 age main suru ki thi... fhir bhi unhone Bhagavat Gita kahi... jisko aaj saara sansar padata hain...

2. Sabhi avishkarak jyadatar pehle asafal hote hain... uske baad safal hote hain...

3. Jinke pass resources nahi hote hain, wohi hi resources ka asali matlab samaj paate hain aur uska sahi upyog kar paate hain...

4. Chance ussi ko milta hain jo Chance par Dance karna janta hain... Agar Dance nahi kar sakte to aaya Chance bhi haath se nikal jayega... 

5. Agar aapki age 50 years ke ho gaye hain aur aapko abhi tak safalta nahi mili hain to yeh kahe "Abhi 100 saal ki umar main se 50 saal mere hi pass hain aur mere pass 50 saal ka experience bhi hain..."

6. Agar aapke pass aankhen nahi hain to yeh kahe "mere pass hoonton hain main aacha bol sakta hu, aacha ga sakta hu..." agar aap bol nahi sakte to yeh kahe "mere pass haanth hain main aacha likh sakta hu..." agar aapke pass haanth nahi hain to yeh kahe " mere pass aankhen hain main aacha padh sakta hu aur logon ko aacha paada sakta hu..." ISSI TARAH APNI STRENGTH PAR HAMESHA DHYAN DE... weakness par nahi... ya fhir apni weakness ko apni strength main convert kare...  

Hamesha yaad rakhe...

1. Safalta NA AGE, NA CASTE, NA GENDER, NA RESOURCES, NA KISMAT ki mohtaz hoti hain... Safalta sirf Safal Logon ki mohtaz hoti hain...

Asha hain ki aap meri koshish se santusht honge... 

POSITIVE socho... MANN SE SUNDAR raho...

aaj fir uski tasveer se baatein...

aaj fir uski tasveer se baatein karta raha

ek aur sitam khud par karta raha...

***

do qadam par tha mera pata

woh milne ke liye fasla karta raha...

***

andheron ne bahut gher rakha tha mujhe

main roshani ke liye dil ko jalata raha...

***

usko bhool jaun ya yaad rakhu

yahi soch kar din apna katata raha...

#Romil

mere saath...

gum mere saath aise chalta hai Romil
jaise koi humsafar kisi ke saath chalta hai...
***
raahon mein hazaro milte hai Romil
aisa kaha milta hai jisse dil milta hai...

#Romil

गम मेरे साथ ऐसे चलता है रोमिल 

जैसे कोई हमसफ़र किसी के साथ चलता है... 

राहों में हजारों मिलते हैं रोमिल 

ऐसा कहां मिलता है जिससे दिल मिलता है...

#रोमिल

Soch

~Soch~

Yeh soch kar dil ko behla lete hai hum
Woh toh ajnabi tha raah mein kahin bichad gaya hoga...
***
Yeh soch kar dil ko behla lete hai hum

Raah mein jo bichada tha
Us anjabi ka haath kisi ne thaam liya hoga...
***
Yeh soch kar dil ko behla lete hai hum
Jab uska dil koi toodata hoga
Tab usko hamare toote dil ka khayal aata hoga...
***
Yeh soch kar dil ko behla lete hai hum
Jab usko yaadon ke badal ne ghera hoga
Tab woh meri yaadon mein bhi bheeg gaya hoga...
***
Yeh soch kar dil ko behla lete hai hum Romil
Jiski raatein roshan thi humse
Uski raatein koi aur roshan kar raha hoga...

#Romil

Chodo yaar...

Tu Hi Bata SANAAM Kaun Bewafa Hain
*
Jisne har dukh main tera saath dena chaha
Tune ek pal bhi uska saath na diya...
Tu Hi Bata SANAAM Kaun Bewafa Hain...
*
Jisne har pal tujhse sach bolana chaha
Tune ek pal bhi usse sach na bola...
Tu Hi Bata SANAAM Kaun Bewafa Hain...
*
Jisne apni har baat sabse pehle tujhko batani chahiye
Tune usko apni kabr ka pata bhi na bataya...
Tu Hi Bata SANAAM Kaun Bewafa Hain...
*
Jisne hamesha chaha ki uski tasveer tere pass rahe
Tune usko apni ek jhalak dikhane main sadiyaan laga di...
Tu Hi Bata SANAAM Kaun Bewafa Hain...
*
aur kya kahu...
Jisne tera naukar bankar bhi tere pass rehna chaha
Tune usko apni laash ko kandhe par bhi utane na diya...
*
Chodo yaar...
[written by romil arora - copyright reserved]

ya yeh kahu...

mumkin nahi hain yaar main tujhko maaf kar saku

ya yeh kahu...

fhir se teri mohabbat par aitbaar kar saku...

***

ya yeh kahu...

mujhe rastee main tanha chod kar jaane wale ko

kaise apna humsafar maan saku...

***

ya yeh kahu...

jisne hamesha bola ho humse jhoot

kis tarah uski baaton par yakeen kar saku...

***

ya yeh kahu...

jisne accident ke samay bhi mera haal nahi pucha

usse kaise apna har sukh-dard ka rishta jodh saku...

[written by romil arora - copyright reserved] 

na jaane kyon...

pal bhar main rishta-naata toodh deta hu

na jaane kaun si duniya main rehta hu...

***

kisi se kuch bolta nahi

sabse khafa-khafa sa rehta hu

na jaane kyon apni pehchan se dara-dara sa rehta hu...

***

guzar chuka hain dard ka lamha

fhir bhi main kisi ko maaf nahi karta hu

na jaane kaun se mizaaj main rehta hu...

***

uske naam ki sharaddha kyon nahi rahe hain Romil

na jaane aajkal har aache ko kyon bura samajhata rehta hu...

[written by romil arora - copyright reserved]

tamam umar mujhko uska intezaar to raha....

tamam umar mujhko uska intezaar to raha

jeene ke liye dil main hausala to raha...

***

na laut kar aaya woh

is baat ka dil main koiye gum nahi

kam se kam main, waqt ka gulam to raha...

***

yeh alag baat hain

uske tan-mann main kisi gair ka haq hain

fhir bhi uske dil ke kisi kone main mera naam to raha...

***

bahut haseen baat hain yeh Romil

zinda nahi, marne ke baad hi sahi

uska mera koiye rishta to raha...

[written by romil arora - copyright reserved]

अगर आपकी सीडी गलत दीवार पर टिकी हैं तो आपका हर कदम गलत पड़ेगा !

MANAGEMENT MASTI MAIN!
_______________________________
अगर आपकी सीडी गलत दीवार पर टिकी हैं तो आपका हर कदम गलत पड़ेगा !

Bahut simple si baat hain, bas samajhane ki jarurat hain...

Har insaan ki zindagi main LAKHSYA JARUR HONA CHAHIYE.... Agar aapki zindagi main lakhsya nahi hain to aapka har kadam galat manzil ki taraf hi padega... Ya yeh kahe ki aap banna to Doctor chahate ho aur work Computer Programmer ka kar rahe ho to aapka har kadam galat padh raha hain...

Lakhsya na hone ki ishthiti main insaan bina manzil ke chalate jaata hain... jiski wajah se woh kahan pahuchega yeh usko khuda pata nahi.... CONFUSION main zindagi bhar rahega...

Thoda example dekar samjhane ki koshish karta hu...

Jaise meri zindagi ka lakhsya saachi mohabbat ko paana hain...

Main hamesha saachi mohabbat ki talash main raha... Mujhe dhoka mila, fhir bhi mera qadam nahi dagmagaya... na hi maine zindagi se haar maani... Bahut se mohabbat main failure insaan suicide kar laite hain... ya fhir apne lover ka qatal kar daite hain... ya fhir depression main chale jaate hain... ya fhir zindagi se rishta toodh laite hain... YA FHIR MOHABBAT KE LIYE APNI RAAYE YEH QAAYAM KAR LAITE HAIN KI MOHABBAT KEVAL SEX AUR RUPIYA HAIN...  

Agar meri zindagi main lakhsya nahi hota to shayad aaj main bhi kuch aaisa hi kar chuka hota....

Lakhsya hone ki wajah se mera har qadam saache pyar ki taraf badata raha... Mushkil ke baad bhi main aagey badata raha... Failure ke baad bhi main aagey badata raha... Aur mujhe yakeen hain ki mujhe ek din jarur sacchi mohabbat naseeb hogi...

Isliye zindagi main lakhsya jarur banaiye... 

Yaad rakhe...

1. Mahabharat main Arjun ne Machali ki Aankh ko Lakhsya bana kar Teer chalaya tha, jiski wajah se ghumati hue machalli par bhi teer ek dum uski aankh main laga tha...

2. Lakhsya agar clear hain to aap lakhon mushkilon ke baad bhi hamesha aagey badate jayenge aur ek din jarur jeetenge...

3. Agar aap bina manzil ke chalenge to aap kahan pahuchenge yeh aapko bhi nahi pata...

4. Agar aap confusion main hain to pehle chote-chote lakhsya banaiye... usko poora karne ki koshish kare... jiski wajah se aap main CONFIDENCE aayega aur aap ek BAADA LAKSHYA bana payenge... JAISE EK BAADI BUILDING KO BANANE KE LIYE PEHLE BASEMENT BANAYA JATA HAIN... FHIR FIRST FLOOR BANAYA JATA HAIN... FHIR SECOND FLOOR BANAYA JAATA HAIN... IS TARAH POORI BUILDING KHADI HO JAATI HAIN...

Asha hain ki aap meri koshish se santush honge...

POSITIVE socho... MANN SE SUNDAR rahe... 

~INTEZAAR~

~INTEZAAR~
____________
Shaam hona aur tera intezaar karna
Tanhaiyoon main baitana aur tere khaton ko padana...
***
Kabhi utha-utha kar chand ko niharana
Kabhi ghar main fhaile sannate ko dekhana...
***
Khud se teri baatein karna
Khud-ba-Khud hasana
Khud-ba-Khud rona
Kabhi aaina main teri tasveer banana...
***
Bas aaise hi zindagi safar bitana
Bas aaise hi maut ka intezaar karna...

~KAASH~

~KAASH~

_______________

Uski jo tasveer mere pass hoti

Jab samne woh aati

Maine woh chupke se chupa li hoti...

***

Kahin jo mil jaati uski payal

Jhuka ke usse nazare maine chupa li hoti...

***

Aaj bhi tanhaiyoon main mehak le raha hota

Uski giri chunari jo maine chupa li hoti...

***

Gungunate hue yunh hi chalta rehta mohabbat-e-safar

Jo uski ghazal koiye chupa li hoti...

***

Aaise na mit jaati sab chitti uski

Jo dushman-e-jahaan se uski chitthi chupa li hoti...

[written by romil arora - copyright reserved]

uske jaane ke baad na puchu

uske jaane ke baad na puchu kya-kya sitam hum par ho gaye

har rishtee se begane hum ho gaye...

***

jiske liye hum jaan bhi de-daite the

woh dost, na jaane kahan ho gaye...

***

kehne ko to aaj bhi usse mohabbat hain humko

sharadda ke phool na jaane kahan udha gaye...

***

chalo chalte hain kisi naye raste par Romil

jo humsafar the na jaane kahan bichad gaye...

[written by romil arora - copyright reserved]

abaad hona hai ya barbaad hona hai...

abaad hona hai ya barbaad hona hai

mohabbat mein apna kuch to haal hona hai...

***

aise na tooda karo huzur isko

yeh mera dil hai dil

na koi tera kharida hua khilauna hai...

***

qatil se kaisi reham ki guzarish karna

usi ke haaton marna hai

jisne zindagi ka diya tohfa hai...

***

itna na Rab se maanga karo bheekh Romil

naseeb mein jo likha hai

wahi to hona hai...

[written by Romil Arora - copyright reserved]

dil se...

bhari mehfil mein yeh ilzaam khud par leta hu...
sach bolta hu isliye use bewafa kehta hu!

yeh jannat mubarak ho tum farishte logon ko Romil

main to jehannum mein bhi uski ibadat mein rehta hu...

[written by romil arora - copyright reserved]

waqt

Sochata hu ki uska naam waqt rakh du Romil...
Woh bhi guzare hue waqt ki tarah kabhi wapas na aaya...
[written by romil arora - copyright reserved]

Yeh apni-apni aadat hai...

Yeh apni-apni aadat hai...

*

Mohabbat-e-naamaz se waakif nahi tha woh

Use bewafai ki aadat hai...

Humko waafa ki aadat hai...

**

Kya dil-e-lahoo dekhte ho huzur

Use zakhm dene ki aadat hai...

Humko mohabbat ki aadat hai...

***

Yunhi nahi hai dushman zamana mera

Use sitam dhaane ki aadat hai

Humko bagaavat ki aadat hai...

***

Kis-Kis ko sunaiye dard-e-gum apna Romil

Usko zulm karne ki aadat hai...

Humko marham lagane ki aadat hai...

[Written by Romil Arora - copyright reserved]