AajKal...

Ghar ki dararon se hawaa ka jhonkha sarsarate hue jab kaano se guzarta hai...
Aisa lagta hai tumne koi pigaam bhejha hai...

Jab dhund... kohre.... ki parat mein koi jilmilata sa roshan hota diya dikhta hai...
Aisa lagta hai bas chand qadmon ki doorie pe hi tumhara basera hai...

aur

aajkal subah... khidki ke sheeshe pe bikhari hui oos pe main tumhara naam likhta hun...

aajkal... ek cup jyada chai... tumhare naam ki main khud pe leta hun...

nai jacket mein... main kaisa lag raha hun... tumhe yaad kar aaina se khud hi puch leta hun...

hahaha

#RaJWrites

bhoj Suraj ka padega to pighal jayegi...

bhoj Suraj ka padega to pighal jayegi...
yeh mausami burf hai kitne din thehar payegi...

rishte kab karvat lele inka kya bharosa...
palat ke dekhoge to sirf naumeedi nazar aayegi...

aur

hamare shehar ki hawaa raas nahi aayegi tumko...
jidhar bhi dekhogi meri mohabbat tumhe aaina dikhayegi....

aur

Mazaa Chat ka to Thele pe hi khade hokar khane mein aata hai...
Jo Angrezan banogi to Swaad ki mohtaaz reh jaogi...

#Romil Arora

Zindagi ki to purani Haqeeqat hai....

Zindagi ki to purani Haqeeqat hai 

mere saath khelne ki...

Kamini Saanp-Seedhi ki tarah 99 pe aakar Das leti hai...

#RaJWrites

Samaj hi nahi aata...

samaj hi nahi aata hai...

kaun si wali gaali use dun...
ajeeb hai... gussata use hun aur aansoo apne nikal aate hai...
dard pe dard batati fhirti hai...
kaash... ek kaam bhi usne mere dil ke sukoon ke liye kiya hota...
kabhi koi lagaam to maine uspar daali hi nahi... na hi koi pabandagi ki... fir bhi apne har qadam se usne mujhe bekhabar rakha...
kisi roz jo uspar haath uth gaya to kya jawab dunga khud ko...

samaj hi nahi aata... 
yeh gussa kis baat ka hai...
apna bhi nahi hai woh...
fir bhi uspar yeh haq kis baat ka hai...

#RaJWrites

kudi lut-put ke le gai Saada Shehar Nawabon Da...

kudi lut-put ke le gai Saada Shehar Nawabon Da...

#RaJWrites

Mere marz ka...

Mere marz ka mustakabil elaaz jo na kar sake to...

Waqti aaram hi pahucha de...

Mere dilbar apni zindagi ke kuch pal hi mere naam kar de...

#RaJWrites

Chalo do...

In sard raaton mein
Loi mein lipte do badan chale...
chalo do qadam hi sahi saath-saath chale...

tum mujhse lipti...
mere kandhon pe sar tikaye...
Oos ki boondon se hum-tum nahaye...
kisi purani si bench pe baithe ek-dusare ko beete qisse-kahani sunaye...
chalo do pal hi sahi saath-saath baithe...

kuch Mungfhali ko Blazer ki Jeb mein dhare...
kuch gungunaye...
kuch tum sunao... kuch hum sunaye...
chalo Kulhad mein leke Daulat ki Chaat khaaye... 
fir kisi Daadi ki Jhopadi mein baith ke Chai ke Ghuut lagaye...
chalo do pal hi sahi ek-dusare ke ho jaye....

fir so lena bistar pe jakar apne Sajan ke pass... hahaha...

#RaJWrites

Yunh hi nahi zamane mein mashhur hai mera qaatil...

Yunh hi nahi zamane mein mashhur hai mera qaatil...
Maine usse mohabbat bhi bahut ki thi...

aur

Bahut samjhaya...
Bahut gidgiraya...
Yahan tak ki apne Jeene-Marne ki Qasmein tak de dali...
Magar kambhakt mein bewafai ki fitrat bhi bahut thi...

aur

rasm-e-mohabbat se waakif hi nahi tha woh shaks...
akhiri dafaa meri usse milne ki aarzoo bahut thi...
alvida ki rasm to nibhani chahiye thi...

#RaJWrites

Sawaal...

Sawaal yeh nahi hai ki apna rishta kitna purana sa hai...
Sawaal yeh hai woh shaks aaj bhi anjaana sa hai...

aur

Sawaal yeh nahi hai ki main kitna toot chuka hun... kitna nafrat se bhara hun...
Sawaal yeh hai main baar-baar toota kyon hun... bari-bari se luta kyon hun...

#RaJWrites

itni tehzebdaar apni rasm-e-mohabbat bhi hai...

khafa, khafa si hai...
magar fikr zinda bhi hai...
itni tehzebdaar apni rasm-e-mohabbat bhi hai...

lab pe khamoshi saji hai...
salaam jaroori bhi hai...
mehfil ki bebasi bhi hai...
itni tehzebdaar apni rasm-e-mohabbat bhi hai...

aur

usne kaha to kai baar hai...
"apna ghar basa lo..."
tamanna to bahut hai...
dhoondha bhi bahut hai...
magar ussa dusara zameen pe nahi hai...
itni tehzebdaar apni rasm-e-mohabbat bhi hai...

#RaJWrites

Chahat...

maut ka tamasha mujhe dekhna hai...
khuda shor sunna hai...
cheekh... rona... bebasi ka aalam dekhna hai...

halak tak sukh jaye, pani ki ek boond na naseeb ho...
ghut-ghut ke insani parindo ko marna hai...

Apni maa ki tasveer ko Phoolon se sajana hai...
Maa ko Phoolon se sajana hai...

#SuNWrites

mujhse mat kehna...

NaaZ keh rahi thi...

ab jo hona hai...
woh hona hi tha...
mujhse mat kehna...

hisaab sab barabar honge...
na ek inch bhi jyada... na ek inch kam hoga...
na gunah koi... ab insaaf hoga...
mujhse mat kehna...

mujhe mat kehna...

#SultanWrites

Yaad Nahi...

humein to Yaar yaad nahi... Parwardigar yaad nahi...
hosh mein to ab aaye hai... dar-o-deewar yaad nahi...

zindagi kat rahi hai... jurm-e-wafaa mein...
kisse mili hai sazaa yaad nahi...

door talak na koi sitara... na koi jugnu... na koi roshni...
itna pasra kyon hai andhera yaad nahi...

aur

kinaro pe sukun se baithe the...
kab dariya mein dub gaye yaad nahi...

#RaJWrites
#SuNWrites

yeh to sirf katre hai... katre...

yeh to sirf katre hai...katre...

tumne samundar dekha kahan hai...

woh aadmi nahi khara Sona hai.

tumne abhi parkha kahan hai...

aur

kuch yaadein...

kuch rutba...

kuch khaandani rivayatein hai...

warna in purani kothiyon mein rakha kya hai...

aur

chahe mitti ki...

chahe rait ki...

ya eth-cement ki...

in chaar dar-o-deewar mein pasra sannata kya hai...

aur

tum milti to kuch baat hoti...
warna is mohabbat mein rakha kya hai...

#RaJWrites

qayamat ki ghadi to...

qayamat ki ghadi to aa hi chuki hai...
jiski ik nishani TUM ho...
bas ab to har roz SUN ke tukde-tukde, bikharne ka intezaar rehta hai...

#SuNWrites

khamoshi to sirf uska dikhawa hai...

khamoshi to sirf uska dikhawa hai...
asal mein woh baaton ke samundar hai...

aur

kab tak mujhse nazarein churaogi...
aaina hu... ek-na-ek-din to saamna karna hi padega...

#RaJWrites

zahir hai...

zahir hai mujhe tumhari fikr rehti hai...
tum block kar doge...
comments ka jawab nahi doge...
phone karo to call uthate nahi ho...

zahir hai fikr to hogi...

dekhna poori raat tumhein call karti rahungi...
comments kar karke tumhara blog bhar dungi...

ishq karti hu tumse.... saccha wala...

#Yimepass

Doctorni Sahiba koi medicine bata do...

Doctorni Sahiba koi medicine bata do...

Subah... Shaam... bole mera jiya...
AB... AB... AB... AB...

aur

Jab koi ladki dekhu mera dil deewana bole...
AB... AB... AB... AB...

aur

Subah-subah jab khidki kholu...
Baaju wali Dadi amma haaye...
Dil mera bole...
AB... AB... AB... AB...

#Yimepass

Mere saath to dono condition hi apply nahi hui...

mere pass to koi rishta bhi nahi bacha tumhare siva...
isliye Shayad jyada yaad aati ho tum...
tumhare pass to kai rishtey hai...isliye mujhe bhool jaati ho tum...

मेरे पास तो कोई रिश्ता भी नही बचा तुम्हारे सिवा...

इसलिए शायद ज्यादा याद आती हो तुम...

तुम्हारे पास तो कई रिश्ते है... इसलिए मुझे भूल जाती हो तुम...

aur

और

log milte hai... ek-dusare ko pasand karte hai... fir mohabbat karte hai... fir shaadi karte hai...

ya

Pehle shaadi karte hai...fir ek-dusare ko pasand karte hai...fir mohabbat karte hai...

Mere saath to dono condition hi apply nahi hui...
Sirf mohabbat hi kiye ja rahe hai...
kiye ja rahe hai...kiye ja rahe hai...
Sirf mohabbat hi kiye ja rahe hai...

लोग मिलते है... एक दूसरे को पसंद करते है... फिर मुहब्बत करते है... फिर शादी करते है...

या

पहले शादी करते है... फिर एक-दूसरे को पसंद करते है... फिर मुहब्बत करते है...

मेरे साथ तो दोनों कंडीशन ही अप्लाई नहीं हुई...

सिर्फ़ मुहब्बत ही किये जा रहे है...

किये जा रहे है... किये जा रहे है...

सिर्फ़ मुहब्बत ही किये जा रहे है...

#रोमिल

Khawaish...

Mohabbat kisi ko barbaad nahi karti hai...
Hum khud mohabbat mein barbaad ho jaate hai...

Khawaishon ki jhadi lag jaati hai...
usse mohabbat ki khawaish...
woh humse mohabbat kare iski khawaish...
fir usko  paane ki khawaish...
apna banane ki khawaish...
khamoshi... dil ki baatein samajh le uski khawaish...
bacchon ki khawaish...
khawaish... khawaish... khawaish....

#RaJWrites

bahut seedhe-saadhe log hai hum...
seedhi, bholi-bhaali baatein samajhate hai...

Guroor...

jab shauhar ko shauhar hone ka rutba nahi de sakti ho...
fir begum hone ka guroor kaisa...
yeh maang mein sindoor, yeh gale mein mangal-sutra kaisa...
yeh fikr kaisi... fir parwah kaisa...

#RaJWrites

Dil Se...

700/- Rupiya consultancy fee li hai Doctor ne... Tum refund karwa do to hum maan jaye tum badi Doctarni Sahiba ho... Bahut badi MBBS, MD ho... Bahut badi Doctarni Sahiba bani firti ho....

X-ray, bandage, registration ki cost chalo hum nahi kehte tumse wapas karwane ko... Par Parche Bharne ke 700/- Rupiya Fees... Wapas dilwa do...

Hum jante hai tum baithe-baithe humko Baddua de rahi ho, galiyan nikal rahi ho... Chahe jitni dete raho.... Mujhe ab fark nahi padta...

#RaJWrites

My Christmas Tree 2018 - Merry Christmas - Happy Xmas

Galatfehmiyon ki dhoop mein rishta jhulas sa gaya...

Galatfehmiyon ki dhoop mein rishta jhulas sa gaya...
mujhe mohabbat ne sirf badnamiyon ke siva kuch na diya...

aur

Usne odh rakhi hai bewafai ki burf...
Mujhe aankhon mein barsaat ke siwa kuch na diya...

#SuNWrites
#RaJWrites

bari-bari se... milke loota hai...

bari-bari se... milke loota hai...
jaise mera mohabbat-e-dil nahi koi khazana ho...

aur

tu qatil bhi nikla, masihaa bhi nikla...
jo zeher bhi deta ho...
jo dava dekar bacha bhi leta ho...

#Romil

बारी-बारी से... मिलके लूटा है...

जैसे मेरा मुहब्बत-ए-दिल नहीं कोई खज़ाना हो...

और

तू क़ातिल भी निकला, मसीहा भी निकला...

जो ज़हर भी देता हो...

जो दवा देकर बचा भी लेता हो...

#रोमिल

AB... AB... AB... AB...

AB... AB... AB... AB...
ABBBBB...ABBBBB...

Parvat pe chhaye jab kaali ghata...
To Dil karta hai...
AB... AB... AB... AB...

Yeh AB... AB... kya hai?
Yeh AB... AB... kya hai?

Jab koi accha lagta hai...
Bada jaan se pyara lagta hai...
To Dil karta hai...
AB... AB... AB... AB...

#Yimepass

zindagi bhar ka saath na sahi...

zindagi bhar ka saath na sahi...
zara sa rasta hi mera hara-bhara kar de...

aur

akeli shama udaas si jal rahi hai...
aye Khuda... kisi ko to mera humnava kar de...

#Romil

ज़िन्दगी भर का साथ ना सही...

ज़रा सा रास्ता ही मेरा हरा-भरा कर दे...

और

अकेली शमा उदास सी जल रही है...

ए ख़ुदा... किसी को तो मेरा हमनवां कर दे...

#रोमिल

ab baatein to door...

ab baatein to door...
deedar bhi kahan hota hai...
hum cheekh-cheekh ke kehte rehte hai kasoor unka...
unko ehsaas hi kahan hota hai...

aur

Gore mukhade pe lag jaati hai paseene ki jhaadi...
jab jehan mein unke khayal mera hota hai...
AC bhi kaam nahi karta hai...
Paanch-Paanch kamron mein bhi dum ghutata hai....

#Romil

अब बातें तो दूर... 

दीदार भी कहां होता है... 

हम चीख़-चीख़ के कहते रहते हैं कसूर उनका... 

उनको एहसास ही कहां होता है...

और 

गोरे मुखड़े पे लग जाती हैं पसीने की झड़ी... 

जब जेहन में उनके ख्याल मेरा होता है... 

एसी भी काम नहीं करता है... 

पांच-पांच कमरों में भी दम घुटता है...

#रोमिल

Yeh Dil Tum Pe Aa Gaya Hai AB...

Yeh Dil Tum Pe Aa Gaya Hai AB...
Oh Baby... My Baby...
hahaha

aye AB... o AB... suno Baby...
hahaha

jab bhi koi ladki dekhu...
mera dil deewana bole...
AB... AB... AB...
gau tarana yaara, jhoom-jhoom ke haule-haule...
AB...AB... AB...

#Yimepass

davaa dene wale dard dene lage...

davaa dene wale dard dene lage...
khaakh banake mohabbat ko hawaa mein udane lage...

aur

la-elaajh sa chhod rakha hai mujhko...
jo dete the zindagi ki dua ... woh ab maut mangane lage...

#RaJWrites
#SuNWrites

main aaina hua karta tha...

main aaina hua karta tha...
isliye bikhar chuka hun...
woh shaks pathar tha...
isliye pooja ja raha hai...

aur

woh saath thi to dhoop-chaav sa mausam tha...
ladte the, jhagadte the...fir saath muskurate the...
ab to jaise Sardi ne Jakad liya hai...
na udhar koi halchal... na idhar koi bechaini...

#Romil

मैं आईना हुआ करता था... 

इसलिए बिखर चुका हूं...

वो शख्स पत्थर था 

इसलिए पूजा जा रहा है... 

और 

वो साथ थी तो धूप-छांव सा मौसम था 

लड़ते थे, झगड़ते थे... फिर साथ मुस्कुराते थे... 

अब तो जैसे सर्दी ने जकड़ लिया है... 

ना उधर कोई हलचल... ना इधर कोई बेचैनी... 

#रोमिल

Tum Umar-Daraaz Ho...

Yahi Bad-Dua hai Meri ki...

Tum Umar-Daraaz ho...

Har roz... beete mohabbat ke lamho ke saath ek-ek saans ki chubhan tumhein mehsus ho...

aur

Mohabbat sacchi ho to Ek hi Daleel kaafi hoti hai...

Bewafai ke liye Sau Bahane bhi kam pad jaate hai...

#Romil

यही बद्दुआ है मेरी कि... 

तुम उम्र-दराज हो... 

हर रोज... बीते मोहब्बत के लम्हों के साथ एक-एक साँस की चुभन तुम्हें महसूस हो... 

और 

मोहब्बत सच्ची हो तो एक ही दलील काफी होती है... 

बेवफाई के लिए सौ बहाने भी कम पड़ जाते हैं...

#रोमिल

Naaz kar mujhpar ki...

Naaz kar mujhpar ki tujhse Ishq hai besumaar...
Qadr kar meri ki Main sirf Ek hun...

aur

Mere andar bhi jaag uthe Chandani...
Gar AB keh main teri hun...

#Yimepass

Yeh sirf khayal hai tumhara... Main kahan badla hun...

Yeh sirf khayal hai tumhara...

Main kahan badla hun...

Wahi 5/- Rupiya wala dhoodh ka packet... 2/- Rupiya wali Nescafe.. Do Sugar Cube...

Wahi meri tanhai, Wahi akeli coffee...

Wahi Katghare jaisa Ek Kamra... 

Wahi Single Bistar... Wahi Do Takiye... Wahi Do Chadar... Wahi Ek Rajai...

Wahi Ek Plate, Do Katori, Ek Lota, 

Ek Chammach, Ek Cup Coffee wala... Wahi Pani wali Surai...

Wahi meri Wafayein... meri Imaandari...

meri Sharafat... meri Mohabbat... 

meri Ebadat... meri Aarzoo...

meri Justuzu... meri Zindagi...

Sab waisa hi hai...

Bas Itna sa Badla hai...

Pehle mere Dil mein 

Tum rehti thi...

Ab se woh rehti hai...

#Romil

यह सिर्फ ख्याल है तुम्हारा...

मैं कहां बदला हूं...

वही ₹5 वाला दूध का पैकेट... 

₹2 वाला नेस्कैफे... दो शुगर क्यूब... 

वही मेरी तन्हाई, वही अकेली कॉफी... 

वही कटघरे जैसा एक कमरा... 

वही सिंगल बिस्तर... वही दो तकिया... 

वही दो चादर... वही एक रजाई... 

वही एक प्लेट, दो कटोरी, एक लोटा, एक चम्मच, एक कप कॉफी वाला... वही पानी वाली सुराई...

वही मेरी वफाएं... मेरी ईमानदारी... 

मेरी शराफत... मेरी मोहब्बत... 

मेरी इबादत... मेरी आरजू... 

मेरी जुस्तुजू... मेरी जिंदगी... 

सब वैसा ही है... 

बस इतना सा बदला है...

पहले मेरे दिल में 

तुम रहती थी, 

अब से वह रहती है...

#रोमिल

WAQT ka intezaar....

dil se nikli hui bad-dua hai meri...
be-asar nahi jayegi...
main to bas us waqt ka intezaar kar raha hun...
jab yeh rang layegi...

#Romil

दिल से निकली हुई बददुआ है मेरी...

बेअसर नहीं जायेगी...

मैं तो बस उस वक़्त का इंतेज़ार कर रहा हूँ...

जब यह रंग लायेगी...

#रोमिल

Aag lagane de use...

Aag hai... Aag hai... Woh Aag hai... Dehekati hui Aag hai...
Aag lagane de use...

aur

Tumhein mein bhare chaurahe pe mohabbat-e-sabak seekhayunga...
Ek baar teri mohabbat ke chungul se nikal jaane de mujhe...

#SuNWrites
#RaJWrites

Swabhimaan tha ya fir uska guroor tha...

Gair jo kar rahe hai suluk uska kya roz-roz hisaab karein...
Apno ne bhi kam sitam nahi dhaaye hai...

aur

Kahan hoga apna Baap...
Kya Khabar... Kya Pata...
Zinda tha tab kaun sa kareeb tha...

Chahe raha ho zamana usse na-khush...
Aadmi woh bada khara tha...

Jhuka nahi.... Bhale hi toot gaya...
Swabhimaan tha ya fir uska Guroor tha...

#SuNWrites

Bas general si baatein...

Kal hai Barsi... Baap ki... 7th December '2018... 

fark hai... fark...

fark hai...

tumne mujhe daulat ke gurur mein chhoda tha...

aur maine tumhein...
poore hosh-o-hawaas mein
rab-e-paak ko apne dil mein rakh kar
poore adab, ehtmaam, emaan ke saath chhoda hai...

JAO AAJ SE MAIN TUMHARA NAHI...

#RaJWrites
#SuNWrites

Kya be-tarkeeb khayal hai Tumhare...

Gale ki Sone ki Chain baich kar Apne Baap ki Chhita jalai hai....
Aur Tum yeh khayal karo ki main Tumhare dukh-talkeef mein sareekh hun...

aur

Sherni thi meri Maa...
Hamesha Dahadne wali... Sherni thi...
Magar maine use ghut-ghut ke marte hue dekha hai...
Aur Tum yeh khayal karo ki main Tumhare Parivarwalon ki maut pe jashn bhi na manau...

Kya be-tarkeeb khayal hai Tumhare...

#SuNWrites

hey... hey... pis gai, pis gai Sharafat meri...

jab usne mujhe dhoka diya...
to maine muskura ke khud se kahan...
hey...hey...pis gai, pis gai Sharafat meri...

aur

humne use dekhna chhod diya...
uski tasveeron mein kahi dikhti hi nahi thi mohabbat meri...

aur

dhitai to dekho... dhit itni hai...
shafai pe shafai de rahi hai...
yeh bhi qabool nahi karti... Haan Gunehgaar Hu Teri... Zindagi Barbaad Ki Hai Maine Teri...

#SuNWrites
#RaJWrites

sazaa-e-maut honi chahiye ise...

kaash kahi mohabbat ki adalat lagti...
tum katghare mein khadi hoti...
aur main cheekh-cheekh ke kehta...
"kam se kam sazaa-e-maut honi chahiye ise...
sazaa-e-maut honi chahiye ise"

#SuNWrites
#RaJWrites

Kar ke Qatal mera...

Kar ke Qatal mera... mere Mehboob ne kahan...
Tu mera Shauhar nahi hai jise main khud apne haathon se mita na saku...

aur

Naam le mera aur Main uska Galaa ghot dun...
Hasratein aisi jagi hai Dil mein jise poora bhi na kar saku...

#SuNWrites
#RaJWrites

Bewajah hi nahi jali hai yeh Basti yaaron...

Bewajah hi nahi jali hai yeh Basti yaaron...
Main jalane wale apno ko pehchanta bhi hun...

Lab khamosh hai... Kya beeti baaton ka zikr kare...
Main shabdon ki chubhan ko pehchanta bhi hun...

aur

Na mujhe rishta rakhna hai...
Na ab tum nibha sakti ho...
DOOR-DOOR RAHE TO BEHTAR HAI...
APNI-APNI ZINDAGI MEIN RAHE TO BEHTAR HAI...
WAQT EK-DUSARE KA JAAYA NA KARE...
RAAT BEETANE MEIN FIR PARESHANI HOTI HAI...
kabhi koi gair-anjaan sa gar puchega to Keh Dunga Haan... Haan... Use Pehchanta bhi hun...

#SuNWrites

No Need...

"Main jisse rishta toodata hun to todh deta hun...

Jiska saath chhodata hun to chhod hi deta hu..."

No need for any explanation...

Purane se Jawab hai... Ismein kuch Naya jawab nahi...

03rd August hai manhus Tareek...

Majdoor ka Chulha...

Sahib... Yogi ya Owaisi ki Siyasat se nahi Jalta hai...
Yeh Majdoor ka Chulha hai...
Majdoor ki mehnat se...
Rab ki Duaon se Jalta hai...

#RoMiLWrites

ab to baaz aa jao....

ab to baaz aa jao...
apne cousin pe doore daalne se...
bachpan se chakkar chala rahi ho...

ab to do bacchon ki maa bhi ban chuki ho...
kya sochenge bacche... 
"baap se daulat to khoob mil gai, par mohabbat na mil saki... isliye apne aashiq ki kabr pe chali aati hai rone ko..."

badi pakeezah mitti hai mere kabr ki ise choo kar maleen na karo...

#SuNWrites

Mujhe fark nahi padta kisi ke jeene... Kisi ke marr jaane se...

Mujhe fark nahi padta kisi ke jeene...
kisi ke marr jaane se...
Ab mere aansoo, aankhon ke raaste nikalte nahi, balki andhar-hi-andhar beh jaate hai...
Jaise jism ke andar hi Gupt Sangam sa ban gaya ho...

Main Shiva ko pujte-pujte Shiva sa ho gaya hun...
Jalti hui Chitaon ke beech mein baitha, cheekh-pukaar mein bhi apne Mann mein hi Magan Hun...

Shayad Maa ki maut ki wajah se aisa hua...
Baap ki maut ne upper se aur daab diya...
Ab rishton ki jarurat nahi mujhe...

#SuNWrites

Khuda aapko apne Darbar ke kaabil banata hai...

NaaZ keh rahi thi...

"Khuda aapko mohabbat dekar aajmata hai ki aap Khuda ke banaye hue Bande ke vaaste kitne wafaadar ho, emaan pasand ho... Khuda mohabbat mein adchane, dikkatein, talkhi paida karta hai... Aapke jaddo-jehad ka imtehaan leta hai... 

Fir Khuda teh karta hai ki jab aap us Khuda ke banaye hue Bande se itni mohabbat kar sakte ho to Khuda se kitni mohabbat karoge... Khuda aapko apne Darbar ke kaabil banata hai..."

#SultanWrites

Dakhalandazi NO...

Theek hai... 

Kisi category mein nahi ho...

Tum meri life mein kisi category mein nahi aati ho... Kisi bhi nahi...

Karo....

Karo bhaiya karo... 

Main jisse rishta todata hun to todh deta hun...

Main jisse rishta todata hun to todh deta hun...

Jissa saath chhodata hun to chhod deta hun...

Coma mein...

Coma... Mein chali gai ho... Coma mein...

Google+

Google+ kuch mahino mein band ho jayega...

Reality

Photu... Photu... 10 saal purani hai... Wahi photo baar-baar laga deti hai... 

Changes...

Changes karne ko to 02 seconds ka waqt lagega... Par implications dekhe jaate hai...

Samajh hi nahi aata ki... Nai shuruwat kahan se kare...

Samajh hi nahi aata ki...
Nai shuruwat kahan se kare...
Kaun sa sirra pakad ke kheenche ki poori zindagi ki dori sulajh jaye...
Itni gaanthe padi hui hai ki suljhate-suljhate kahi maut ka na waqt kareeb aa jaye...

aur

yeh Satya hai...
Tumhare chakkar mein waqt bada jaaya chala gaya...
Ab sar patakne se koi fayda bhi nahi hoga...
Nai Roshani se kya fayda...
Jab Insaan hi andha hua baitha hai...
Pyar mein andha... hahahaha...

Rab Hi Jaane... Kya Hoga...

#RaJWrites

Socha... Jawaab sa de du...

Woh kehti hai...

"mere alawa kisi ke baare mein kuch mat kaho..."

Woh Ab Ja Chuka Hai...

Mard jab dusari aurat ki chaukhat ki taraf chal pade

to yeh nahi sochana chahiye ki 

woh ja raha hai 

balki yeh samaj lena chahiye ki 

WOH AB JA CHUKA HAI...

aur

Talaaq... Tere-Mere beech Jaroori to nahi tha...

Magar jab main Bewafai karu to 

apni Wafaaon ko jawab dene ke liye 

kuch-na-kuch to hona chahiye na...

#RaJWrites

Roznaamcha....

Sunday ko itna jyada kaam rehta hai... 

AsstP in College...

bewafai ka lecture padati hogi...
kaise dilon se khelate hai seekhati hogi...
kaise Handle Wid Care karna hai Aashiq ko formula likhwati hogi...

Jeene ka shauq hai magar...

Jeene ka shauq hai magar...
Roz Maut ka Safar teh karte hai...

Teri bewafai ka zehar peete hai...
Roz raat tujhe gair ka hote dekhate hai...

#RaJWrites

Rangoli...

Dilon se khelane ki aadat hai uski purani...
Fir chahe Rangoli ko....
Ya fir Premi...

#RaJWrites

Sirf Rangoli ke dilon mein hi Rang bharna aata hai use...
Aashiq ke Dil ko to Berang kar deti hai...

#RaJWrites

Rang...

Rangoli ho ya fir Mizaaz uska...

Rangeeniyat use pasand hai...

Apni zindagi to Berang kar rakhi hai usne...

#Romil

रंगोली हो या फिर मिज़ाज़ उसका...

रंगीनियत उसे पसंद है...

अपनी ज़िंदगी तो बेरंग कर रखी है उसने...

#रोमिल

Sach hai Mohabbat ki Talaaq nahi hoti...

Sach hai Mohabbat ki Talaaq nahi hoti... Tumhari Mohabbat to mere dil mein zinda rahegi hamesha...

Chalo koi baat nahi...

Jab Golgappe khaane ka mann kare to keh dena... Khila layunga...

Koi Salwar-Suit khareedane mein meri pasand ki jarurat pade to pasand karwane aa jayunga...

Kabhi jo Birthday pe mujhe gift dogi to rakh launga...

Movie ke liye jo kahogi to dikha layunga...

Itni aazmayishein tumhari poori kar dunga...

Hahahaha

#Romil Arora

Mera dar BAND hai, HAMESHA BAND hi rahega tumhare liye...

Mukesh Sahab ne kaha tha...

"jab koi tumhara hirday tod de
tadapta hua jab koi chhod de
tab tum mere pass aana priye
mera dar khula hai, khula hi rahega tumhare liye..."

Unhi ke andaz mein main tumse kehna chahunga...

"jab koi tumhara hirday tod de
tadapta hua jab koi chhod de
tab tum mere pass NA aana priye
mera dar BAND hai, HAMESHA BAND hi rahega tumhare liye..."

#Romil

Seekh...

12 saalon ki mohabbat 

aur 

34 saal ki umar beet jaane ke baad maine yeh baat seekhi hai... 

"Aurat chahe to Mard ko bana sakti hai, Aurat chahe to Mard ko tabah kar sakti hai..."

#RaJWrites

Afsoos rahega tumhare chakkar mein Mohabbat badnaam ho gai...

Talaaq mein ek-dusare ki cheezein wapas kar dene ka rivaaz hai...

Mere beete hue saal to wapas kar nahi sakti... Chalo jo tumko yaad ho, dena chaho, wapas kar dena...

Bas afsoos rahega tumhare chakkar mein Mohabbat badnaam ho gai... 

Apni jaghasai ki parwaz na mujhe tab thi jab tumse ishq kiya tha, na aaj hai... 

#RaJWrites

Hum to SitaRam wale hai...

Hum to Ram wale hai...
Us Ram wale hai...
Jo Viyog mein bhi Sita ka raha...
Tyaga bhi to usi Sita ka raha...
Pukara to bhi Sita ko hi pukara... Roya to bhi Sita ke liye...

Hum to SitaRam wale hai...

#SuNWrites

Safar...

tere hisse ka Safar ab khatam hone ko hai...
tu bhi azaad... main bhi azaad...
ishq ab nai dastaan likhne ko hai...

#RaJWrites

Balaa hai Balaa...

NaaZ keh rahi thi...

Pehle tujhpar taras aaya...
Fir tere halaat pe taras aaya...
Isi taras-taras mein khayal aaya ki...
Khuda ne kuch socha hi hoga tabhi to teri zindagi mein Ishq-e-Shailab aaya...

aur

Mohabbat nahi hai woh...
Balaa hai Balaa...
"Bhawar mein fhasa ke rakhegi tumhein...
Na Sahil ka rehne degi...
Na kisi ke ishq mein dubne degi..."

Balaa hai Balaa...

#Romil Arora

Aise hi Baatein...

Subah uthe... 

Keemat to Hayaa ki hi hoti hai...

NaaZ keh rahi thi...

Aurat apni izzat ki khud malkin hoti hai...

Uski izzat, Sasural, Pati, Bete, Baap, Bhai ki jageer nahi hoti hai...

Keemat to Hayaa ki hi hoti hai...

Be-Hayaa to har roz bikti hai...

Uske kiye hue Vaadon ka koi gavah tumhare pass ho na ho...

Dono ke beech Khuda ki maujoodagi kya kam hoti hai...

aur

Use yeh ehsaas tak nahi hai...

"ki woh tumhein Cheat kar rahi hai"

Aise rishton ke Safar ki Manzil sirf Bistar tak hoti hai...

aur

Gusse mein aakar Talaak de dena...

Fir Umar bhar afsoos karna...

Faisalon ki chubhan badi takleefdaar hoti hai...

#Romil Arora

Abhi...

Main chup jo ho gaya to saari duniya khamosh lagegi tumhein...

Abhi jo meri baaton se chhidati ho tum...

Abhi lagta hai tumhein ki main pareshan karta hun...

Abhi uljhan si hoti hogi na mere naam se...

Abhi ek bhoj sa rishta lagta hoga apna...

Maine jo kisi aur ka haath thaam liya to tanhai kha jayegi tumhein...

Abhi jo mere saath se chhidati ho tum...

Aur

Abhi meri baatein tumhein Gandi lagti hai..

Abhi meri bhawanaye Kartute lagti hai tumhein...

Abhi main Haraamzada sa lagta hun...

Maine jo Bewafai kar li na to mere liye Gali bhi kaam lagegi tumhein...

Abhi jo mujhe Gali bhi de leti ho tum...

#RaJWrites

Be-Sir-Pair Si Baatein....

Dikkat kya hai... 

General Baatein...

Subah utha... 

Innocent sa...

kabhi-kabhi main itna innocent ho jata hu... jab us innocent wale pal ko yaad karta hun to khub Hansi aati hai...

Dil Se...

Koi kaam to hoga nahi... 

Aacha rehta hai...

Maa kehti thi...

Chadar mein pair rahe to aacha rehta hai...
Haath thoda tang rahe to aacha rehta hai...

Apne gunahon ka elam rahe to aacha rehta hai...
Khuda ka kauf zehan mein zinda rahe to aacha rehta hai...

Sar adab se jhuka rahe to aacha rehta hai...
Jubaan pe thoda kaabu rahe to aacha rehta hai...

aur

Beti... Beti hi bane rahe to aacha rehta hai...

#Romil

मां कहती थी... 

चादर में पैर रहे तो अच्छा रहता है... 

हाथ थोड़ा तंग रहे तो अच्छा रहता है... 

अपने गुनाहों का इल्म रहे तो अच्छा रहता है... 

खुदा का खौफ ज़ेहन में जिंदा रहे तो अच्छा रहता है... 

सर अदब से झुका रहे तो अच्छा रहता है... 

जुबान पर थोड़ा काबू रहे तो अच्छा रहता है... 

और 

बेटी... बेटी ही बनी रहे तो अच्छा रहता है... 

#रोमिल

Apni Gurbat Ka Rona...

Ammo kehti thi...

Apni Gurbat ka rona kisi ke saamne nahi rona chahiye...
Sabr aur Sukr ke saath Qalma padhkar so jaana chahiye...

Majdoor ko kaisi fikr...
Majdoor ke liye batheri Majdoori...
Apni mehnat par bas yakeen rakhna chahiye...

Aur

"Parda nahi Jab koi Khuda se...
Bandon se parda karna kya..
Jab Pyar Kiya To Darna Kya..."

Ibadat sacchi ho to sar jhuka dena chahiye...
Mohabbat sacchi ho to marte dum tak nibhani chahiye...
Aur Aetbaar aisa karo, saari dunia khilaf hi sahi, Aashiq ko Sanam ke saath khada hona chahiye...

#SuNWrites

Yeh to kisi kaam aai nahi...

Yeh to kisi kaam aai nahi...

Kam se kam iski Arthi hi Thandak mein Aag Taapne ke kaam aayegi...

#Romil Arora

Tumhare ghar se mera ghar....

Tumhare ghar se mera ghar bahut door hai aur rasta bhi lamba, theda-meda hai...

Wahan pahuchate-pahuchate tumhari mohabbat thak jayegi... dum todh degi...

#RomiLWrites

Tafri ka Samaan...

Mujhse jee bhar gaya ho to kisi aur ko apni Tafri ka Samaan bana lo...

Izzajat hai tumhein...

#RaJWrites

Itni hi izzat pyari hai to...

Itni hi izzat pyari hai to khud marr jao...

Mohabbat karne wale apne bacchon-bacchiyon ko kyon maarte ho?

Kyon apni Jaan lene ki himmat nahi hoti?

#SuNWrites

Mere blog pe waqt zaaya karne se behtar hai...

Mere blog pe waqt zaaya karne se behtar hai...

Apne Baap-Dadaon ki Kabrein 

pakki-marammat kar lo... 

Din bhar Kutte Muta-Hagaa karte hai... 

Aur Qabristaan jaana to do-chaar khaali jagah aur talash lena, jaldi jarurat aan padegi...

#SultaNWrites

Shraddhanjali Sri Vinod Agarwal Ji (06.06.1955 to 06.11.2018)

Waqt kareeb aa gaya hai...

NaaZ keh rahi thi...

Waqt kareeb aa gaya hai...
Sawalon ka jawab lene ke liye ...
Baaton ka hisaab lene ke liye...
Har Shadyantra ki turpai kholne ke liye...
Karni ka fhal dene ke liye...
Lal Rang se rangane ke liye...

Bas mauke ki talash hai...
Na koi saboot, Na koi gawah... Bas Lal Rang se bikhara hoga jahaan...
Yahan mauka mila... Wahan Lal Rang Udha...

#SultanWrites

aisa lagta hai...

aisa lagta hai ...
jaise zindagi, maut ke pass girwi rakhi ho...
saansein chal to rahi hai par ek-ek pal ka hisaab de rahi ho...

aisa lagta hai...
yeh uthak-patak; bhagam-daur kabhi rukegi nahi...
ek daur ke baad, naya daur shuru ho jayega...
jism ka libaas bas badal jayega par rooh ka safar kabhi khatam na hoga...

aisa lagta hai...
dunia badi bhri-bhri si hai aur ek hi pal mein lagta khaali si hai...
kabhi lagta hai koi is dunia ka mai-baap hai aur kabhi lagta hai yeh anath si hai...
kabhi lagta hai kisi ko to hamare dukh-dard ki parwah hai..
aur kabhi lagta hai fariyad tak koi nahi sunta hai...

aisa lagta hai...

#RomilWrites

ki rishtey ki doorie na toote...

koshishein tamam ki...
jatan bhi khoob kiye...
ki rishtey ki doorie na toote...

intezaar bhi khoob kiya...
sar bhi khoob jhukaya...
zamane ke taane... baatein bhi khoob suni...
prayas bhi kiya ki rishtey ki doorie na toote...

manufacturer ke saath unke sambandh ko bhi nazar andaaz kiya...
uske product ko bhi hamesha apne sa product samajhate rahe...
unki raaton ka hisaab bhi bhool gaye...
har sambhav talasha ki rishtey ki doorie na toote...

aise hi koi bewafa nahi hota.. 
aise hi koi gair ka nahi hota...
kasoor jaroor hamara hi raha hoga...
aise hi koi maa-baap tak nahi pahuchata...
beizzati nazar andaaz ki taki rishtey ki doorie na toote...

aur

"baat maa-baap tak aa jaye...
to beedh jaana chahiye..."

isliye rishta nahi joda tha ki maa-baap ko gaali khilau...
mujhko jo kehna hai khulke kaho... Chaho to poster; hording; banner; wall painting; newspaper advertise tak nikalwa do...
Bas mere dayere tak raho... Maa-Baap tak na pahucho...

#RaJWrites

Bhow... Bhow... Bhow...

Bhow... Bhow... Bhow... Karne do... Aur Zor Zor se Bhow... Bhow... Bhow karne do...

Thoda samay baad thak ke Meaow... Meaow... Meaow.... Karne lagegi...

Just Ignoring... Bahut Shor Ho Raha Hai... Ignore karo...

#SultanWrites

Just Ignoring...

Jawab dene se koi fayda nahi hoga...

Bas ab khatam karo...

Ignore policy apnao.... Just Ignoring...

Itne saal barbaad ho gaye to ho gaye... Ab ek pal bhi zayaa nahi karna hai... Ignore karo...

#SultanWrites

Is baar...

NaaZ keh rahi thi...

"Is baar kisi ko nahi bakshungi Sultan... Yeh saal jaate-jaate Lal Rang se rang dungi... Tum dekh lena..."

Pata nahi aisa kyon bol kr gai ... Sabko kaise samjhu, mat karo mere khilaf koi shadyantra usko Badrooh mat banao... Badrooh ban gai to zindagi haraam kar degi tum logon ki...

#SultanWrites