Equality...

Pavitra Aatma NaaZ kehti thi...

Sultan... Khuda ne to sabki liye equality banai hai...
bas logon ne fark paida kar diya...

Suraj jab damakta hai to sabke liye damakta hai...
Haawein jab chalti hai to sabke liye chalti hai...
Chand ki chandani sabke liye chamakati hai...
Yeh Nadi-Dariya-Samundar-Jangal sabke liye barabari ka haq dete hai...

Agar Deen ke hawale se bhi dekho...

Namaaz sabke liye farz hai...
Zakat sabke liye farz hai... Chahe koi kitna ameer ho ya kitna garib...
Rozein sabke liye farz hai... aisa nahi hai ki ameer 10 rozein rakhe aur garib poore mahine.
Maa-Baap ki sewa karna sabke liye batati gai hai...
Qayamat ka din jab aayega to sabke liye aayega...

Allah ne riyatein jarur bakshi hai...
Jaise yeh samaj sakte ho ki Suraj sabke liye aag barsata hai, magar agar aap nahi bardasht kar pa rahe hi to kisi ped ki chaav ke neeche aa jaye... Magar Suraj aapke liye apni aag nahi kam karega... Woh Rab ka hi adesh manega sirf...

Sirf logon ne zameen ko baata... Logon ko baata... tarah-tarah ke fark paida kiye...

- ⛅

Radio...piya aiso jiya mein samaye gayo re...main tulsi tere angan ki...

subah-subah sukomal, nanhe shishuhasht jaise sparsh se mujhe uthana...
aur kehna...
jaan abhi tum Chai bana do... evening mein main hi banaugi... promise jaan...

par tumhara vaada sirf... khayali pulao hi jaisa rehta tha... 
ant mein shaam ko mujhe hi joker banna padta tha...

main kheech mein bolta tha...
aaj to weekend hai, tumko hi banana chahiye na"

tum bol uthati thi...
aacha jaate-jaate Radio ki voice thodi badaa dena... mera favourite song aa raha hai... 
cooker mein aloo bhi chhada do na... aloo parathe milkar banate hai breakfast mein...

radio voice bada do na Mr...

"Piya aiso jiya mein samaye gayo re...
Ki main tann-mann ki sudh-budh bhoola baithi...
Piya aiso jiya mein samaye gayo reeee"

(Lijiye aapki Chai...)

(Advertisement ke saath Radio bajta rehta tha...)

Tum bistar se uthate hi laptop ko apne goad mein rakh kar kehti thi...
Biscuit ka dibba de do na...
Kaisa weekend jaan... Itna pending work pada hai... Aaj tailor ke pass jakar fitting bhi deni thi... Parlour bhi jaana tha... fir weekly marketing-shopping bhi to karni hai...

Udhar Radio bajta rehta tha idhar tumhara communication shuru rehta tha...

"tere pyar mein badnaam door-door ho gaye,
tere saath hum bhi sanam mashoor ho gaye...
Ab to hai tumse har Khushi apni...
Tum pe marna hai zindagi apni... Ho ho..."

Suno...Maan keh rahi thi usne last week try maara tha tumpar... Par tumne ghas nahi daali... Na tumne mujhe bataya...

Main kehta... Yeh bhi koi batane wali baat hai... After all tumhari friend hai....

Tum kehti... Chance to tum bhi maar sakte the.... Ek number ki kamini hai Maan... Bitch hai Maan...

Idhar tumhare mooh se Maan ke liye galiyan... Udhar radio ki voice...

"main tulsi tere angan ki,
Koi nahi... Koi nahi...
Main tere saajan ki...
main Tulsi tere angan ki..."

Udhar rasoi gas pe chhade aloo ke cooker mein siti bajne lagi thi...

mujhe samajhate dair nahi lagi thi, tum dono mitr mujhpe baazi lagi rahi thi... mujhe apni kasauti par parakh rahi thi...

main uthkar aloo chhelane lagta tha...
tum laptop ke saath badbadate email reply karne lagti thi...

radio bajta rehta tha...

"kya hua tera vaada....
woh qasam... Woh irada....
bhulega dil jis din tujhe...
woh din zindagi ka aakhiri din hoga"

- raj

Lajjaton mein mat bharma, Kul Maalik mein dhyan lagaa...

Maa kehti thi...

Bhalu... Lajjaton mein mat bharma,
Kul Maalik mein dhyan lagaa...

Har ek cheez mein ek sabak chhupa hai akhirat ke liye...

Agar koi andha na hota,
To tumhein kaise in aankhon na mulya pata hota...

Agar koi haath-pairon-buddhi se kam na hota,
To tumhein kaise in haath-pairon-vivek ki keemat ka andaza hota...

Qaynaat ke logon ke sabak ke liye hi yeh fark hai sirf.
Logon ko to un sab ka sukriya ada karna chahiye...

Farishte sab dekha karte hai...
aur likhate rehte hai...
Kaise tum in logon ke saath vyavhaar karte ho, bartaav karte ho...
Kaise inke saath shabdon ka upyog karte ho...
Kaise inko equality dete ho... Barabari ka samman dete ho...

aur kitni behtareen tarah se apni zindagi ko Khuda aur jannat ke liye taiyaar karte ho...

#Romil

agar...

Kehti hai...

agar deen ka khayal na hota...
agar paak-e-ramzan mahina na hota...
agar uska masoom bacche sa dil na hota...

to

na humse bade tum siyasat wale ho...
na humse bade tum badshah ho...

#Romil

कहती है... 

अगर दीन का ख्याल ना होता... 

अगर पाक-ए-रमजान महीना ना होता... 

अगर उसका मासूम बच्चे सा दिल ना होता... 

तो 

ना हमसे बड़े तुम सियासत वाले हो 

ना हमसे बड़े तुम बादशाह हो...

#रोमिल

Radio... tere-mere sapne ab ek rang...

mehak mujhtak pahuch hi jaati thi...
woh yahi sochati thi mujhe kuch khabar nahi,
main bhi chup hi rehta tha...

cigarette ki mehak hoti hi aisi hai...
dhua bhi kisi na kisi kone se bahar aa hi jaata tha...

main sandwich banate hue aakhir tumse puch hi baitha tha...
tumhare liye sandwich laga dun?

Andar toilet seat pe aaram se baithe tum haan bolne ke saath-saath... thoda cheese kar dena, cucumber, tomoto bhi laga dena aur black pepper, thoda salt bhi daal dena please...

coffee bhi bana do na Jaan... bol hi deti thi...

Fir andar se hi tumhara communication start ho jaata tha...
"aaj client ke saath restaurant mein meeting rakhi hai...
mera lunch, dinner to wahi ho jayega...
kis restaurant mein use le jau?
tum office ya home ke nearby koi aacha restaurant bata sakte ho?"

main hasta hua bol deta tha...
"chai ki dukaan batau? 
mujhe to sirf wahi pata hai..."

tum fir andhar shower se nahate hue puch hi baithati thi...
"aaj kahi nikaloge?"
movie hi dekh aao?
kuch shopping hi kar lena... kuch transfer karu tumhare account mein...

main tumhari baat katate hue beech mein hi bol deta tha...
"Ho sake to raat mein saath khana khana...
main khichadi kha lunga,
tum Beer, Whiskey ke peg sang kuch  mexican, chinese ya italian Chakhana kha lena"

tum jawab dena jaroori nahi samajhati thi...

main fridge pe rakhe Radio pe ungali daba deta tha...
Gaana baj utha...

" tere-mere sapne ab ek rang hai,
jahan bhi le jaye raahein hum sang hai...

mere-tere dil ka teh tha ek-din milna,
jaise bahaar aane par teh hai phool ka khilna...

O mere jeevansaathi"

tum bathroom se bahar aati thi...
saath breakfast karte the...
fir main car nikaalkar bahar kar deta tha...
tum "love u so much" kehte haath hilate hue chali jaati thi...

main fir Radio ki dhun mein kho jaata tha...

"tumhe ho na ho mujhko to itna yakeen hai, mujhe pyaar tumse nahi hai, nahi hai...
pyaar tumse nahi hai, nahi hai..."

- raj

Udne do...

Dost kehti hai...

दोस्त कहती थी...

udne do...
dekhte hai kitni dair udd payenge.
jab thakaan liptegi pairon mein,
khud-ba-khud zameen pe utar aayenge..

उड़ने दो... 

देखते हैं कितनी देर उड़ पाएंगे 

जब थकान लिपटेगी पैरों में 

खुद-बा-खुद जमीन पर उतर आएंगे...

#Romil

#रोमिल

 
Aasman mein kisi ka ghar nahi hota
jo zameen ka nahi hota,
woh kisi ka nahi hota...

आसमान में किसी का घर नहीं होता 

जो जमीन का नहीं होता 

वो किसी का नहीं होता...

#Romil

#रोमिल

batati nahi hai...

hosiyar ho gai, siyani si betiya...

ab shabdon mein katauti karne lagi hai...
bata ke to pehle bhi nahi jaati thi bahar,
ab kahan se aati hai yeh bhi chhupati hai...

vasundhara se connaught place... Cab se gai ya metro pakdi ya fir saathi-yaar apni private car mein le gaya... 
batati nahi hai...

moroccan chesse spring rolls, cheese cowboy nachos and veg platter... 
sukha-sukha to khaya nahi hoga?
saath mein Beer pi ya fir 2-4 Whiskey Peg lagaya...
batati nahi hai...

jab dusara koi aa jaye handsome zindagi mein ladkiyaan tabhi yeh sab chhupati hai...

(khush rahe tu sada yeh dua hai meri)

#BestAnswers 

#Romil

Radio...

Ghar ki chhat pe khade tooti hui railing ko pakde,
Main upper aasmaan mein jaate hue helicopter ko dekh-dekh khush ho raha tha...
Tabhi chhat ki munderi pe rakhe Radio mein gaana baj utha...

"... hm bande hai Pyar ke, maange sabki khair... De De Pyar... Pyar De De... Humein Pyar De...duniya wale kuch bhi samjhe hum hai prem deewana... De De Pyar De...

Amitabh-Jaya, Sharaabi movie...

Mann sweater ki tarah khawab bunne laga...

Tm left hand mein Whiskey ki aadhi bhari hui Bottle pakde Amitabh Sir ki tarah mere Ghar ke neeche khade... Usi Sharaabi movie andaaz mein thi
aur
Main ghar ki chhat pe upper Jaya Ma'am ki tarah khada nazara dekh raha tha...

Dur se Band-Baaje walon ki aawazein aa rahi thi..."

Gaana khatam hua...
Radio pe naya gaana baj utha...

Main fir aasmaan mein helicopter dekhane laga....
Raat kaali ho gai....
Fir bhor ho chali...
Main nukkad pe chai ki dukaan pe pahuch gaya...

- RaJ

Sapno ki Train ka Safar..

Har raat tum mere sapno ki train mein jabardasti sawaar ho jaati ho...

Har raat main sochata hun apne sapno ki train ki zanjeer kheech kar tumko baahein pakadkar kisi halt station pe utaar dun...

Ya chalti hui train se dhakka hi de dun...

Ya fir is Ishq wale coach se uttar kar tumko dushmani wale coach mein chhada dun...

Kabhi-Kabhi sochata hun khud hi is sapno ki train se chhalang laga dun...

Par kya karu tum bin yeh Sapno ki Train ka Safar poora hota hi nahi...

Bhor mein hi main nukkad wali chai ki dukaan pe pahuch jaata hun...

- RaJ

Chhoto-Chhoto...

Ammo kehti thi...

Bhalu... ko Chhoto-Chhoto bola karta hai...

"Nadaan logon ko Suraj bhi chhoto so laage...
Par woh hi saare jag mo prakash fhelaave"

"Chhoto so naav...
Saare samundar pe apno raj chalave"

"Chhoto so chenti bhi...
Bado so bado haathi ko chit kar aave"

"Chhoto so sui...
Woh kar jaave... Jo talvar na kar paave"

aur

Main to marr-khap jayungi...
Bada Bhai toko do-roti bhi na khilave...
Apno vaste...
"Chhoto-Chhoto punji joda kar,
Bura waqat mo Chhoti Punji bhi badi kaam aave"

#Romil Arora

Tumhi Kaho...

Abhi bistar pe anginat karwatein lete hue soch raha tha...

Tumhein 'Dip' bulau...
'Dipa' bulau...
Pyar se 'Deepu' pukaru,
'Pali' hi keh du...
Tumpar swabhimaan karte hue 'Deep' hi kaha karu...
Ya mazaak mein 'Ali' bulau...
Ya sirf 'Di' hi rehne du...

Tumhi Kaho 'Dipali' kya kahu?

Main to GuNn ka RaJ hu...
GuNnRaJ hi rehne do...

#BestAnswers

#Romil