Sarhad ki Abhilasha
Sarhad kehti hai aaj main bhi khelu Holi,
tirange ke hare, safed aur basanti rang se saje meri bhi doli,
door gagan se aaye pavan suhani,
rang birange phoolon se saje meri bhi doli,
himalay ke badal se mehak udd-udd kar aaye,
safed barf se saje meri bhi choli,
bahut saajh chuki main shahedo ke lal khoon se,
vidhawa ke safed saree se,
behan ki peeli padi mehandi se,
maa ke chikhati kaali aawazo se,
baap ke roote un neele aankhon ke aanshu se,
Ab main is tarah ki Holi nahi khelna chahati hun,
Ab main dosti ke rang mein,
bhai chare ke pyaar mein,
apno ke dular mein,
aman ke bazar mein,
chhoto se samman mein,
bado ke aashirwad mein,
rangana chahte hu,
Bas yahi meri abhilasha hai!
#Romil
No comments:
Post a Comment