Main Hoon Woh...

Na Meri Koi Jaat Hai,

Na Mera Koi Dharm Hai,

Na Main Koi Rishte Mein Bandhata Hu!

~~~

Main Hoon Woh

Jo Majdoor Ke Paseene Mein Rehta Hu!

Main Hoon Woh

Jo Logon Ke Dhukhon-Sukhon Mein Saath Rehta Hu!

Main Hoon Woh

Jo Mandir, Masjid, Gurudware, Church, Is Duniya Ke Karn-Karn Mein Rehta Hu!

Main Hoon Woh

Jo Pyar, Satya, Aahinsha, Shanti, Vishwas Mein Rehta Hu!

Main Hoon Woh

Jo Khet Ki Hariyali Ke Saath Lehrata Hu,

Pawan Ke Saath Dolta Hu,

Suraj Ki Kirano Mein Tej Bankar Rehta Hu,

Chand Ki Chandani Ki Sheetala Mein Rehta Hu,

Phool Ki Khushboo Mein Rehta Hu!

Main Hoon Woh

Jo Karmo Ke Hisab Par Naseeb Likhta Hu!

Main Hoon Woh

Jisse Jeevan, Mrityun Hai!

Main Hoon Woh

Log Jise Bhagwan, Rab, Allah, Jesus, Waheguru aur Hazaron Naam Se Jaante Hai!

~~~

Na Meri Koi Jaat Hai,

Na Mera Koi Dharm Hai,

Na Main Koi Rishte Mein Bandhata Hu!

[written by romil arora - copyright reserved]