bachpan ke din yaad aate hain...

"Sultan" bachpan ke din yaad aate hain...
jab, maa, apne haaton se upale thapa karti thi...
dhoop main usse sukhati thi...
~~~~~
aksar khane ke samay
mera doston ke saath khelane chale jana
maa, ka fhir peeche
dandhi lekar dhorhate hue aana
woh zor se chilla kar kehna...
"kamine, marjaane" roti to kha le, fhir khelate-marate rehna"
"Sultan" bachpan ke din yaad aate hain...
~~~~~
Suraj roz subah haste-khelate hamare ghar aa jata tha
main charpaiye par chaadar oodha kar soya-laita rehta tha
maa ka sir par haath fher ka mujhe uthana
woh pyar se kehna...
"suraj-ghar aaya hain
suraj-ghar aaya hain
dekho kitni roshani
dekho kitni khushiya laaya hain
suraj-ghar aaya hain
suraj-ghar aaya hain"
"Sultan" bachpan ke din yaad aate hain...
~~~~~
Raat ko jab aangan main chulha jala karta tha
hum sab zameen par chulha gher kar roti khate the
maa ka pyar se nange-nange pairon main
garam chimta mujhe lagana
aur dhantate hue kehna...
"din bhar nange-nange paioon ghumate rehte ho
in pairon ko jala dungi"
"Sultan" bachpan ke din yaad aate hain...
[written by romil arora - copyright reserved]