Chachi ke yahan ghumane jayenge...

Planning...

School mein chhutti ho jayegi 15 May se...
Fir hum jayenge Train se Chachi ke yahan...
Chachi ke yahan...

Chachi banayengi Meethe wale Pele Chawal...
Hum khub khayenge...
Chachi ke yahan jayenge...

Wonderland mein karenge khoob masti...
Niku Park mein Jhula jhulenge...
Science city bhi dekhenge... Science park bhi jayenge...
Devi Talab Temple mein Mattha tekenge....
Church mein Candle jalayenge...
Gurudware mein Seesh Nawayenge....
Chachi ke yahan ghumane jayenge...

Chachi ke saath Beas bhi jayenge...
Guru ke darbar mein hazri lagayenge...
Kul Maalik se prathana karenge...
Chachi ke saath Amritsar bhi ghum aayenge...
Darbar Sahib ke darshan kar aayenge...
Chachi ke yahan ghumane jayenge...

Chachi humko naye-naye kapde khareed ke degi... Khilaune lekar degi...
Khoob shopping karwayegi...
Lassi pilayegi... Badam-Kaju khilayegi...
Chandigarh bhi ghumaane ke jayegi...
Chachi ke yahan ghumane jayenge...

#Romil Arora