Paglu...

Paglu...

dheere-dheere log RaJ ko Paglu samajhane lage the...
RaJ ko to na rupiya-rojgaar ki padi, na zindagi ki koi parvah...
kaun sunta uski besir-pair ki baatein...
kise fursat hai jo bina-dekhi-anjaani ladki ke kisse sune...
na naam pata-na thikana GuNn ka...

majbooran use apne kutte-Tuffy ko hi apna humdost banana pada...
Tuffy bhi "ku-ku" karte hue GuNnRaJ ke kisse suna karta...
Beech-Beech mein RaJ ki khushi ke liye apni padi hui dum hila diya karta...

kabhi RaJ koi dilchasp baat kare GuNn ki to Tuffy kareeb aakar RaJ ki hatheli Ko chatane lagta...
to kabhi apne dono pairon ko aage ki tarah fhelakar uspar apna sar rakhkar dhyanpurvah kisi bhakt ki tarah suna karta...

jo GuNn ki tasveer Tablet pe dikha do to Tuffy apna mooh Tablet ke kareeb laakar usko kuch pal ghurata fir zor-zor se bhokane lagta... Jaise usne GuNn ko pehchan liya ho...

GuNn ke kisse sunate-sunate RaJ, Tuffy ko apne bistar mein hi sula leta...
Tuffy bhi RaJ ki baatein sunte-sunte jamhai lete hue apne pet mein mooh daale "ku-ku" karta rehta... Jaise saare kisso ka anand le raha ho...

Ik din Tuffy bina koi ishara kiye is dunia se chala gaya...
RaJ fir khud se hi GuNnRaJ ki besir-pair ki baatein karne laga, likhane laga...

Paglu hai...

- RaJ