Radio... Humko Mann ki Shakti dena... Teri umeed tera intezaar karte hai...

Bade dino ke baad Radio pe koi aacha gaana baj raha tha...

"Humko Mann ki Shakti dena...
Mann Vijay kare...
Dusaron ki Jay se pehle khud ko Jay kare.."

Tabhi Tumne bola tha...
"Bathroom mein itni dair se kya kar rahe ho?"

Maine jawab diya tha...
"Anjeron ke utare hue rang-birange kacche (half boxer) pehankar fitting check kar raha hun...

Aaj tuesday local weekly market se purchase karke laya tha...

Mujhe thoda time lagega...

Tumne gusse se bola tha...
"Maine na tumko un rang-birange kaccho ke saath gas pe rakhkar jala dena hai...

Khabardaar jo tumne mere samne pehne yeh kisi ke utare hue kapde..."

Maine bathroom ke andar se bola tha...
"Are rupiya dekar purchase karke laaya hu... Koi bheekh thodi na maangi hai...

Itne saare log khareedate hai us market se kapde...

Tumne kaha tha...
"Mujhe kuch nahi pata... Bas tumne yeh kisi ke utare hue kapde nahi pehanne hai... Samjhe..."

Fir maine un kapdo ko next week usi market mein thele wale ko dhund kar wapas kar diye.... Bina rupiya wapas liye...

Radio naye gaane pe track change kar chuka tha...

"Teri umeed tera intezaar karte hai...
Aye Sanam hum to sirf tumse pyar karte hai...

Jaaneman hum bhi tum pe Jaan nisaar karte hai...
Aye Sanam hum to sirf tumse pyar karte hai..."

- Raj