Zindagi ke rang...

NaaZ keh rahi thi...

Kaun insaan hoga jo apni zindagi mein khoobsurat-khoobsurat, aache-aache, behtareen rang nahi bharna chahega...

Apni zindagi ko rangeen, khushaseen nahi banana chahega...

Ek baccha chahe jaisi bhi tasveer banaye, chahe usmein jaise bhi rang bhare... Uske liye woh hi sabse khoobsurat chitrakaari hoti hai...

Hum kaun hote hai jo kisi ke zindagi ke rangon ki alochana kare...

Meera, ek bhagwa rang ke chole mein hi Shyam ko pyari thi...

Gandhi Ji ne sirf safed rang ki dhoti pehankar aazadi dila di thi...

Aurangzeb ne takhat pe baith kar bhi kaun si aachi misaal haasil kar li...

Vibhisham ko kutiya mein hi Hanuman mil gaye the... Raavan, Sone ki Lanka ka maalik hokar bhi Sita ko nahi pa saka tha...

Fakeer apni fakeeri ke rang mein mehlo ko thokar maarkar mazaro(n) pe baithe hai...

Sabse Sundar... Sabse pakka Prem ka rang hai... Par yeh har kisi pe nahi chhadata... Bahut hi gine-chune, khushnaseeb bande hote hai jo is rang mein saraboor ho jaate hai...

- Sultan...