Ishq jab hadh se jyada ho jaye na
Ubau lagne lagta hai...
Boriyat lagne lagti hai...
(Kuch bhi cheez ho jyada ubal jaye ya over ho jaye to bahar hi girne lagti hai fir chahe ishq hi kyon na ho...
Rahi baat meri...
Use chipku type lagta honga main... Normal behaviour nahi lagta hoga mera...
Kabhi-Kabhi sochati hogi ki hamesha bas pyar-pyar-pyar karta rehta hai... Kuch aur apni life mein karta nahi... loser banda...
Kabhi uncomfortable to kabhi uljhan to kabhi mental torture mehsus karti hogi mujhko...
Sach hai...
Woh kehte hai na...
"Toot kar chahane ki hasrat sirf Khuda se hi mukammal ho sakti hai, kisi insaan se nahi... Aur GuNn insaan hai...
Us khuda se chahe kisi tarah bhi mohabbat karo.... Uski dargah pe baal khule karke nacho, chahe sadhu ka bhes banake bhatko, chahe fir bhakt bankar uski shaan mein qaseede pado, gao, likho...fir chahe kahi baithe uska naam hi lete raho... Har abnormal baat us khuda ko normal si lagti hai...
Khuda to sirf apne Bande ko toot kar bikharte hue dekhna chahta hai apni raah mein..."
Bas galti itni si ho gayi ishq mein use khuda samaj baitha...)
#Romil
No comments:
Post a Comment