Radio... Baharon phool barsao...

Main zameen pe baitha chai mein rusk dubo-dubo ke kha raha tha...

Tabhi maine kahan...
"Banda England wapas bhi chala gaya dekho... Yeh nahi aaye the to Behan ka haath de-dakar tab chale jaate...

Tum bhi ek jimmedari se fursat paate, hum bhi ek kaam se free ho jaate... Kuch apni zindagi savarne mein lagte...

Ab haath dene ke liye special aayega kya? Ya fir Skype par drama dikhayenge hum isko... Ya fir photo send karne mein waqt jaaya karenge...

Sone-chandi ka kambal uda dene se khacchar, ghoda thodi na ban jayega... pakka, yeh England mein bailgaadi chalata hoga... Buddhi nahi hai iske pass... Coat-Tie pehankar chala bada angrez banne... Do-chaar shabd angrezi ke kya tipir-tipir kar liye, ban gaye laatsaheb angrez..."

(Tum uthkar kitchen mein chali gai...)

Maine kahan...
One... Two... Three...
Yeh ab girna start hue bartan...

(Tum kitchen se gusse mein boli...
Agar zuban se banda kisi ke baare mein aache shabd nahi nikaal sakta hai to Bande ka chup hi rehna behter rehta hai...)

Yeh gira pateela...
Yeh plate ki awaaz hai...
Yeh wali to glass ki awaaz lag rahi hai...
Yeh shayad katori thi...
Nahi cooker nahi... abe theerha ho jayega, seedha nahi hoga, seeti nahi bajegi...
Yeh gire chammach...

Bandi hosiyaar hai... Kaanch ke cup-plate nahi fhekati hai... hahaha...

Main utha radio on kar diya... Aur chal diya market dinner ke liye do thali pack karwane...

Gaana baj raha tha...

"Baharon phool barsao...
Mera mehboob aaya hai....
Mera Mehboob aaya hai..."

- RaJ