Radio... Sau Dard Hai... Tadap-Tadap Ke Is Dil Se... Khush Rahe Tu Sada...

"Khush rahe tu sada yeh dua hai meri
Bewafa hi sahi dilruba hai meri.
Khush rahe tu sada..."

Radio khamoshi ke saath aaj gum baat raha tha...

Maine kaha tha...
"Main yahan room mein apni wife chhod ke gaya tha... aapne dekhi hai kahi?

Tumne kaha tha...
"Main hi hun... Dil ki nazron se dekho zara..."

Maine bola tha...
"Aawaz to meri wife ki hi hai par Husn uska nahi lag raha..." hahaha...

Waise yeh wala Suit jab pehanati ho to haseen, mehjabeen lagne lagti ho... Yeh tumne us fashion boutique se liya tha na... Expensive tha...

Main bhi chahta tha same tumhe aisa leke dena par Miya garib jo tehra, leke na de saka..."

Tum bol uthi thi...
"Just Shut-up... Itna hi aankhon mein khatakta hai toh utaar du... Itni hi takleef hoti hai to nahi pehanugi..."

Radio apni manusiyat sang-sang fhela raha tha...
"Tadap-Tadap ke is dil se Aah nikalti rahi...
mujhko sazaa di pyar ki..
aisa kya gunah kiya...
ki loot gaye haan loot gaye...
ki loot gaye hum teri mohabbat mein..."

Maine bola tha...
"Sach mein bahut dilnaseen, lajawab lag rahi ho...

Waise office ja rahi ho ya fir kahi dating pe... hahaha... Waise bata deti ho ki ShaadiSudha hun... hahaha... 

Waise yeh MangalSutra pehanna, Maang bharna purani auraton ke kaam lagte hai na tumhe... Tum to modern zamane ki ho... Modern, Expensive Suit se match bhi nahi karte hai... hahaha...

Waise tum to call pe jaati ho na... hahaha... appointment pe jaati ho na... hahaha..."

Tumne jawab diya tha...
"Bas tum be-sir pair ki baatein sochana...

Be-sir pair ki baatein likhna...

Yahi aati hai sirf tumko...

Ek baar sochate bhi nahi ho ki kya keh jaate ho... Pata nahi kab mature hoge...

Kam se kam yeh nahi kahi jakar ghumo-fhiro, movie dekho, shopping karo, enjoy karo...

Ajeeb aafat ho, itni mohabbat karte ho ki mujhe chhodate bhi nahi... aur na khud chain-sukun se rehte ho, na mere dil ko tasalli se rehne dete ho...

Marr kyon nahi jaate...

Radio gum ka ek aur tarana pesh kar raha tha...
"Sau Dard Hai...
Sau Raahatein...
Sab Mila Dil Nashin...
Ek Tu Nahi..."

#RaJWrites