Radha Soami Ji - Mera Ketiya Sukr Tera Rakh Malka, Sanu Apni Sharan Vich Rakh Malka...

Ajeeb doori se bandhe the dono...

Koi na Koi rishta to tha...
Tu mere liye Dua kehta...
Main tere liye Dua padta to tha...

Ajeeb doori se bandhe the dono...

Ladte... Jhagadte...
Kai dino tak baat nahi karte...
Magar dilo mein baaton ka gubbara to tha...

Ajeeb doori se bandhe the dono...

Na chhua kabhi...
Na kabhi koi raat mohabbat ki sang bitai...
Fir bhi rishta apna jeevansaathi sa to tha...

Ajeeb doori se bandhe the dono...

Ho sakta hai tumhari apni ho majbooriyan...
Hum bhi vaadon se firne walon mein nahi...
Par Rab chahta to koi na koi rasta nikal sakta to tha...

Ajeeb doori se bandhe the dono...

- RaJ

Bharm...

Ik Bharm tha...

Main jise apna samajhta raha...
Woh kabhi mera tha hi nahi...
Ik dhund mein lipte gumnaam se insaan ko maine naam de rakkha tha...
Jiska koi astitva tha hi nahi...
Mujhe ek Bharm sa ho gaya tha...

Saalon mein jisse karta raha baatein...
Jiski baatein sunta raha...
Jisko dekha nahi kabhi tasveer ko sach maanta raha...
Kalpanao mein jise zinda karta raha...
Main ik Bharm mein jee raha tha...

Mujhe Ik Bharm tha...

#Romil Arora

Radha Soami Ji Shabad - Jado Meri Arthi Utake Chalange

Radha Soami Ji - Salok Bhagat Kabir Ji Ke - Bhai Davinder Singh Ji Sodhi

Upvaas ke Naam pe...

Garibi Mitao... Aache din aane wale hai...
Singapore sa sehar... Germany si nadi...
Rab aise kasmo-vaadon se humein bachaye...

Upvaas ke naam pe
Chole-Bhature... Bread Pakoda... khaye...
Rab aise netao se humein bachaye...

Hawaii chhappal wala bhi karega Hawai Safar...
Bullet train khoob daudaye...
Metro viheen ho gaya aam aadmi, metro ke daam badate jaye...
Rab aise sapno se humein bachaye...

Juta-Moja pehne school mein garib bacche aache lagte hai...
Budhi Dadi bhi khoob mobile pe batiyàe...
Betiya railgadhi chalaye... Ladaku vimaan udaye...
Khel-Kud mein Bharat bhi Gold Medal liye timtimaye...
Rab aise Sundar din laaye...

- ⛅

Jism ke makaan mein saansein chal rahi hai.

Jism ke makaan mein saansein chal rahi hai...
Yaadon mein zindagi kat rahi hai...

Bojh is seene mein tamam dabe pade hai...
Jaag-Jaag kar yeh raatein kat rahi hai...

aur

Tareef ki thakaan mein rehta hai...
Abhi saath uske uski qismat chal rahi hai...

Insaan bada fhankaar nikala...
Labon pe hansi ka guldasta sajaye rehta hai, seene mein iske aag jal rahi hai...

- ⛅