Mujhe Tumse Mohabbat Hai... Nahi Hai...

Har baar main use yakeen dilane jaata hu...

"Mujhe Tumse Mohabbat Hai"

Har baar woh mujhe yakeen dila deti hai...

"Mujhe Tumse Mohabbat Nahi Hai"

kabhi gale mein MangalSutra latka kar...

kabhi apni maang roshan karke...

kabhi meri shaadi ka zikr karke...

kabhi naukari ka chhedkar rishton mein talkhi paida kar deti hai...

#RaJWrites

Abe koi ICU ke bahar thodi na khade hai...

Abe koi ICU ke bahar thodi na khade hai jo normal behaviour, normal baatein kare...

kabhi Besharmi ki baatein bhi to karne diya karo...

Are yaar tumhari dusari hai, meri to pehli hai MOHABBAT...

mujhe to ENJOY karne do...

SUHAAGRAAT bhi...

#RaJWrites

Ek mohabbat pe usne lakhon Sitam dhaaye...

Ishq-e-bimari mein hum bistar pe laite rahe.

Subah aankh khulte hi unke deed ki davaa mil jaye...

Zindagi kuch aur pal ke liye Zinda ho jaye.

Berukhi badjubani bewafaai badqirdari

Ek mohabbat pe usne lakhon sitam dhaaye.

Reh-Reh kar yaad aata hai apni mohabbat-e-tabahi ka manzar.

Dil fir bhi deta hai unko duayein.

Haq sab apne de rakhe hai usne kisi ko...

Hum fir bhi khade hai jholi fehlaye.

Zindagi kuch aur pal ke liye Zinda ho jaye...

#RaJWrites

Khamosh Ho Gaye "kadve pravachan" - Jain Muni Tarun Sagar

Maine apni taraf se saari baatein use keh di...

Maine apni taraf se saari baatein use keh di...

Ab use apni baat kehkar complete kar deni chahiye...

Kuch din intezar karenge jawab ka...

Nahi to fir baat yahi rok denge aage nahi badayenge...

(Rahi baat meri... Waise to kisi se baat tak nahi karta par usse baat karte kabhi thakta nahi, jaane kaisi ajeeb si aadat hai...

Pechhale 12 saalon se nonstop bak-bak-bak kiye ja raha hu, kabhi to khud yaad hi nahi rehta ki maine yeh waali baat bhi use bataa di... hahaha.... 

ab meri baatein lagbag complete si ho chali hai... ab use hi apni baat keh kar mukalmal kar dena chahiye...

Waise bhi... Andhere kamre mein bhatakne se kya fayda, insaan kahi tak nahi pahuchega, balki deewaron se apna sar hi takrata rahega...

Kuch din intezar karenge jawab ka, warna ab samjhana band kar denge usko...)

- RaJ

Tumne ishq ko fizool samajh rakha hai...

Tumne ishq ko fizool samajh rakha hai.

Maine ishq ko kaam bana rakha hai.

Tumhe jo gunah nazar aata hai.

Maine usko apna muqaddar maan rakha hai.

Rahi baat tumhare qabuliyaat ki.

Dua mein bada asar rakha hai.

Na door nazar aati ho, na kareeb dikhti ho.

Yeh khawabon ka kaisa manzar maine aankhon mein daba rakha hai...

- RaJ

WhatsApp University mein hum roz gaate...

Upper jaate Petrol ke daam...
Neeche aate Rupiyon ke daam...
WhatsApp University mein hum roz gaate
"aache din aane wale hai
aache din aane wale hai..."

Banks ke NPA badte jaate...
Punjipati paisa lekar videsh bhaag jaate...
WhatsApp University mein hum roz gaate
"aache din aane wale hai
aache din aane wale hai..."

Kahi baarish ki maar...
Kahi notebandi, rafale ke kisse hazaar...
Sensex ke kadam apni dhun mein aage badte hai jaate...
WhatsApp University mein hum roz gaate
"aache din aane wale hai
aache din aane wale hai..."

Kuch naya suna hai picchale kuch saalon mein...
Sehri Naksalwaad...
Hindu aatankwaad...
Bheed ne le li Jaan...
Judge ka takraav... khatre mein loktantra ki Jaan...
Voting machine pe ghamashaan...
WhatsApp University mein hum roz gaate
"aache din aane wale hai
aache din aane wale hai..."

- Romil