Main chahta to uski tasveerein rakh bhi sakta tha...

Main chahta to uski 

tasveerein 

rakh bhi sakta tha...

(bas jarurat mehsus nahi hu... maine uske naam ko apne dil mein rakha hai... usko apni zindagi, apne dil mein panah di hai...

par aadat si ho gai thi, subah aankh khulte hi uska deedar karna, fir pyar bhara ek baar labon se sparsh karna...

par aadaton ka kya hai woh badli bhi ja sakti hai...

#Romil

jaise mom ke andar lipte hue...

jaise mom ke andar lipte hue
do dhagee ho hum...
chalo saath mein jalte hai...
chalo saath mein roshan hote hai...
chalo saath mein pighalte hai...
fanaa bhi honge to dono saath mein...

#RaJWrites

Rishta Tootane Ki Wajah...

Logon ke rishta tootane ki wajah...

Badqirdari, Bewafaai, Badjubani, Behayahi, Badgumani, Badchalni, Betarkeebi, beizzati ya fir Besharmi hoti hai...

Hamari kya hogi???

Ek-Dusare se Behisaab Mohabbat Karte The...

#RaJWrites

Aisa nahi hai hum dono ek dusare ko samajhate nahi hai...

Aisa nahi hai hum dono ek dusre ko samajhate nahi hai... Balki ek aachi understanding hai dono ke beech... Bas paristhitiyaan samajhati nahi hai...

Bada mushkil hota hai aap jise pyar kare woh kisi aur ke saath involve rahe, aap chah kar bhi khud ko galat sochane se nahi rok sakte, tamam khayal, baatein, uljhane aapko na sone deti hai na theek se jaagne... Aap apni situation ko kosne lagte hai, tamam tarah ke ilzaam mann hi mann uspar lagate rehte ho....

Aise mushkil ho jaata hai jeena khud ka... Ilzaam uspar lagate ho aur sazaa khud ko dete ho...

Isse aacha hai aap bas beete hue sunhere palon ki yaadon ke sahare raho... Kam se Kam roz ek naya dimaag mein kalal to nahi paida hoga....

#RaJWrites

Shayad iska jawab Mohabbat hoga...

kutte ke uske diye hue naam se zara pukar le uska maalik, aise dum hilate, juban latkaye kareeb aa jaata hai... aur pyar jatane lagta hai...

(usne yahi soch rakha hai... RaJ sirf naam tak hi nahi seemit hai, balki ek zariya hai ishq, bandagi jatane ka....

mujhe aaj tak yeh nahi samaj aaya jab koi shaitan insaan kisi masoom insaan ke saath jattie karta hai to khuda use usi pal sazaa kyon nahi de dete...

Shayad iska jawab Mohabbat hoga...

Woh apne har Bande ke saath Mohabbat karta hai, tabhi use uski karni ke liye Taqdeer, Jehannam, Karm, Re-Birth, Aakhirat, Qayamat ke liye chhod deta hai...)

main kutta nahi hu... Khush hu, log mazaron, patharon ko pujte hai aur maine to insaan ko puja hai...

Waqt jarur zaaya kiya hai maine, shayad ho sakta hai Rab ne jyada de diya ho mujhe zaaya karne ke liye...

#RaJWrites

Wohi suni ukhadi-ukhadi si subah...

wahi suni ukhadi-ukhadi si subah

wahi suna bistar, wahi suna takiya-chadar 

wahi suna tanha chai ka cup

wahi suni intezaar se bhari aankhein

wahi suna kamra,wahi suni dar-o-deewarein
wahi suni haawein

wahi suni tumhari yaad.

kuch badla hi nahi pichhale chand saalon mein...

#RaJWrites

Bahut yaad aaogi to haath uthakar dua kar lenge tumhare liye...

Bahut yaad aaogi to haath uthakar dua kar lenge tumhare liye.
Tum ab jao...
Hum zindagi basar kar lenge...

Pakeezah is rishte ko dunia mein samaj nahi saka koi.
Tumko Mere saath dekhenge to log chaar baatein karenge.
Tum ab jao...
Hum zindagi basar kar lenge...

Kabhi Chai banate Rasoi mein, mujhe  sochate-sochate jo jala lo apna haath.
Hum marham haath mein thame tera intezaar karenge.
Tum ab jao...
Hum zindagi basar kar lenge...

Behadh keemati cheez dekar gai ho mujhko.
'intezaar'.
Isi ke sahare zindagi-e-safar hum teh kar lenge.
Tum ab jao... 
Hum zindagi basar kar lenge...

#RaJWrites