Kahan milega...

Na raat mein pyar se sulati hai...
Na subah pyar se uthati hai...
Fir bhi kehti hai tere pyar mein hai...

Na lehre halchal karti hai...
Na chattano se takrati hai...
Bas door hi door se Sahil se gupchup baatein karti hai...

aur

Kehti hai... RaJ jaisa dusara koi nahi ho sakta...
Samaj nahi aata mazaak bana rahi hai ya misaal de rahi hai...
Aur hoga bhi kaise...
"jo subah Rab se pehle tera deedar karta ho...
Rab ke Darbar Sahib mein baithkar bhi Rab ka dhyan nahi tere liye Ardas karta ho...
Jo Rab ko bhi tere liye baatein suna deta ho, jhagada kar leta ho..."

Kahan milega RaJ jaisa Paglu...

#RaJWrites

Hain na ajeeb...

Log subah uthate hai to... Ghar ke mandir mein jakar Rab ka deedar karte hai, unko dono haath jodhkar pranaam karte hai...

Ek hum hai... Subah aankhein kholate hi WhatsApp pe jaate hai, tumhari tasveer ka deedar karte hai, labon se sparsh karte...

Hai na ajeeb...

#RaJWrites

Hum Rama wale hai tum Krishna wale ho...

Hum Rama wale hai tum Krishna wale ho...

(Hum, Sita ke ishtan pe Sita ki swayam Sone ki Murti rakh lenge, par kisi aur ko Sita ka ishtan nahi denge...

Tum to Krishna wale ho, hazaron chahane wale hai tumhare... Tum to Radha ke bhi ho, Rukhmani ke bhi ho, Satyabhama ke bhi ho, Meera ke bhi, Gopikaon ke bhi ho...

Hum to Rama wale hai... Sita ki Tasveer wale hai...)

#RaJWrites

Bas sochata raha...

Bas sochata raha...

(Usko yeh pata hai main use kitna sochata hun... uske ek-ek kahe shabdon ko baar-baar yaad karta hun... fir bhi woh...

"Ek hi room mein A/c hai... Isliye A/c room mein hi..." Be-Sir-Pair ke saare jawab uske...

Beta jyadatar to bechara Hostel mein rehta hai... Woh khud in logon ki company entertain nahi karta... fir 5-5 qamron wali Kothi mein kya Miya-Begum kar rahe hai kya pata... Bed kabaddi chal rahi hai ya fir Jhotha pakad-pakad kar dhishoom-dhishoom... Kya khabar... hahaha...

Kya khabar... Beta subah College nikla, idhar Miya-Begum ka program start... hahaha... Pehle to Clinic bhi ghar par thi, jab Mann hua diagnosis, x-ray kar liya... hahaha...

Chalo rehne do RaJ Babu... HaQ hi nahi to kya Sikwa-Gila kare kisi ko...

#RaJWrites

Zindagi ko...

kuch likhu ya fir kora hi rehne dun...

zindagi ko...

ilzaam lagau, gaali dun ya fir bewafa hi chhod dun...

zindagi ko...

sparsh karu ya fir door se hi aankhein tar kar lu...

zindagi ko...

kuch to kaho... jee lu ya jeena chhod dun...

zindagi ko...

zindagi tum hi to ho...

#RaJWrites

Kuch aise hi...

Kuch aise hi...

(Usne doctary ke saath-saath mohabbat mein Mastery bhi ki hui hai... Isliye usko meri koi baat samaj nahi aati aur mujhe uski har ek baat samaj aa jaati hai...

Uske liye mohabbat khamoshi hai...

aur mere liye khulkar, cheekh-cheekh kar sabko batana...

Usne khud tak pahuchane ke liye kisi Traffic Hawaldaar ki tarah jagah-jagah checkpoints, barriers laga rakhe hai...

aur maine khud tak pahuchane ka rasta uske liye ek dum khula, sapaat chhod rakha hai...

Usko har baar meri mohabbat ke liye certificate ki jarurat mehsus hoti hai...

aur mujhe uske daman mein daag ke bawajood bhi usse koi certificate ki jarurat nahi...

Woh straight forward hone ke bawajood bhi dil ki baat khoob aachi tarah ghuma ke kehti hai...

aur ek hum hai koi waqt hi nahi dekhte, har waqt apne dil ka rona-gaana gaate rehte hai...

aur

Humne kabhi yeh socha hi nahi ki Rishtey jodane... Rishtey nibhane ke liye Rupiyon ki jaroorat hoti hai...

#RaJWrites

Meri aadatein bahut kharab hai...

Tadke Subah uthate hi tujhe dekhana...
Nazron ko tar karna...
Labon se sparsh karna...
Fir ek pyari-bhari tujhe gaali dena...ilzaam lagana...
Fir Mobile off kar dena...
Tera Naam lekar Takiya ko bahoon mein bharna...
Fir so jaana...
Meri aadatein bahut kharab hai...

#RaJWrites