~*~ Pyar Mujhse Jo Kiya Tumne To Kya Paaogi ~*~

~*~ Pyar Mujhse Jo Kiya Tumne To Kya Paaogi ~*~

pyar mujhse jo kiya tumne to kya paaogi - 2
mere haalaat ki aandhi mein bikhar jaaogi
~
pyar mujhse jo kiya tumne to kya paaogi
mere haalaat ki aandhi mein bikhar jaaogi
~
ranj aur dard ki basthi ka main baashinda hoon
ye to bas main hoon ke is haal mein bhi zinda hoon
khwaab kyoon dekhoon wo kal jispe main sharminda hoon
main jo sharminda hoon, tum bhi to sharmaaogi
~
pyar mujhse jo kiya tumne to kya paaogi
~
kyon mere saath koi aur pareshaan rahe
meri duniya hai jo weeraan to weeraan rahe
zindagi ka ye safar tum pe to aasaan rahe
humsafar mujhko banaaogi to pachtaaogi
~
pyar mujhse jo kiya tumne to kya paaogi
~
ek main kya abhi aayenge diwaane kitne
abhi goonjenge mohabbat ke taraane kitne
zindagi tumko sunaaegi fasaane kitne
kyoon samajhti ho mujhe bhool nahi paaogi
~
pyar mujhse jo kiya tumne to kya paaogi
mere haalaat ki aandhi mein bikhar jaaogi - 2

(not written by me)