Radio... Maine tere liye hi... jhilmil sitaron ka angan... Dil dhoondhata hai...

"Maine tere liye hi saath rang ke sapne chune...
Sapne surile Sapne...
Kuch hansee ke, kuch gum ke,
Teri aankhon ke saaye churaye rasili yaadon ke..."

madmast hawan aaj ghar ki khidki pe latke pardon se baatein kar rahi thi...

radio angdaiyaan liye baja ja raha tha...

tum rasoi ghar mein radio sang gungunaye ja rahi thi..

main laptop pe apni ungaliyan tod raha tha...

Tabhi tum boli thi...
"Dinner ready... Mr..."

Main bola tha...
"Bas 2 min.."

Radio ne fhir ek aur nagma chhed diya...

"jhilmil sitaron sa angan hoga...
rimjhim barasta sawan hoga...
kitna sundar apne jeevan hoga..."

Tumne kahan...
"Aao na Hero... Bhagwan ji aur Maa ko khana bhog laga diya hai... 

Aaj zameen pe baithkar ek hi thali mein khate hai...
bahut samay ho gaya... Ek hi plate mein khaaye... Yeh kehte hue tumne... zameen pe Chatai bichakar khana laga diya...

Aur main...
"Pani, Salaad, Papad ki sewa mein lag gaya"

Kher ke swaad ke saath hi Radio aur surela ho gaya...

"Dil dhoondhata hai fir wahi
Fursat ke raat-din...
Baithe rahe tasawwar-e-jaana kiye hue"

Wash basin mein haath dhote hue tum bol uthi thi...
"Aaj sach mein khane ka alag swad aa gaya... Lo towel le lo..."

"Mandir ki light off karke, maa ko pranam karke... Gate pe lock laga dena..."

"Main kitchen saaf karke aati hu coffee lekar"

Main fir laptop ke saath lipat gaya...

Radio baj raha tha... 

"Yuhi Kat jayega Safar saath chalne mein...
Ki manzil aayegi nazar saath chalne mein..."

(Oye Mr.... Coffee)

Tum boli thi....
"Kitna kaam finish hua? Please thoda late jaag kar complete kar dena.... Mujhe tomorrow submit karna hai"

Main bola tha...
"Yeh legal nahi hai... Tum office ka kaam mujhse karwati ho... Aur payment bhi nahi deti ho... Illegal hai..."

Tumne kahan tha...
"Ab tum mujhse Paisa loge? Aacha lagega kya? Socha kar gift kar diya... Hahaha...

Aacha main chali sone... Please work finish kar dena jaan... aur desktop pe hi save karke folder daal dena" Good night... Jai Mata di...

"koi hota jisko apna... hum apna keh lete yaaron...
pass nahi to door hi hota....
lekin koi mera apna..."

Radio pe tarana baj utha...

Tum bol uthi thi...
" Emotional mat ho... Is sauten meri... Radio ki voice thodi kam kar do...."

- raj