Radio... Dil ki aarzoo thi ki koi dilruba mile... Hai apna dil to awara... Kehna hai...

Tumne pucha tha...
"Oye Hero... Kahan ho?

No... Not again... please wahi rata-rataya sa jawaab mat dena..."

Maine jawab diya tha...
"Ghar pe..."

Tumne kaha tha...
"Disgusting yaar... Had kardi Tumne... Tum kaise ek hi jawab baar-baar, har baar de sakte ho?? 

Come on kabhi to Rab ke liye keh diya karo... Ki main Movie hall mein hu... Shopping mall mein hu... Park mein hu... Gaming store mein hun..."

Maine phone rakh diya... Radio On kar diya... Gaana baj raha tha...

"Dil ki aarzoo thi ki koi dilruba mile,
Lo ban gaye naseeb ki tum hum se aa mile..."

Ghar aate hi tum baras padi thi...
"Dekho... All tickets sold out... Is weekend koi ticket available nahi hai prime time pe nearest theatre mein... Ab movie ke liye woh city ke bahar wale mall mein jaana padega...

Yeh sab tumhari wajah se ho raha hai... Jee chah raha hai yeh laptop tumhare sar pe de maaru...

Dunia mein ghadi naam ki ek cheez ezaad hui hai Mr... Kabhi uska bhi istemaal kar liya karo...

Tum apni zindagi ke saath meri zindagi kyon boring banaye hue ho..."

Radio baj rah tha...
"Hai apna dil to awara...
Na jaane kis pe aayega..."

Maine coffee, bread-butter, cookies dete hue kaha tha...
"Maine is weekend plan OldAge Home mein free sewa dene ka banaya tha... 

Next day kuch donation mein material, cloths, items, money collect karne ka banaya tha..."

Tumne bola tha...
"Yaar... Tumhara aisa plan tha to tum bak to sakte the mujhe... 

Chalo koi baat nahi... Next week dekh lenge movie... Is weekend OldAge Home ke liye sewa karte hai..."

Radio pe tarano ka safar chal raha tha...

"Kehna hai... Kehna hai...
Tumse yeh pehle baar...
Ohh Tumhi to lai ho jeevan mein mere Pyar... Pyar... Pyar...

- RaJ