Learning... Single...

Learning... 

Ek to train 05 hours late pahuchi thi... Upper se suraj ka sitam jaari tha... Sirf Jalandhar mein baarish, mausam rocking tha baaki sab jagah sukha tha... Kisi tarah bus pakadkar Jammu se Katra pahucha... private bus full overloaded thi... Woh local ki savari bhi baithate, utarte chalte hai na...

Ek to main paseene se tar-batar tha... jee chahta tha bas Pani ki balti apne upper udel li jaye... Jaise hi hotel mein pravesh kiya, room dekha... Usko book karne ko bola... 
Manager ne kaha, Sir kya aap single hai?
Maine kahan, Yes...
Manager bola Sorry Sir... Hum single person ko room nahi dete, sirf family ya couples ko dete hai...


Saamne Maa Vaishno Devi ki Tasveer thi... Maine dekhkar kaha Kya Maa?

Tabhi us Manager ne meri taraf dekha aur kaha chaliye Sir aapko Single Domitary de dete hai... 

Domitary mein entry kiya aaram se bathroom mein jakar fresh hue, bath liya fir raat mein hi Mata Rani ke Darbar mein hazari lagane ko chal diye...

Saara luggage clock-room mein deposit kar diya...

(2)
Katra Station pahuche garmi se pareshan the... wapas hue restaurant dhundha, waha gaye thanda pani piya, sukriya waiter ko bol kar chal diye... itni garmi mein mujhse to bhojan na hoga.... Fir wapas station aaye, ticket window pe puchha Amritsar ki koi train hai? Bola 1 No. par khadi hai, 3 hours baad chalegi... Main gaya aaram naal general coach mein window seat pe baith gaya... Waqt ke saath general compartment housefull... Garmi se haal behaal... Kulfi wala aa gaya maine khai 3 kulfi... Aur thandi Pani ki bottle li... Amritsar tak paseene-paseene... 

Jaise hi Darbar Sahib pahucha wahan kareeb ke hotel gaya... Jyada tar sabne kaha Sir single person ko room nahi dete...

Ek room dilwane wala Ladka bhi mil gaya woh bhi itni dair tak bhatkata raha, kabhi is hotel to kabhi us hotel... 

De rahe the woh bhi AC room, sirf fresh hone ke liye...

Mujhe itni gussa aai... Maine kaha ab room nahi lunga...

Pahucha Darbar Sahib, Gathari-Ghar mein luggage rakha, Joda-Ghar mein sandal... Wahi Darbar Sahib ke pass wale toilet mein fresh hua... Darshan Kiya, mattha teka, langar kiya, sewa Ki... Tab tak raat ke 12:30 baj chuke the... 

Bahar aaya Gathari-Ghar se luggage wapas liya... Nescafe stall se 2 coffee pee.. fir Darbar Sahib Ji ke samne side mein bench pe sar ke neeche luggage rakha aur so gaya...


Savere 4:30 baje tak uth gaya fir Nescafe stall se coffee pi, fir Gathari-Ghar mein luggage rakha... Bole kitne dair mein samaan wapas lega? Maine kaha 03 gante baad... Gaya Darbar Sahib ji ke pass wale toilet mein fresh hua... Jakar Darbar Sahib Ji ke sarovar mein dubki maar-maar ke isnaan kiya, gheele kapde Gathari-Ghar mein deposit kiye... Fir matha teka... Subah ka langar Chai-Rush khaye... Gurbani suni... Fir wapas aa Gathari-Ghar se luggage le liya...

(3)
Raat ho chuki thi, Chintapurni se Jwala ji ke darshan karne aa raha tha bus se... Behad tez aur khatarnaak baarish... Maine Maa se kaha ki agar baarish na ruki to main nahi utarunga bus se, chahe dharmshala jaana pade... Agale saal ab aayunga... Par jaise hi Maa ka Darbar aaya... Pani ek dum band... Main turant hi bus se utar ke shed mein aa gaya... Magar thode hi pal mein fir baarish jhamajham... 

Darbar ke pass pahucha sangat seedhi ke pass khadi thi... Itni tez barish jo ho rahi thi koi Seedhiya chhadkar Darbar mein line Lagane ja hi nahi raha tha... aur upper pehle se hi shed ke neeche hazaron log line mein lage hue the... hahaha... 

Udhar aarti khatam hone wali thi, fir raat mein darbar band ho jaata... Maine luggage sab rakha poojan dukaan pe, maa se prathana ki luggage ka khayal rakhana... Mobile ko plastic bag mein lapeta, Jeb mein rakha... Pooja ki thali li aur baarish mein bheegate hue Seedhiya chhadkar Darbar ki line mein lag Gaya... Dair raat mein darshan hue 11:30 pm baarish ki wajah se... 

Baarish ka qehar jaari tha... Himmat karke room dhundhane Laga... Kuch logon, boy ne room dikhaye, par koi pasand nai aaye aur hotel mein problem Single hai aap, hum Single ko room nahi dete... 

Haar kar ek Ghar mein room le liya... Use samjhaya ki insaan single hi aata hai, single hi marta hai, sirf apne karmo ka jimmedar hai insaan... Maine usse confirm kar liya tha Pani to hai na bathroom mein tumhare... Par us landlord ne jhoot bola... Sirf half balti Pani nikla tha...

Kisi tarah manage kiya woh bhi subah ko...

(4)
Beas Dera mein pahucha... Sangat, Sewadar ne kaha ki single ko room nahi milta hai... Fir bhi aap Accomodation Office mein sampark kar sakte hai...

Tabhi Baba Ji aye meri rooh se bole... Tu Kahi ka nawabzaada hai... Jo shed mein nahi so sakta... Chal dekh sabhi shed mein dhyan se, ja-jakar... Kitne Masoom, kitne bujurg, kitne laachar, kitne Bimaar, kitni family wale... Sab Zameen pe reh rahe hai na... Main hun na unki parvah, unki dikkat door karne... Tu bada lakhnau ka nawab ban raha hai jo shed mein Zameen pe nahi so sakta..

Mujhe baba ji ki baat samaj mein aa gai... Maine Chatai li aur 02 nights wahi par shed mein zameen pe bitai...

Rimjhim rimjhim baarish ho rahi thi, aacha lag raha tha...

Learning...

Bada sakun haasil hua .... Darbar Sahib Ji ke samne bench pe sone mein... Aur Beas dera mein shed ke andar zameen pe sone mein...

Kaun kehta hai main single hun... Satguru mere saath pal-pal hai... Maa saath har pal hai...