Radio.... Kal ki hasi mulaqat ke liye.... Pal bhar ke liye koi hume pyar kar le... Tu thodi der aur thehar ja...

"Kal ki hasi mulaqat ke liye...
Aaj raat ke liye hum-tum juda ho jaate hai...
Aacha chalo so jaate hai..."

Radio apne poore mood mein tha...

Tum gusse mein khamkha thi... Tumne bola tha...
"Khao, Khao, Khao... Aaj hi Sab kha lo... Sab kha daalo... Yeh lo... Mujhe bhi kha lo...

Maine Kahan tha...
"Tum khamkha hi bhadak rahi ho..."

Jawab diya tha tumne...
"Nahi Tum aaj hi sab kuch kha lo... Kha dalo..."

Radio bhi baj raha tha, magar madhur svaro mein...

"Pal bhar ke liye koi hume pyar karle,
Jhoota hi Sahi...
Humne bahut tujhko chhup-chhup ke dekha,
Dil pe khichi hai tere kajal ki rekha,
Kajal ki rekha bani laxman ki rekha...
Ram mein kyun tune Ravan ko dekha...
Khade khidki pe jogi deedar kar le...
Jhoota hi Sahi..."

Mai bola tha...
"Maine thoda na tumse bola tha tum Vrat rakho... Bhookhi raho... Tumhari khud hi choice thi... Maine nahi bola tha... Ab kam se kam mujhe to Dinner karne do..."

Tumne reply diya...
"Maine kab tumko khane se roka hai... tum khao... kam se kam tum support to kar sakte ho... Moral support hi de sakte the...

Ulta tum to Palak-Paneer, Butter Nan, Kheer kha rahe ho... Khao..."

Maine kaha tha...
"Tum koi nobal cause ke liye hunger strike thodi na kar rahi ho... Jo main support karu...

Murade tumhari... Jo koi Vrat se fhal milega tumko milega..."

Tumne kaha tha...
"Main Vrat, hum dono ki Khushiyon ke liye rakh rahi hu... Samjhe... Tum Khao, Khao... Yeah nahi thodi dair 12 baje ke baad mere saath mein kha lena...

Radio surili awaz mein nagme barsa raha tha...
"Tu thodi dair aur thehar ja sohniya...
Tu thodi dair aur thehar ja zalima
Tu thodi dair aur thehar ja..."

Maine reply diya...
Ab aankho mein samundar mat bharo... Rakh raha hun uthake Sab... Hey Mera Palak-Paneer... Meri Kheer...

Tum Khushi se ucchal padi...

- raj

Mera Naam To Lo...

Oye... Mera Naam to lo...
Mera Naam lo na... Ek Baar hi Sahi...
Chalo apne naam sang lo... Mera Naam likho na...
Chalo apne naam sang likho na...

Do-chaar shabd pyar ke likho na...
Mere Naam sang...
Tere-Mere Naam sang...

- RaJ

Kahi khayalon mein hi na simat ke reh jaye...

kahi khayalon mein hi na simat ke reh jaye,
haqiqat mein tere ho na paye...
yaadon mein dubbkar marne se to behtar hai...
tujhe gair ki baahon mein dekhte, jalte hue marr jaye...

- raj

na jaane...

na jaane kab duaaein rang layengi...
dooriyan kab nazdekiyan ban payengi...

hum kab honge rubaru... rooh-e-rooh...
na jaane kab hasratein poori ho payengi...

waqt dard ke saath beeta... betata chala gaya...
na jaane kab khushiyan zindagi mein aayengi...

na jaane...

- raj

talvarein to maidano mein hi khichi jaati hai...

talvarein to maidano mein hi khichi jaati hai...
Ishq, kamre mein band darwazon ke peeche, khidkiyon pe parda bichakar kiya jaata hai...

hahaha...

Rahi teri meri kahani...

"Parda nahi jab koi Khuda se to bando se parda karna kya...
Jab Pyar Kiya To Darna Kya..."

Saari duniya ko pata hai tera-mera afsaana...
12 saalo se ishq ne kar rakha hai diwana...
Na jaane kya aage rang layega zamana,
Tera hoga pehle ya maut ke gale lag jayega parwana...

Chup-chup ke kahan aata hai humko ishq farmana...

- RaJ

Radio... Dil Chori Sadda ho Gaya...chadti Jawani meri chaal mastani... Dil kahe ruk ja re ruk ja... Tum agar saath dene ka vaada karo...

"Dekho please mazaak mat karo... Meri tabiyat bahut kharab hai... Mujhe laite rehne do... Mere mobile se SMS kar do ki main aaj+kal medical leave pe rahungi...

Tumne bistar pe katvat lete hue kaha tha...

Radio... Baj raha tha...

"Dil Chori sadda Ho Gaya...
Asi Ki kariye... Ki kariye...
Naino mein kisi ke kho gaya...
Asi Ki kariye... Ki kariye..."

Mai Bola tha...
"Suno... Bas thermometer laga lo juban ke neeche... Fir laito aaram se... Mujhe check karne do bukhaar..."

"Tum doctor mat bano... Mujhe nahi lagana thermometer..."
Tum bol uthi thi...

Fir maine jabardasti tumhare mooh mein thermometer laga kar fever check kar liya...

Fir mobile pe doctor se concent karke medicine/ doses sms karwa li... Normal baat thi isliye doctor ko bulaya nahi, na hi usne aana jaruri samjha... 2nd day agar same condition rehti to jarur doctor ke pass lejakar check-up karwata... Ghar ke pass ki medical shop se jakar medicine le aaya..

Radio abhi bhi baj raha tha...
"Chadti Jawani meri chaal mastani
Tune kadar na jaane Rama...
Hey Rama..."

"Utho... Yeh dudh-bread kha lo... Fir medicine kha lo... Fir so Jaana"

Maine bola tha...

Tumne jawab diya tha...
"Nahi khana kuch bhi... Jao idhar se... Mujhe aaram karne do... Tum to chahte ho main jaldi marr jaun..."

Main tumko uthate hue, takiye ke sahare baithate hue bola tha...
"Nautanki nahi... Fhatafat dudh-bread Khao... Aur fir medicine Khao..."

Tumne gusse se bola tha...
"Pata nahi khamkha doctor bane fir rahe ho tum... Marr jaungi main..."

Main bola tha...
"Finish karo dudh... Medicine kaho aur aaram fharmao... Shaam tak theek ho jaogi... Main lunch ka kuch intezaam karta hun..."

"Mujhe nahi khana Lunch... Kuch bhi nahi khana..."
Tumne fhatafat jawab diya tha...

Radio tanha baje ja rahe tha...

"Dil kahe ruk ja re ruk ja... Yahi pe Kahi jo baat is jagah hai kahi pe nahi...
Jo baat is jagah hai kahi bhi nahi..."

Daant khakar tumne din mein Lunch bhi kiya... Shaam ko fir saath Sofe pe baithkar Chai bhi pi... Fever ab nadarat tha...

Radio baj raha tha...
"Tum agar saath dene ka vaada karo...
Main yuhi maat nagame sunata rahunga..."

raj

Real Timepass - Rang Birangi Kacchiya...

Shopkeeper - Ki chahida Bauji... Ini dair se dekhi ja rahe ho?

Romil - Hai ki tere kol... Capri aur shirta... Mai bacchiya waste Salwar-Suit chaunda si...

Shopkeeper - Saddi dukaan wich to yeh rang-birangi kacchiya hi hai Bacchiya vaste...

Bauji... Aj kal di Jananiya bhi yahi pehanna pasand kardi hai... Fashiona hai ajkal da... Nikki-Nikki jeansa, Yeh ulool-julool likhi t-shirta... Ajkal di Kudiya ko ahe hi pasand hai Bauji...

Gatbandhan karte hai...

In suljhe hue dhaago se bandhan ko baand lete hai...
Kya khayal hai tumhara...
Gatbandhan karte hai...

Mitr mandali tyago ab...
Ab jeevansaathi chuno...
Bana kar ek jhopadi pyar ki...
Apni zindagi mein thoda ulajhate hai... thoda jhagdte hai... thoda ladte hai...
Kya khayal hai tumhara...
Gatbandhan karte hai...

Mujhe kya chahiye...?
Sirf Tum...
Tumhe kya chahiye...?
Bolo na... Bolo na...
Chalo na ek Risk life mein aur lekar dekhte hai...
Kya khayal hai tumhara...
Gatbandhan karte hai...

RaJ

Apni to aadat hai Jugnu ki tarah timtimate rehna...

Yunh tanha rehna...
Yunh khud-ba-khud tujhse teri baatein karna...
Apni to aadat hai Jugnu ki tarah timtimate rehna...

Tera aashiq, tere shehar mein tha...
Sabko thi is baat ki khabar...
Koi chor thodi na the
Jo padta chhup-chhup ke rehna...

Aakhir mein hi Sahi...
Par hai to isi mehfil mein hi...
Ek Nazar teri Inayat ho jaye...
Mehak uthega Kona-Kona...

aur

Kya pata is baar Kaun Sa Zehar lekar aai ho,
Maut hi de dena...
Roz-Roz na pade tadapna... Yunh Rona...

#Romil Arora

Radio... Baahon ke darmiya... Ankh hai bhari-bhari aur tum... Tera saath hai to mujhe kya kami hai...

Tumne kahan tha...
"Fhulke khaoge ya fir Chawal..."

Maine jawab diya tha...
"Jo easy lage tumko bana lo..."

"Chalo fir appa Fhulke sek lete hai..."
Tumne bola tha...

Radio dheere-dheere mausam ke saath karwatein le raha tha...

"Baahon ke darmiya....
Do pyar mil rahe hai...
Jaane kya bole mann,
Dole sunke badan,
Dhadkan bani jubaan"

Tumne kuch sochate hue bola tha...
"Aaj maine advocate se milkar apni property sab tumhare naam karwa di hai... Kal ko mai nahi rahi to sab tumhara ho jayega Mr..."

Maine pucha...
"Kis khushi mein yeh decision liya tumne...??

Waise aacha hai tumhare jaane ke baad main tumhari friends Sharma, Gill, Maan, Walia ke saath enjoy karunga... hahaha..."

Tumne kahan tha...
I'm serious... Sach keh rahi hun...

Main tab uthkar tumhare pass rasoi mein aaya...
"Chalo... Thoda fresh ho... Bahar Khana khane chalte hai... Yeh sab uthakar main fridge mein rakh deta hun... Tum jao thoda sa fresh ho..."

Paidal hi chalte hai..."

Door kahi se kaano mein radio ki awaaz aa rahi thi...

"Aankh hai bhari-bhari aur tum muskurane ki baat karte ho...
Zindagi khafa-khafa aur tum Dil lagane ki baat karte ho..."

Hum ek purane khandar se Ghar mein pravesh kiya... Thoda seedhi chalne ke baad upper Khane ka intezaam tha...

"Bujurg husband-wife khana banate aur khilate the"

"Humne do Thali order ki... Aur pathar ke sahare tiki hui lakdi ke patre pe baith gaye"

Fir maine tumse kaha...
"In bujurg ke paanch bacche hai, teen bete, do betiyan... Sabki shaadi ho gai... Sab apni-apni life mein busy hai... Kisi ne inki jimmedari nahi uthani chahi... Purana makaan tha purkon ka to isi mein Khane Khilane ka bana liya... Isi se inka guzara basar hota hai..."

"Tum jab South jao to wahan aisa bahut hai ghar mein khana Khilane ka rivaaz... keh sakte ho Dhaba, restaurant in house...

Khana khane... Payment dene ke Baad tumne kahan tha...
"Sach mein khana bahut aacha tha, ek dum ghar jaisa..."

Lautate hue maine tumse kaha...
"Madam... Main tumko sirf wahan khana khilane nahi le gaya tha, Balki dono ka pyar dikhane le gaya tha....

Itni Umar mein bhi dono saath zindagi ko narmata, pyar, vishwas ke saath jee rahe hai... 

Sab property yahi par reh jaani hai... khandar ban kar.... Kuch nahi saath Jaana hai... Apne dimaag se yeh chaalis ke chakkar nikal do...

Na rahe Pandav, Na rahe Kaurav, Na rahe Yaduvansi... Khamkha ho gai Mahabharat..."

Radio fir kaano mein gungunane laga... Hum icecream khate hue ghar wapas laut aaye...

"Tera saath hai to mujhe kya kami hai...
Ki Andheron ko bhi mil rahi Roshani hai..."

raj

Radio... Baahon mein chale aao... Raat akeli hai... Aapke qamre mein... Pyar manga hai tumhi se...

"Baahon mein chale aao...
Humse Sanam kya parda...
Oh... Humse Sanam kya parda..."

Radio apne poore sabab pe tha...

Tumne kahan tha...
"Aisa karna adrak aur dhaniya ke chhote-chhote slices kar dena please..."

Maine rasoi se bola tha...
"Tumhare bhi chhote-chhote pieces kar dene hai maine..."

Radio fir gaa utha...
"Aapke kamre mein koi rehta hai,
Hum nahi kehte, zamana kehta hai"

Tum fir bol uthi...
"Suno... Research work karoge? Mere friend ke pass assignment aaya hai... Tumko uska junior banna padega... 20 days hoga... travel karna padega... Report wahi English mein prepare kar lega, uski bhi tension nahi tumko... Payment mein hi lungi... Tum karoge to main baat karu?"

Maine reply diya...
"Bilkul... Karunga...
Yeh lo ready aloo tikki...

Bilkul karunga yaar... Tum Haan keh do...

Radio fir naye geet ke saath baras pada...
"Raat Akeli hai... Bhuj Gaye diye...
Aake mere pass baahon mein mere...
Jo bhi chahe kahiye... Jo bhi chahe kahiye..."

Tum bol uthi thi....
"Woh Tewari Ji Chat Wale ka swad nahi hai... Mazaa nahi aaya..."

Main bola tha...
"Gaadi start karo... Aur jao le aao... Wapas karo meri tikki... Main paseena-paseena ho gaya hun aur tumko swad ki padi hai..."

Finish karne ke baad... Haath dhone ke baad tumne kahan tha...
"Family plan karte hai... Kyon?" 

Maine reply diya...
"Mujhe koi problem nahi... Tumko manage karna padega... pregnany, delivery pain se lekar Dieper badalna, raat mein uthkar chhup karwana... Potty karwana, langoti dhona... Sab tumko hi manage karna padega...

Fir radio bol utha...
"Pyar manga hai tumhi se,
Na inkaar karo...
Pass baitho to Zara...
Aaj to Iqraar karo..."

Tumne jawab diya tha...
"Tum bas aacha Insaan Bana dena bas... Yeh kaam to kar loge... Waise main janti hun tum mujhse aacha care karoge...

Waise tumko to Beti chahiye... NaaZ na...

- raj

Real Timepass - Adde...

Romil - Adde le chal Veere...

Rickshaw wala - Kaide Adde Bauji...

Romil - Bus Adde aur Kede Adde?

Rickshaw wala - Mai socha savere-savere hi tussi Peena-Peena chauhane aa...

Romil - Na Veere... Asi RadhaSoami wala hai... Pee ke kidro jana...

Real Timepass - tarakki...

Tea wala - Sadde varge bhi kuch socho maliko...

Asi kandhe utthe dhoye-dhoye fir rahe hai...

Tuwadi to batheri Trucka chal rahi hai...

Kuch Gariba de tarakki wich bi ta thoda socho...

Romil - Panj rupiya mein tune kaunsi batheri tarakkiya karni hai...

Asi ta aaj tak thokara kha rahe hai Veere...

Kudi lut-put ke le gai sadaa kaam truckka da...

Barishe hi Barishe...

Pani ki bauchaare baras hi baras rahi hai...
Himachal aur Punjab wich Mausam romani kar rahi hai...
Kidhar jaye kuch samaj nahi aa raha hai...
Bus stand pe baithe Chai chal rahi hai...

#BestAnswers

#Romil

Maa Jwala Devi Ji, Maa Kangara Devi Ji, Maa Chintapurni Devi Ji, Himachal Pradesh 2018

Sri Harmandar Sahib Ji, Amritsar New View 2018

Sri Harmandar Sahib Ji, Amritsar Darbar Sahib Ji 2018

Real Timepass... Panj rupiya... Chori...

Autowala - Panj (5) rupiye di ta gal hai... De do na Veere... Tusi ta chaali-petali (40-45) di umar ke ta honge...

Romil - Moye, Marjaane... Main ta abhi Bee (20) da haan... Ab ta main nai dena tune Panj rupiya... 

(2)

Choori salesman - Bhai Sahib, Saali, Gharwale ke liye le lijiye na...

Romil - Dono nahi hai...

Choori Salesman - To Bahaarwali ke liye le lijiye...

Romil - Woh bhi nahi hai... Kaho to khud pehan le...

hehehe

Maa Vaishno Devi Bhawan 2018

tumhein duaon ka asar nahi maloom... Malum...

Janaab...

kahan uska pata-thikana maloom...
humein to apna hi ghar nahi malum...

kabhi na kabhi to tootkar giregi meri baahon mein...
tumhein duaon ka asar nahi maloom...

Safar mein hun... Magar khayal mein uske...
Tum Manzil puchate ho, 
Tum Manzil puchate ho, yahan rahein nahi malum...

aur

Muskurane mein kaun si jageerein kharch ho jaani hai...
Tumhein mere seene mein dabe zakhm nahi maloom...

#Romil

जनाब... 

कहां उसका पता-ठिकाना मालूम 

हमें तो अपना ही घर नहीं मालूम... 

कभी ना कभी तो टूटकर गिरेगी मेरी बाहों में... 

तुम्हें दुआओं का असर नहीं मालूम... 

सफर में हूं मगर ख्याल में उसके... 

तुम मंजिल पूछती हो... 

तुम मंजिल पूछती हो... 

यहां राहें नहीं मालूम... 

और 

मुस्कुराने में कौन सी जागीरें खर्च हो जानी है... 

तुम्हें मेरे सीने में दबे जख्म नहीं मालूम...

#रोमिल

Main jisse rishta todta hun to tod deta hun...

Main jisse rishta todta hun to tod deta hun..
Main jiska saath chhodta hun to chhod deta hun...

Hai meri nafraton mein bhi itni imandari...
Main jisse nafrat bhi karta hun to Dil Se karta hun...

Jisse rishta todta hun to tod deta hun...

-  ⛅

Vah dheer vyakti jo...

Vah dheer vyakti jo vaani ke vegh ko, 

mann ki maango ko, krodh ki kiryao ko tatha jeebh, udar evam jannedriyon ke vegho ko sehan kar sakta hai, 

vah saare sansar mein shisya banne yogya hai.

"vaacho vegam mansah krodh-vegam

Jehba-vegh-mudaropasth vegam.

Aetaan-vegham yo vishhet dheerh,

Sarvampeemam prithivim sa sisyaath."

Saleeka... Tareeka...

shabdon ko kaagaz pe utarne ka saleeka bhool gaya...
woh shaks jeene ka tareeka bhool gaya...

is tarah andar hi andar udhad chuka hai...
woh rishton ko seene ka tareeka bhool gaya...

main use samjau bhi to kaise
main use samjau bhi to kaise
woh baaton ko sunne ka saleeka bhool gaya...

aur

saza dun to isko kis baat ki dun...
samajh nahi aata...
saza dun to isko kis wajah se dun...
yeh khud mein hi qaid hokar reh gaya...

#Romil

शब्दों को कागज पर उतारने का तरीका भूल गया 

वो शख्स जीने का तरीका भूल गया... 

इस तरह अंदर ही अंदर उधड़ चुका है 

वो रिश्तो को सीने का तरीका भूल गया... 

मैं उसे समझाऊं भी तो कैसे 

मैं उसे समझाऊं भी तो कैसे

वह बातों को सुनने का तरीका भूल गया... 

और 

सजा दूं तो इसको किस बात की दूं 

समझ नहीं आता... 

सजा दूं तो इसको किस वजह से दूं 

यह खुद में ही कैद होकर रह गया...

#रोमिल

Labon...

Jo maine labon se khamoshi utaar di...
Na jaane kitno ke cheharon se naqaab utar jayenge...

Bolne se khud ko rok rakha hai maine...
Warna tumhare bhi zakhm Hare ho jayenge...

Mere shabr ka imtehaan mat lo...
Lo labon ke baandh toote to na jaane kitne ismein beh jayenge..

aur

Khayal rahe...

Yeh juban ab raat bhar tumhare kaano mein mohabbat ke nagme nahi gaati...
Naye sire se juban ko dhaar di hai maine.

sharafat utaar di hai maine...
mohabbat utaar di hai maine...

#Romil

जो मैंने लबों से खामोशी उतार दी... 

ना जाने कितनों के चेहरों से नकाब उतर जाएंगे... 

बोलने से खुद को रोक रखा है मैंने... 

वरना तुम्हारे भी जख्म हरे हो जाएंगे... 

मेरे सब्र का इम्तिहान मत लो... 

जो लबों के बाँध टूटे तो न जाने कितने इसमें बह जाएंगे... 

ख्याल रहे... 

यह जुबान अब रात भर तुम्हारे कानों में मोहब्बत के नगमे नहीं गाती... 

नए सिरे से जुबान को धार दी है मैंने... 

शराफत उतार दी है मैंने... 

मोहब्बत उतर दी है मैंने... 

#रोमिल

Haawaon ne gunah kiya tha...

Haawaon ne gunah kiya tha...

Garib ka ghar fhuk diya tha...

Log Deep ko ilzaam dene lage...

Us bechare ne to jal kar Ujiyala kiya tha...

aur

Dheere... Dheere...

Dheere... Dheere...

2-4 dino mein...

Aadat pad jaati hai...

Aadat pad hi jaati hai...

Tanhai bhi apni si lagne lagti hai...

- ⛅

hum to purani duniya... purane daur ke hai...

hum to purani duniya... purane daur ke hai...
ishq ko saudebaazi nahi, ishq hi samajhate hai...

jiske saath Rab ne bana di Jodi...
Usi ke saath zindagi beeta dete hai...
Zakhm laakh mile...
Na uff karte hai... Na kisi ko kuch batate hai...
Bas labon ko muskaan se sajaye rehte hai...

hum to purani duniya... purane daur ke hai...

pani matke ka peete hai...
chatai bichakar zameen pe sote hai...

mehlon ki khawaish nahi humko...
jhopadi mein girdhar gopal ko baithate hai...

chidiyon ko dana dalte hai,
cheentiyon ko gur khilate hai...

hum to purani duniya... purane daur ke hai...

aam ko chhus kar hi khaate hai...
daal-chawal ko haaton se khaate hai...

ram-ram bhajte hai...
ram ki kahani gaate hai...
maut ke intezaar mein zindagi bitate hai...

hum to purani duniya... purane daur ke hai...
Ishq ko saudebaazi nahi, ishq hi samajhate hai...

- raj

Pehle zakhmo ko khud hi kuredate hai...

Pehle zakhmo ko khud hi kuredate hai...

Fir hum unhi zakhmo ke lahoo se teri tasveerein banate hai...

Jism kar diya katra-katra...channi-channi...

Par rooh uska naam pukarti rahi...

Jaane kaise log hai yeh,

Haawaon ke pairon mein zanzeerein dalte hai...

Main aaj bhi Mohabbat-e-Gultasta banata hun...

Woh log aaj bhi nafratein batate hai...

aur

Kyon badal jaata hai insaan, main samajhane laga hun...

Log har cheez ko aajkal daulat ke tarazu mein taulate hai...

- Romil RaJ

aye meri jaan... tu na ho pareshan...

naaz kehti hai...

Sultan... "aye meri jaan... 
tu na ho paresha,
koi bhi shaitan, tujhe chhoo na payega,
kar dungi katleaam...
macha dungi kohraam...
koi bhi shaitan, tujhe chhoo na payega...

aye meri jaan...
tu na ho pareshan..."

- Sultan...

"jab hum rooh ko jism se dabooch ke kheechate hai, tab bhi Reham nahi karte...
chahe koi jism kitna bhi tadpe, cheekhe, dahaade...
Par na jaane kyon Sultan tere tiye aankhon se aansoo nikal aate hai..."

"Jannat mein tere liye jagah to pehle se hi pakki hai Sultan...
Main to har roz us qaynaat-e-rab se tere liye ek jahaan mangati hun..."

"Sultan... kal parwardigar se boli tere liye...
Ise maut de de mere Shehanshah...
Aawaz aai... Abhi kuch purane hisaab-kitaab baaki hai iske...
baar-baar ise kabr mein dalna, fir jilana waajib na hoga...
ise isi zindagi mein sab aafatein bhugat lene de..."

" 6 dino mein dunia-e-jahan banane wala Rehmaan...
tere liye palak jhapakte hi khusiyon ki jhadi laga sakta hai...
Par yeh ladai... sirf Arsh se Farsh tak ki hi nahi..
Sultan... Rab se Rab banne tak hai...
aur
main dil-e-jaan se tujhe Rab bante dekhna chahti hun..."

"Par aisa na ho jaye...
Rab banne ke chakkar mein tum Insaan hi na raho... Sultan..."

- Sultan

EndU Chipkalli...

EndU Chipkalli...

matmaili si...
halki bhoori si...
thodi tagdi-moti si...
chhoti si puchh wali...
mooti se do naino wali...
deewaron pe chehalkadmi karne wali...
Maa ki tasveer ke peeche chhup ke rehti hai...

jab dekhe koi keet-patanga-makkhi...
to jhat se nikal...
apni juban se pakad fhata-fhat kha leti hai...
fir Maa ki tasveer ke peeche jakar chhup jaati hai...

jo main utha kar jhadhoo usko maarne dhaudun...
to sar-pat bhaag Maa ki tasveer ke peeche jaakar dubak jaati hai...

main jhadhoo haaton se pakde uska intezaar karta rehta hun...
woh chor nazar se mujhe dekhkar fir tasveer ke peeche dubak jaati hai...

roz mera-uska yahi khel chalta rehta hai...

ab to woh mujhe pehchanne lagi hai...
Kamre mein meri aahat paate hi Maa ki tasveer ka sahara le leti hai...

EndU Chipkalli hai...

- raj

Radio... Sau dard... Rangeela Re... Tu kya jaane wafaa o bewafa... Shokhiyon mein ghola jaye phoolon ka shabab...

nashe mein dhhut hokar tum ghar aai thi...
main bistar se uth kar, kitab ko daraaz mein rakh kar.... darwaza kholne gaya tha...

radio madhur aawaz mein nagme suna raha tha...

"tu kya jaane wafaa o bewafa...
pyar karna tere bas ki baat nahi...
kisi pe marna tere bas ki baat nahi...
oh bewafa...

almirah kholkar na jaane tum kya dhundhane lagi...
almirah se sab kuch nikal kar tumne bahaar fhek diya....
fir tum apne mooh se laar tapkate hue... wahi zameen pe dharashai ho gir padi...

Radio dheeme aawaz mein baj raha tha...

"Rangeela re....ohhh...
Rangeela... Tere rang mein yunh ranga hai mera mann... 
Chhaliya re... Na bhuje hai kisi jal se yeh jalan...
Ho Rangeela re..."

Maine tumko apni baahon se pakadkar ghaseetate hue bistar pe patak diya...

tum kuch nashe mein photo album... photo album... keh rahi thi...

fir tumhare jute-moje, kapde utaarkar tumko night gown pehnai...
fir kisi tarah bacchon wali bottle se tumhe Pani ke kuch ghuut pilaye...

Radio... apni geetmala prastut kiye ja raha tha...

"Mere dushman.. tu meri dosti ko tarse...
Mujhe gum dene wale tu khushi ko tarse...
Mere dushman...

tum neend mein kuch baar-2 badbada rahi thi...
Maine khud ko tumhare qareeb lakar suna..
Tum keh rahi thi...
"Main tumhe pasand nahi hun na... aachi nahi lagti hun na... Ab pyar nahi karte ho tum mujhse...

Din mein main ghar aai thi... Tum nahi the... Tum mall gaye hue the... Gill ke saath movie dekh rahe the, lunch kiya, ghume-fhire... Tumne mujhe batana bhi jaroori nahi samjha..." Mujhe Gill ke boyfriend se pata chal gaya...

Main sab masla samajh chuka tha...ki aag kisne lagai hai..

Radio apna track change kar chuka tha...

"Shokhiyon mein ghola jaye phoolon ka shabab...
Usmein fir milie jaye thodi si sharaab...
Hoga yun Nasha Jo taiyaar woh pyar hai..."

Main raat bhar jagata raha... Radio se baatein karta raha... 

Subah tumhare uthate hi maine coffee ke cup ke saath tumko datana shuru kar diya...

Par tumne koi jawaab nahi diya... Na koi mujhse sawaal pucha...

Maine khud hi sab kuch likh kar tumko raat mein email kar chuka tha... Tumne shayad office pahuch kar pad liya hoga...

"Sau dard hai...
Sau raahtein...
Sab Mila dilnashi...
Ek tu hi nahi..."

- raj

Tawaif...

NaaZ kehti hai...

Mohabbatein to Tawaifen bhi karti thi...
Ek baar jo ishq kisi se ho jaye,
To Kotha kisi aur ke liye nahi sajaati thi...

Jaam khulta tha to sirf mehboob ke liye,
Mehfil roshan hoti thi to aashiq ke liye,
Tawaif nachati thi, gaati thi to sirf apne dildaar ke liye...

Dil to tawaifen bhi rakhti thi...

- ⛅

Suno ek Rani ki kahani jo thi ek Raja ki diwani...

Amma koi kahani sunao... neend aa jaye...

Apni goad mein litao, baalon pe haath fher kar halka-halka sehlao... ki neend aa jaye...

"Suno ek Rani ki kahani jo thi ek Raja ki diwani...

dono mein beshumaar mohabbat thi...

dono ki zindagi thi suhani...

Jitni Rani thi Sushil, Guni...

Utna hi Raja tha Sahasi-Prakrami...

Poore Rajya mein dono ki amar thi prem kahani...

Bacchon-baachon ke mooh pe thi...unki kahani...

Door desh ke ek Yodha ka Rani pe Dil as gaya...

Woh usko haasil karne ke liye Shadyantra pe Shadyantra rachata raha...

kabhi daulat ka lalach diya...

kabhi koi rajya, raja ko tohfa mein diya...

kabhi daraya, dhamkaya...

ant mein Yudh ka niyota diya...

Yudh kai mahino tak chalta raha...

Yudh mein woh jeet na saka Raja se.. to

dhoke se usne Raja ko zehar dekar marwa diya... Uske saathiyon ko apne saath kar liya...

Raja ke rajya, sena pe fir us Yodha ne kabza kar liya....

Chala woh Yodha fir Rani ko kabzaane...

Rani ne bhi thaan liya...

Marr jayenge... Par Raja ke siwa kisi ke na soyenge sirhaane...

Mandir ka darwaza band kar liya Rani ne...

Sher pe sawaar Durga ko fir pranaam kiya...

Singhaar kiya khud ka... Khud ko dulhan ki tarah sajaya...

Pooja ki... aarti utari  Durga ki...

Bade se kund mein agni ka aahavaan kiya...

Agni ki lapton mein lagi khud ko jalane...

Charon taraf dhua ka khoob guwaar utha...

Chand lal ho utha...

Aasman nira kaala rang sa ho gaya...

Mar ke bhi apni preet amar kar hai,

Apni laash ko bhi Agni mein daah kar gai...

Dono Raja-Rani fir swarg mein mile...

Rab ke ghar mein ek-dusare ke hokar rahe...

Yodha sab kuch jeet ke bhi haar gaya...

Rani-Raja haar kar bhi apni preet amar kar gaye...

#Romil Arora

Rehne do chhodo...

(1)
jis mod pe chhod aaye the...
ise wahi pe dafan rehne do...
ishq ko chhedo mat... ise mat khodo... ise mat zinda karo...
warna yeh fir jaag jayega...
fir na tumhe sone dega, 
meri to pehle hi neend uda rakhi hai isne...

(2)
na koi udhari li hai tumse...
na koi karza diya hai tumko...
na koi samaan tumse liya, na maine diya tha...
ishq ka sauda hua tha... jitna tumne diya, utna hi maine kiya tha...
thoda kam-jyada raha ho...to maaf kar dena...

fir ab tum mujhse lene kya aa sakti ho?

ya fir kuch chhurane aai ho?

na rupiya-paisa, dhan-daulat hai mere pass...
na heere-moti, jevaraat hai mere pass...
na ghar-zameen-jaydaad hai mere pass...
blood ka tum kya karogi? ya kidney, liver logi?

Dil mat mangana...
Yeh tumhare kisi kaam ka nahi raha...
Ek dum gala-sadha hua pada hai...
Tarah-tarah ki gaaliyan bhari padi hai isme...
Na jaane kitni baddua, kitni nafratein bhari padi hai isme...
Bhagwan ji tak ko nahi baksha hai is Dil ne...

tum iska kya karogi?

rehne do...

(3)
Delete...

(4)
Delete....

(5)
Delete....

(6)
Delete...

(7)
Rab yahi Chahta hai...
Sirf Mera rishta Rab ke saath ho...

Isliye usne khudbakhud is arsh ke sabhi rishte tod diye... Taki main us farsh pe khuda se rishte bana saku...

Warna aajkal kiske haq mein Faristee bolte hai?

- ⛅

mitti ke dhele ko mitti mein mil jaana hai...

Maine uske diye RadhaKrishna ko
Apne mandir mein saja rakha hai...

Baat chhoti hai magar sochane ko mann karta hai...

#Romil Arora

Ammo kehti thi...

mitti ke dhele ko mitti mein mil jaana hai,
tumhe bhi khuda ke paas jaana hai, humein bhi khuda ke paas jaana hai...

hum husn ko pardon mein rakhte hai...
daulat beshkeemati hai...
chor-dacait zamana hai...

aur

Bhalu... alfhazon mein dard tere hai bahut,
bas be-dard zamana hai...

Bhalu... duniya samajh mein aai magar dair se tere,
samundar mein kashti ka dubna, sahil pe tamashbeeno ka mazma lagna, purana hai...

#Romil Arora

Pyar ka shahjahan banne ke liye... mumtaz bhi chahiye... TajMahal ke liye...

pyar ka shahjahan banne ke liye...
mumtaz bhi chahiye,
TajMahal ke liye...

aur

angoor ke ras mein kahan nasha dhara hai...
ishq chahiye nashe ke liye...

aur

husn ki dhalaan pe apni jawani ludak gai... ludak gai...
ab ek mohabbat-e-buut chahiye ebadat ke liye....

besharm... begairat... behayaa... 
chahe jo kaho...
humein to tu hi chahiye... tu hi chahiye...
aashiqi ke liye...

- raj

khayal rahe... hamari jeb se qalam na nikalne paaye...

Pavitra Aatma NaaZ kehti hai...

khayal rahe... hamari jeb se qalam na nikalne paaye...
hum jhoote sach ko be-naqab kar dalenge...

tum pankh katarne mein lage rahoge...
hum aasman ko apne rang mein rang dalenge...

- Romil RaJ

Shukran Allah Wallah Alham Dullillah

Shukran Allah
Wallah Alham Dullillah...

Apni noor-e-ibadat rang lai,
Eid aai...
Chand khila, khusboo si mehki haawein,
Aasmano se barsi duayein...
Eid aai...

Khuda ki hui rehmatein,
Mit gai saari parshaniyatein...
Mili dono jahan ki inayatein...
Eid aai...
Eid aai...

aur

Deedar-e-yaar ho gaya...
mohabbat-e-izhaar ho gaya...
mil gai hai manzilen...
Eid aai..
Eid aai...

Shukran Allah
Wallah Alham Dulillah

#Romil

Radio... Buddha mil gaya...sanam teri qasam....

"main kya karu ram mujhe Buddha mil gaya...
hey... hey Buddha mil gaya..."

radio ke sang tum bhi gungunaye ja rahi thi...

maine bola tha... meri bhi same feeling hai...
"buddhiya mil gai... hey, hey... buddhiya mil gai"

tumne kahan tha... 
"buddhe hoge tum...main to abhi tak jawan hun... sirf umar se koi Buddha nahi hota... 

kam se kam tumhari tarah buddho ki tarah  pooja-path mein din bhar to nahi lagi rehti... yeh tumhari buddhon wali satsangi, sanskari baatein...uff"

maine kahan tha...
beer, whiskey, cigarettes peene se bhi koi rocking star nahi hota... Na hi yeh restaurant parties se koi hota hai... mexican, italian, chinese khaane se bhi log jawan nahi hote....

Radio bajta rehta tha...

"kitne bhi tu kar le sitam...
hans-hans ke sahenge hum...
yeh pyar na hoga kam...
sanam teri qasam... ho ho... sanam teri qasam..."

tum kehti thi... 
maine to nahi roka tumko aisa karne se... I'm successful working woman... I'm not housewife, I'm housewomen... Karna padta hai yeh sab... I'm deal with many types of peoples..

maine kaha tha...
Accepted... Main to accept karta hun... Tum mujhse bahud jyada qaabil ho, kamyab ho... smart ho... good looking... handsome ho...

tumne kahan tha...
Ab lagta hai shayad hum log topic se behak gaye hai... Topic tha "tum buddhe ho aur main jawan" okkk. It's true...

Radio baj-baj kar hum dono ke darmiya dooriyaan kam karta rehta tha...

"Chal teri baahon mein jaannat ko basayenge...
pyar ke is mandir ko chahat se sajayenge...

humne ghar chhoda hai...
rasmo ko toda hai...
door kahi jayenge hum...
Nai duniya basayenge..."

- raj

EID manane ko jee chahta hai...

Eid manane ko jee chahta hai
Tere pass aane ko jee chahta hai.
Bahut dino se jee bhar kar khaya nahi khana
Aaj tere haaton ki bani sewaiya khane ko jee chahata hai.

Woh mauj-e-bachpan, woh khel-e-ladappan
Aaj fir jee bhar ke gaane ko jee chahta hai
Nai poshake, naye tohfe
Aaj fir tarannum-e-lab sajane ko jee chahta hai.

Takalluf na kar nazare milane se
Aaj gale milne ko jee chahata hai
Kismat se lad-jhagad kar
Aaj tere pass aane ko jee chahta hai.

#Romil

ईद मनाने को जी चाहता है

तेरे पास आने को जी चाहता है

बहुत दिनों से जी भरकर खाया नहीं खाना

आज तेरे हाथों की बनी सेवइयां खाने को जी चाहता है...

वो मौज-ए-बचपन, वो खेल-ए-लड़प्पन

आज फिर जी भर के गाने को जी चाहता है

नई पोशाकें, नए तोहफ़े

आज फिर तरन्नुम-ए-लब सजाने को जी चाहता है...

तकल्लुफ़ ना कर नज़रें मिलाने से

आज गले मिलने को जी चाहता है

किस्मत से लड़-झगड़ कर

आज तेरे पास आने को जी चाहता है...

#रोमिल

Equality...

Pavitra Aatma NaaZ kehti thi...

Sultan... Khuda ne to sabki liye equality banai hai...
bas logon ne fark paida kar diya...

Suraj jab damakta hai to sabke liye damakta hai...
Haawein jab chalti hai to sabke liye chalti hai...
Chand ki chandani sabke liye chamakati hai...
Yeh Nadi-Dariya-Samundar-Jangal sabke liye barabari ka haq dete hai...

Agar Deen ke hawale se bhi dekho...

Namaaz sabke liye farz hai...
Zakat sabke liye farz hai... Chahe koi kitna ameer ho ya kitna garib...
Rozein sabke liye farz hai... aisa nahi hai ki ameer 10 rozein rakhe aur garib poore mahine.
Maa-Baap ki sewa karna sabke liye batati gai hai...
Qayamat ka din jab aayega to sabke liye aayega...

Allah ne riyatein jarur bakshi hai...
Jaise yeh samaj sakte ho ki Suraj sabke liye aag barsata hai, magar agar aap nahi bardasht kar pa rahe hi to kisi ped ki chaav ke neeche aa jaye... Magar Suraj aapke liye apni aag nahi kam karega... Woh Rab ka hi adesh manega sirf...

Sirf logon ne zameen ko baata... Logon ko baata... tarah-tarah ke fark paida kiye...

- ⛅

Radio...piya aiso jiya mein samaye gayo re...main tulsi tere angan ki...

subah-subah sukomal, nanhe shishuhasht jaise sparsh se mujhe uthana...
aur kehna...
jaan abhi tum Chai bana do... evening mein main hi banaugi... promise jaan...

par tumhara vaada sirf... khayali pulao hi jaisa rehta tha... 
ant mein shaam ko mujhe hi joker banna padta tha...

main kheech mein bolta tha...
aaj to weekend hai, tumko hi banana chahiye na"

tum bol uthati thi...
aacha jaate-jaate Radio ki voice thodi badaa dena... mera favourite song aa raha hai... 
cooker mein aloo bhi chhada do na... aloo parathe milkar banate hai breakfast mein...

radio voice bada do na Mr...

"Piya aiso jiya mein samaye gayo re...
Ki main tann-mann ki sudh-budh bhoola baithi...
Piya aiso jiya mein samaye gayo reeee"

(Lijiye aapki Chai...)

(Advertisement ke saath Radio bajta rehta tha...)

Tum bistar se uthate hi laptop ko apne goad mein rakh kar kehti thi...
Biscuit ka dibba de do na...
Kaisa weekend jaan... Itna pending work pada hai... Aaj tailor ke pass jakar fitting bhi deni thi... Parlour bhi jaana tha... fir weekly marketing-shopping bhi to karni hai...

Udhar Radio bajta rehta tha idhar tumhara communication shuru rehta tha...

"tere pyar mein badnaam door-door ho gaye,
tere saath hum bhi sanam mashoor ho gaye...
Ab to hai tumse har Khushi apni...
Tum pe marna hai zindagi apni... Ho ho..."

Suno...Maan keh rahi thi usne last week try maara tha tumpar... Par tumne ghas nahi daali... Na tumne mujhe bataya...

Main kehta... Yeh bhi koi batane wali baat hai... After all tumhari friend hai....

Tum kehti... Chance to tum bhi maar sakte the.... Ek number ki kamini hai Maan... Bitch hai Maan...

Idhar tumhare mooh se Maan ke liye galiyan... Udhar radio ki voice...

"main tulsi tere angan ki,
Koi nahi... Koi nahi...
Main tere saajan ki...
main Tulsi tere angan ki..."

Udhar rasoi gas pe chhade aloo ke cooker mein siti bajne lagi thi...

mujhe samajhate dair nahi lagi thi, tum dono mitr mujhpe baazi lagi rahi thi... mujhe apni kasauti par parakh rahi thi...

main uthkar aloo chhelane lagta tha...
tum laptop ke saath badbadate email reply karne lagti thi...

radio bajta rehta tha...

"kya hua tera vaada....
woh qasam... Woh irada....
bhulega dil jis din tujhe...
woh din zindagi ka aakhiri din hoga"

- raj