Bewafa kabhi wafa nahi karte.....

Bewafa kabhi wafa nahi karte,

Mohabbat karne wale kisi ko daga nahi karte,

Husn walon ki to aadat hoti hai lootane ki,

Yeh kabhi kisi saache aashiq par reham nahi karte!

[written by romil arora - copyright reserved]

kaise keh do ki tu bewafa hai......

Har apna aaj kal mujhse khafa hai,

Sabki juban par bas mere khata ka silsila hai,

Jab tha nahi main tere kaabil,

Fhir kaise keh do ki tu bewafa hai!

[written by romil arora - copyright reserved]

Wafa kya hoti hai.........

Waafa kya hoti hai yeh us bewafa ko kya pata,

Waafa to aaj kal bas kitabo main naazar aati hai,

Is jahan main marr jaate hai kuch log wafaa main,

badle main unke hisse main sirf bewafai aati hai!

[written by romil arora - copyright reserved]

Us bewafa ko kya kharab......

Us bewafa ko kya kharab ki maine maut ko kyon gale lagaya,

Zindagi main bas har pal uske intezaar main beetaya,

Woh to sirf daulat main khoye rahe,

Bhul kar mujhko, gairon ki baahon main soye rahe!

[written by romil arora - copyright reserved]

Sanam ka Ehsaas

Sanam ka Ehsaas

Yeh ehsaas kaisa hai,

dil-e-jigar mein tu hi jaan basa hai,

dil ko chain aata nahi,

har tadap mein tu hi jaan basa hai!

Kaash yeh tadap tujhe bhi hui hoti,

meri pyaas tujhe bhi lagi hoti,

tu laut aati baahon mein meri,

tere honton mein tadap hui to hoti!

Mehboob hu tera mujhe ikraar hai,

mere honton ko sirf tere honton ka intezaar hai,

kuch shararat to teri bhi thi qaatil-e-husn,

teri nazron mein dekha to tujhko bhi mera intezaar hai!

[written by romil arora - copyright reserved]

kuch dil ke alfaaz...

kuch dil ke alfaaz...

Mangi thi dua aashiana ki,

magar khandhar bhi naseeb na hua,

Chah thi dil mein mohabbat ki,

magar koi apna bhi naseeb na hua!

Anjaane mein mohabbat kar baithe,

zakhm hazaro dil par kha baithe,

mehboob ko apna banane ke liye is tarah hue deewane,

ki apna naam tak badal baithe,

chaha tha zindagi main jeene ko,

par saari umar gham-e-tanhai men beeta baithe!

[written by romil arora - copyright reserved]

Gum-e-Mohabbat

Gum-e-Mohabbat

Mohabbat khuda hai mera,

aur mera khuda ho tum,

jab tum khafa ho mujhse,

fir kaise khuda hai mere sang!

Mohabbat bas ek baar hi hoti hai,

ek baar jab bewafai kar jaye sanam,

fir na kisi se mohabbat hoti hai,

ab to bas hum yeh kasam khate hai,

dil na fir kisi se lagate hai!

Is duniya mein koi saccha pyar karne wala nahi milta,

husn wale to lakho milte hai magar saccha yaar nahi milta,

sansein ab bhi chalti hai bas issi khuwahish mein,

jab koi apna nahi milta is jahaan mein, to kaash koi begana milta?

[written by romil arora - copyright reserved]

dil ki baatein....

dil ki baatein....

Durr humse tum na reh payoge,

yeh judai tum bhi naa bardash kar payoge,

jaan hamari jayenge,

aur tum bhi udasiyoon main kho jayoge!

Mohabbat har kisi ke naseeb main ho, aaisa sabka naseeb to nahi,

khawab har kisi ke poore ho, aaisa khawab to nahi,

husn walon ka to kaam hota hai dil-behlana,

har bar dil tootane par insaan zinda reh jaye, yeh zaruri to nahi!

Ek husn wale ne maira dil toodh diya,

zindagi bhar jisne saath daine ko kahan, usne saath chodh diya,

ab to zinda hu main, magar aaisa lagta hai ki zindagi ne rishta toodh diya!

[written by romil arora - copyright reserved]

haal-e-dil

haal-e-dil

Janta hu ek din manzil ko pa jayunga,
magar shayad rishtoo ki deewaron ko toodh jayunga,
ek din tanha main saahil par baitha honga,
aur apni akeli gumsum manzil ko dekh kar muskurayunga!



Jab woh thi nahi apni fhir usse mohabbat kyon hain?
Itne dhokhe khaye hai maine uski mohabbat main,
fhir bhi zalim uska intezaar kyon hain?



kaash tum maire dhadkan ko sun paati,
mohabbat kya hai yeh pehchan paati,
yeh badnaseebi to hai hamari,
jo hamari dil todh kar tum gair ki baahon main ho jaati!

Mujhse durr jaane ki majboori kya thi unki
mujhko bataya to hota,
bewafai kyon ki unhone mujhse kaash yeh samjhaya to hota,
unke liye to hum apni jaan bhi de daite muskurate hue,
yeh unhone dil-e-khawaish bataiye to hoti!

[written by romil arora - copyright reserved]

Intezaar-e-mohabbat

Intezaar-e-mohabbat

Aankhon main jaala kar intezaar-e-shaama taira intezaar karte hai,

Bhul kar duniya ko tujhe yaad karte hai,

Bas itna samaj lo jaan hamari aapko apni jaan se bhi jyada pyar karte hai!

Aankhon main taira intezaar hai,

Ek tanha chand aur aasmaan saath hai,

Aa jayo tum bas zindagi main,

Ek naazar tumko jee bhar kar dekhane ke aas hai!

Dard itna badh gaya hai ki ab kya sunaye,

Aankhen ho gaye hai pathar, kitna intezaar aur hum karpaye,

Marr jane do, bas khuli rahenge aankhen hamari,

Tumhare intezaar main bolo isse jyada aur kya kar jaye!

Bolo! Bolo!

Udas chehar ko fhir se khila do....

Udas chehar ko fhir se khila do....

Tumse kehta hu main,

mujhe lautha do maire muskurahat,

Udas chehar ko fhir se khila do....

Ab to aaisa lagta hai jaise,

chand main chandani na ho,

mausam main aawaragi na ho,

phoolon main khusboo na ho,

panchiyoon main jaise aawaz na ho.....

Udaas chehar fhir se khila do,

khila do maira udaas chehara fhir se,

ab yeh veeraniya mujhe pasand nahi hai..

Rabb ka wasta hai tumko,

maire fariyad hai tumse,

ab na mujhko aur satao,

khila do maira udaas chehara fhir se,

ek baar mujhse milane tum aa jayo!

ek baar fhir apna chehara mujhe dekha jayo!

ek baar fhir apni aawaz mujhko suna jayo!

Tumse kehta hu main,
mujhe lautha do maire muskurahat,
Udas chehar ko fhir se khila do....

[written by romil arora - copyright reserved]

Us pyar ki kya baat ho!

Us pyar ki kya baat ho!

Saawan ki pehli barsaat ho
aur maire haaton main taira haath ho
Us pyar ki kya baat ho!



Hoonth ho taire beeghe hue
aur maire hoonth bhi bekarar ho
Us pyar ki kya baat ho!



Beegha hua badan hum-dono ka
sulag raha ho barsaat main
baahon main ek dujhe ko bharne ko dil machal raha ho
Us pyar ki kya baat ho!



Rabb kare aaise roz saawan ki barsaat ho
tu ho maire naazaro ke samne aur pyar hi pyar ho
Us pyar ki kya baat ho!

[written by romil arora - copyright reserved]

Shayari-e-dil

Shayari-e-dil

Socha tha mehfil mein bas unka deedar kar aayenge,

Par yeh nahi socha tha ki mohabbat-e-gum saath layenge!

Agar mere samne aana to sambhal kar jaan,

Dil-e-betab ki aadat hai machal jaane ki!

Ghum ki raaton mein,

uske intezar mein taaron se karta raha uski baatein,

Khushi ki subah aaye to woh rasta badal gaya!

Unka deedar hota, shama-e-roshani, dil mein jala lete,

Nazron ki pyaas bhuj jaati,

Thoda sa hum bhi muskura lete!

[written by romil arora - copyright reserved]

Jo log mohabbat ko jante honge....

Jo log mohabbat ko jante honge....

Jo log mohabbat ko jante honge,

Judai ka dard kya hota hai pehchante honge!

Itni taraf, jisne dekhi hogi maire alfaazo main,
Woh tujhe maira rabb mante honge!


Maire tanha aankhen jab kisine dekhe hongi,
Intezaar ki hadh kya hogi samajhate honge!

Dekh kar shama main jalate hue parwane ko,
Log mohabbat ka naateza jante honge!

[written by romil arora - copyright reserved]

Dil-e-alfaaz

Dil-e-alfaaz

Maire haaton ki haatheli ke laakeeron se woh nikal gaya,

mairi haatheli fhir se woh suna kar gaya!

Baadi berukhi se usne daaman chud liya,

daulat se haaton main mohabbat ki mehandi racha liya!

Roz raat ko chand ko dekh kar yahi sochata hu,

Jaise yeh chand ki safed chandani mujh par kafan udha rahi ho!

Is kadar durr hokar bhi humne ehsaaso ka diya jalaya tha,

Jaise rabb ke ghar main rooh ki rooh se mohabbat ho rahe ho!

Aaj bhi log jab mujhko zinda dekha karte hai,

taire naazaron ko qaatil kahan karte hai!

[written by romil arora - copyright reserved]

yeh rishte...

yeh rishte...

Insaan ki jagah pathar hai yeh rishte,

Hai apne fir bhi kitne matlabi hai yeh rishte...

Daulat ke bazar mein bikh jaate hai yeh rishte,

Bankar apne, dhokha de jaate hai yeh rishte...

Sirf kitabo mein phool bankar reh jaate hai yeh rishte,

Waqt aane par saath chod jaate hai yeh rishte...

Yaadon mein tanhai bankar yaad aate hai yeh rishte,

Banakar apna, dagaa de jaate hai yeh rishte...

Na inko samajhana kabhi apna tum,

Mausam ki tarah badal jaate hai yeh rishte...

#Romil

यह रिश्ते 

इंसान की जगह पत्थर है यह रिश्ते 

हैं अपने फिर भी कितने मतलबी है यह रिश्ते...

दौलत के बाजार में बिक जाते हैं यह रिश्ते 

बनकर अपने धोखा दे जाते हैं यह रिश्ते...

सिर्फ किताबों में फूल बनकर रह जाते हैं यह रिश्ते 

वक्त आने पर साथ छोड़ जाते हैं यह रिश्ते...

यादों में तन्हाई बनाकर याद आते हैं रिश्ते 

बनाकर अपना, दगा दे जाते हैं यह रिश्ते...

ना इनको समझाना कभी अपना तुम 

मौसम की तरह बदल जाते हैं यह रिश्ते... 

#रोमिल

is zindagi mein tumhari kami si hai....

is zindagi mein tumhari kami si hai....

tumhare bina yeh zindagi ab khatm si hai,

bas ek saza, ek sitam si hai,

aa jao hamari baahon mein,

is zindagi mein tumhari kami si hai.

door is jahan se hum ek aashiyana banayenge,

jo khawab poore nahi hue hai,

unko mila kar sajayenge,

bas aankhon mein intezar basa hai.

is zindagi main tumhari kami si hai...

Tum jo mujhse aise udaas ho jaoge,

chodkar mujhko aise chale jaoge,

ek din tumko bhi meri yaad satayege,

yeh tadap jab hadh se bad jayege,

tab tumhari zindagi bhi yahi kahegi,

is zindagi mein tumhari kami si hai...

#Romil

इस जिंदगी में तुम्हारी कमी सी है 

तुम्हारे बिना यह जिंदगी अब खत्म सी है 

बस एक सज़ा, एक सितम सी है 

आ जाओ हमारी बाहों में 

इस जिंदगी में तुम्हारी कमी सी है 

दूर इस जहां से हम एक आशियाना बनाएंगे 

जो ख़्वाब पूरे नहीं हुए हैं, उनको मिलकर सजाएंगे 

बस आंखों में इंतजार बसा है 

इस जिंदगी में तुम्हारी कमी सी है 

तुम जो मुझसे ऐसे उदास हो जाओगे 

छोड़कर मुझको ऐसे चले जाओगे 

एक दिन तुमको भी मेरी याद सताएगी 

यह तड़प जब हद से ज्यादा बढ़ जाएगी 

तब तुम्हारी जिंदगी यही कहेगी 

इस जिंदगी में तुम्हारी कमी सी है...

#रोमिल

mujhe is jahan se chale jana hai....

 

mujhe is jahan se chale jana hai...

Sapno mein khokar, sapno se door chale jana hai,

mujhe is jahan se chale jana hai....

Gamo ko bhool kar ab bas mujhe muskurana hai,

mujhe is jahan se chale jana hai....

Na koi mera na,

Na kisi se ab koi mujhe rishta nibhana hai,

mujhe is jahan se chale jana hai....

Sari yaadon ko bahakar aansoo mein,

chand par ek yaadon ka gharaunda banana hai,

mujhe is jahan se chale jana hai....

#Romil

मुझे इस जहां से चले जाना है...

सपनों में खोकर, सपनो से दूर चले जाना है...

मुझे इस जहां से चले जाना है...

ग़मो को भूलकर अब बस मुझे मुस्कुराना है...

मुझे इस जहां से चले जाना है...

ना कोई मेरा ना,

ना किसी से अब कोई मुझे रिश्ता निभाना है...

मुझे इस जहां से चले जाना है...

सारी यादों को बहाकर आँसू में,

चाँद पर एक यादों का घरौंदा बनाना है...

मुझे इस जहां से चले जाना है...

#रोमिल

Na jaane woh kyon?

Na jaane woh kyon?

Jis par aitbaar rehta hai khud se jyada,

Na jaane woh kyon daaga de jaata hai...

Jis par pyar rehta hai jahaan se jyada,

Na jaane woh kyon bewafa ban jaata hai...

Jis par rehta hai aitbaar woh umar bhar saath rahega,

Na jaane woh kyon beech raahon main chod jaata hai...

Jisse daite hai hum dil ka tohfa,

Na jaane woh kyon dil par zakhm de jaata hai...

[written by romil arora - copyright reserved]

Kaun mera hai jo mere saath chalega.

Kaun mera hai jo mere saath chalega

Mere dil-e-halaat kaun sunega,

Kaun mera hai jo mere saath chalega.

Khawab barbaad jo hue hai mere,

Unko kaun poora karega,

Kaun mera hai jo mere saath chalega.

Kitabon ke panne mein jo likhe the armaan,

Woh sab waqt ki barsaton mein dhul gaye hai,

Kaun unko fir likhega,

Kaun mera hai jo mere saath chalega.

Is shehar mein kitne chehre the,

Sab anjabi ban gaye hai,

Kaun mujhe fir apna kahega,

Kaun mera hai jo mere saath chalega.

[written by romil arora - copyright reserved]

aur main raat bhar jagta raha.....

aur main raat bhar jagta raha.....

Raat main neend aane se pehle tumhara khayal aaya,

aur main raat bhar jagta raha.

Kuch toothe hue khawab,

Kuch beethe hue baatein yaad aaiye,

aur main raat bhar jagta raha.....

Kuch baatein bhuli hue,

Kuch baatein, khayalon main lipate hue, yaad aaye,

aur main raat bhar jagta raha.....

Barsaat ke mausam main,

Beqarari ke aalam main,

Tanhai main,

Khud-ba-khud sapne bunta hua,

aur main raat bhar jagta raha.....

Kuch pal sochata, fhir muskurata,

Tumse pyar kiya,

Tumhare haath, haaton main thama raha,

aur baahon main tumko bhar kar main so gaya....

[written by romil arora - copyright reserved]

Koi hota jisko hum apna kehte...

Koi hota jisko hum apna kehte...

Jiske mann mein ek ehsaas ban kar rehte,

Jiske aankhon mein khawab ban kar rehte,

Suhane mausam mein yaad ban kar rehte,

Koi hota jisko hum apna kehte...

Jo mere liye sapne bunta,

Makhmali chaadar mein lipatkar baahon mein bharta,

Main roothata to woh mujhko manata,

Koi hota jisko hum apna kehte...

Jo mujhe apna pyar kehta,

Apna yaar, dil-e-beqarar kehta,

Jo apni aarzoo, apna sanam kehta,

Koi hota jisko hum apna kehte...

Jo mere liye dua mangata,

Jo gum mein mujhe khushi deta,

Jo saari duniya se juda hokar bhi mera apna rehta,

Koi hota jisko hum apna kehte...

Main uske liye beqarar rehta,

Usse milne ke liye tahna rehta,

Yeh yaadon ka silsila zindagi bhar chalta rehta,

Koi hota jisko hum apna kehte...

[written by romil arora - copyright reserved]

Aisi ada sirf MAA ke pass hoti hai...

Aisi ada sirf MAA ke pass hoti hai...

Suna kar pariyon ki kahani, Baache ko bhukha sula deti hai, Aisi ada sirf MAA ke pass hoti hai..... 

Bataa kar chand, taaron ko khilauna, Baache ka dil behla deti hai, 

Aisi ada sirf MAA ke pass hoti hai... 

Aankhon mein bhare ho aansoo, hooton par woh muskaan khila deti hai, 

Aisi ada sirf MAA ke pass hoti hai...

Jab na mile gum mein koi sahara,

Goad mein bhar kar seene se laga leti hai, 

Aisi ada sirf MAA ke pass hoti hai...

[written by romil arora - copyright reserved]

tab humne....

tab humne....

Jab khushiyoon ne na diya sahara mujhko,
Tab humne dard ka sahara le liya,

Jab aapno ne maira saath chod diya,
Tab humne gairon ka saath kar liya,

Jab phoolon ki shejh nahi mili mujhko,
Tab humne kantoon par sona seekh liya,

Jab lagi, zindagi daman chudane apna,
Tab humne maut ka daman tham liya.....

[written by romil arora - copyright reserved]

fhir se yeh dil lagaya nahi jaata....

fhir se yeh dil lagaya nahi jaata....

Dard itna mila hai ki bataya nahi jaata,

aansoo ka koiye hisab lagaya nahi jaata.

Barsaat se kya gila apna,

jab kaachi mitti ka ghar tha apna,

Paani main beh jaye to fhir banaya nahi jaata.

Durr tak bas andhera hi andhera hai,

Roshani ka koiye deepak ab jalaya nahi jaata.

Har umeedh tooth chuki hai apni,

ab umeedon ka shehar banaya nahi jaata.

Kisse kahe apna haal-e-dil,

ab kisi se dil lagaya nahi jaata.

Har koiye to ab maira dushman hai,

dost kisi ko apna banaya nahi jaata.

sach kahu fhir se yeh dil lagaya nahi jaata...

[written by romil arora - copyright reserved]

Ishq mein dard hai itne mile ki dil ro padta hai...

dil ro padta hai...

Ishq mein dard hai itne mile ki dil ro padta hai,

Zamane ne diye itne sitam ki soch kar, dil ro padata hai,

Muskurate rahe sab, dekhkar hamara tadapna,

Aaj bhi jab yaad aata hai unka muskurata chehara, dil ro padta hai.

Unki rahoon mein hamesha rahe marr-mit jaane ko hum,

Dekh kar unka nazre humse churana, dil ro padata hai.

Kabhi hote the hum hi unki aaina-e-nazar,

Phoolon se jab koi aaina toodta hai, dil ro padta hai.

[written by romil arora - copyright reserved]

Kabhi......

Kabhi......

Haatheli par kabhi maira naam likhwana,

Mehandi kabhi maire naam ki saajana,
Palke kabhi maire raahon main bichana.


Kabhi hooton par maira naam likhwana,
Dil par kabhi maire yaad saajana,
Dhadkan kabhi maire raahon main bichana.


Kabhi apne naam ke saath maira naam jodana,
Kabhi hum-tum ko saath samajhana,
Kabhi maire bina khud ko tanha samajhana.


Kabhi tum maire baare main sochana.... Kabhi....

[written by romil arora - copyright reserved]

Maaf kar dena mujhko....

Maaf kar dena mujhko....

Saath tera chhod raha hu,

apni nazron mein na gira dena mujhko...

mere haalat aise hai ki main khawabo ko pura nahi kar pata,

apni aankhon se aansoo ki tarah na bahana mujhko....

main woh vaada nahi kar sakta, jo nibha na saku,

pyar ke ghar mein na jala dena mujhko....

meri majboori ko tum hi samajh sakti ho,

bewafa na kabhi samajhana mujhko....

thokare maar do, ya fir apmaan mera kar lo,

magar apne dil ke kisi kone main basa kar rakhna mujhko...

[written by romil arora - copyright reserved]

Tu hi tu yaar…

Tu hi tu yaar…

Tu hi tu yaar,
Maira mandir tu,
Maira mahzid tu,
Mairi dargarh bhi tu,
Tu hi tu yaar…

Saawan bhi tu,
Sukha bhi tu,
Hariyali bhi tu,
Tu hi tu yaar…

Ehsaas bhi tu,
Saansein bhi tu,
Rooh bhi tu,
Tu hi tu yaar…

Zindagi bhi tu,
Maut bhi tu,
Rabb ka har paigam tu,
Tu hi tu yaar…

Yeh jism bhi tu,
Yeh jaan bhi tu,
Maire ishq ki pehchan tu,
Tu hi tu yaar…

Maira salam bhi tu,
Maira sajda bhi tu,
Maira deen-iman bhi tu,
Tu hi tu yaar…

Mairi subah bhi tu,
Mairi shaam bhi tu,
Har pal ka ehsaas tu,
Tu hi tu yaar…

Dillagi bhi tu,
Aashiqui bhi tu,
Jeene ka sahara bhi tu,
Tu hi tu yaar…

Dost bhi tu,
Yaar bhi tu,
Maire apne main tu,
Tu hi tu yaar…

Yaadon main tu,
Intezaar main tu,
Khawabon main tu,
Aankhon main tu,
Tu hi tu yaar…

Rabb bhi tu,
Main bhi tu,
Tu hi tu yaar…
Bas tu hi tu yaar.

[written by romil arora - copyright reserved]

Yeh taira mehboob hai…

Yeh taira mehboob hai…

Khamosh naazare mujhe kuch keh rahe hai,
Yeh sundar ka badan kuch keh raha hai,
Yeh saaza hua soola-singar mujhse keh raha hai,
Chum lo isse apne hooton se,
Yeh jaanat ka farishta taira hai,
Yeh taira mehboob hai…..

Chand aur taare mujhse keh rahe hai,
Yeh shabnami chandani mujhse keh rahe hai,
Yeh raatein, yeh haawain mujhse keh rahe hai,
Bhar lo isse apne baahon main,
Yeh jaanat ka farishta taira hai,
Yeh taira mehboob hai…..

Thami hue saansein mujhse keh rahe hai,
Ehsaas jo durr hokar bhi, kareeb sa lag raha hai, mujhse keh raha hai,
Beetata hua intezaar mujhse keh raha hai,
Apna bana lo isse,
Yeh jaanat ka farishta taira hai,

Yeh taira mehboob hai…..

[written by romil arora - copyright reserved]

Rabb, kaise maanu ki tu hai…

Rabb, kaise maanu ki tu hai…

Aapke darbar ke baahar baitha hua ek majboor ko dekhata hu,
Jo aapke paanah main hamesha rehta hai,
Dono pair nahi hai uske,
Fhir bhi uski himmat dekhar main hairath main reh jaata hu…..

Roz roti ki ladai woh karta hai,
Ek-Ek rupiya ke liye dusare ke samne girgirata hai,
Unke peeche woh bhagta hai,
Tumhara wastha daita hai,
Fhir bhi woh kuch nahi pata hai,
Be-bas sa chehara lekar fhir tumhare darbar ke baahar aakar baith jaata hai.

Rabb, kaise maanu ki tu hai……

Ek maa, apni chaaati se lipate baache ko apne ek haat se pakade rehti hai aur
dusare haaton main maang ka katora liye rehti hai,
Taire darbar main aaye logon ke saamne khali katora badate hai,
Bhookhe baache ka wasta daite hai,
Tumhara wastha bhi daiti hai,
Logon ke tiraskar ke sewa woh kuch nahi pati hai,
Be-bas sa chehara lekar fhir tumhare darbar ke baahar aakar khadi ho jaati hai.

Rabb, kaise maanu ki tu hai……

Ek chota sa masoom sa baacha,
Barsaaton main, garmiyoon main, sardiyoon main
Roz taire darbar ke samne khada rehta hai,
Aane-jaane wale sab taire bandhon se maangata rehta hai,
Uske bachpan ki mazboori kisi ko dekhaiye nahi daite hai,
Kitna mayush hokar woh reh jaata hai.

Rabb, kaise maanu ki tu hai……

Tu hi bata rabb kaise maanu ki tu hai,
Rabb, kaise maanu ki tu hai……

Fhir bhi main vishwas ka deepak hamesha jalata rehta hu,
Taire darbar main roz sar jhuta hu,
Kabhi to tu nazare karam unpar bhi karega,
Bas yahi dilasha roz taire darbar se lekar chala aata hu….

[written by romil arora - copyright reserved]

Chand sa masoom baachaa…

Chand sa masoom baachaa…

Chand sa masoom baachaa roote hue puchata hai,
Jab saahash nahi thi mujhe apnane ki,
fhir maa-pita mujhe kyon paida kiya?

Maa ki chaathi se lipatane ke liye naa jaane main kitna tarafha hu,
Pita ke ungaali pakadh kar saath chale ke liye naa jaane main kitna tarafha hu,
Jab nahi de sakte the mujhe apna pyar, apna dulaar,
fhir maa-pita mujhe kyon paida kiya?

Sab baache maa-pita ke saath school jaate hai,
Park main saath khelate hai,
Diwali main patakhe-fhuljadiya jaalate hai,
Holi main rang-gulal khelate hai,
Eid main saath-saath ghumane jaate hai, saiwaiya khate hai,
Christmas main khoob gift kharedate hai, naye-naye kapade pehanate hai,
Jab nahi de sakte the mujhe itne suhane pal,
fhir maa-pita mujhe kyon paida kiya?

Kyon mujhe log gaaliya de kar bulate hai,
Kyon laawaris kehte hai,
Kyon maire sapne koiye poora nahi karta hai,
Kyon maire khushiya-ghum main maire saath nahi hota hai
Jab nahi de sakte the mujhe maire adhikaar,
fhir maa-pita mujhe kyon paida kiya?

[written by romil arora - copyright reserved]

Yahaan har shakhs apne mein jeeta hai...

Yahaan… 

  Ek ghar mein diwali ki roshani, dusare ghar mein aandhere ka sannata pasara rehta hai. 

Koi ghar khushiyon ke saath to Koi gum ke saath yahaan soota hai. 

Kisi ke pass fursat nahi do pal gum baatane ke liye, 

Yahaan har shakhs apne mein jeeta hai...

Sadak par naa jaane kitne, apne bebasi ki kahani kehate hai, Dard main rote hai, Cheekhate hai, Chillate hai, Magar yahaan koi kisi ki awaaz nahi sunta hai…. 

 Kisi ke pass fursat nahi do pal ghum battane ke liye, 

Yahaan har shakhs apne mein jeeta hai...

Bhookh se tadapta rehta hai insaan yahaan, Shehar ke nukkad par roz marta, roz jeeta hai, Barsaat ke pani mein sar chupaye baitha rehta hai, Dhoop sehta hai, Sardi mein thithurtha rehta hai, 

Magar yahaan shehar ke shor mein kisi ko koi dard sunaiye nahi daita hai… 

Kisi ke pass fursat nahi do pal gum baatane ke liye,

Yahaan har shakhs apne mein jeeta hai……

[written by romil arora - copyright reserved]

Agar yeh zindagi hai to fir maut kya hai?

Agar yeh zindagi hai to fhir maut kya hai?

Yahaan sapne tinke ki tarah bikhar jaate hai, 

Har apne kaanch ki choodiyon ki tarah toot jaate hai, 

Kis-kisko samete apne aanchal mein hum, 

Zindagi ki aandhiyon mein aanchal uda jaate hai…

Agar yeh zindagi hai to fir maut kya hai? 

 Kitna badla-badla insaan ka chehra nazar aata hai, 

Kabhi dost to kabhi dushman yeh chehra nazar aata hai,

Matlab ke riston ki door sabhi ne apne haathon mein tham rakhi hai, 

Mukh main ram to bagal mein chhuri chupa rakhi hai…. 

 Agar yeh zindagi hai to fir maut kya hai? 

Sirf parchaiyon mein yaar nazar aate hai, 

Zindagi ki daud mein dost peeche chute hue nazar aate hai, 

Do kadam ka saath pana to namumkin hai, 

Yahaan log janaze par bhi matlab nibhane se aate hai…

Agar yeh zindagi hai to fir maut kya hai?

[written by romil arora - copyright reserved]

kuch dil se alfaaz...

kuch dil se alfaaz...

hum to kab ke marr chuke hai unki judai mein,

bas kambakht koi arthi nahi uthata...

doston ki jarurat nahi hai humko kandha dene ke liye,

bahut mil jate hai anjabi safar mein...

hasino ke rumal par marne wale hum nahi,

hame uska dupatta chahiye apne kafan ke liye...

hum to judai ko bhi dil ka sakun bana lete hai,

zakhmo se kuch is tarah khelte hai ki nasur bana lete hai...

faasle jism ko to door kar jaate hai,

par hum yaadon se dilon ka shaher bana lete hai...

aankhon se aankho ka rishta toot jaye magar,

hum to khwabon mein hi ashiyana bana lete hai...

[written by romil arora - copyright reserved]

maine bhi kissi se pyar kiya hain…

maine bhi kissi se pyar kiya hain…

Agar har chehre mein uska chehra nazar aata hain,

agar har baatoon par uska naam leta hu,

agar isse pyar kehte hain, toh haan,

maine bhi kissi se pyar kiya hain.........

agar kisi ke intezaar karne mein samay nahin dekhate,

agar uske aane par dil jhoom uthata hain,

agar isse pyar kehte hain, toh haan,

maine bhi kissi se pyar kiya hain......

agar kisi ke door jane ke baad unki yaad satati hain,

agar sab ke saat rehte hue bhi akelapan mehsoos kartein hain,

agar isse pyar kehte hain, toh haan,

maine bhi kissi se pyar kiya hain.....

khudse baatein karna,

har pyare se gaane par sirf hum dono ka nazar aana,

agar isse pyar kehte hain, toh haan,

maine bhi kissi se pyar kiya hain…

agar uske dil mein maire pyar ki koi jagah nahin,

phir bhi uske haan ka intezaar karna,

agar isse pyar kehte hain, to haan

maine bhi kissi se pyar kiya hain…

[written by romil arora - copyright reserved]

kyon mujhe sapno ki aadat dalate ho.....

kyon mujhe sapno ki aadat dalate ho.....

“Sapno se shikayat nahi mujhe,

Jab aankhon main neend na ho,

Aapno se shikayat nahi mujhe,

Jab koi aapna na ho,

Tum gair ho kar bhi mujhe aapno ka ehsaas dilati ho,

Yeh pata hai mujhe jhod jayoge wahi chowrahe par,

kyon mujhe sapno ki aadat dalate ho”

[written by romil arora - copyright reserved]

Main Hoon......

Main Hoon......

“Tere daman main phool hai,

tujhe kaantoon ka ehsaas nahi,

mere daman main kaante hai,

mujhe phoolo ka ehsaas nahi,

tujhe haashne se hi fursat nahi milte

aur ek main hoon jisse muskurahat ka bhi ehsaas nahi”

“Shoharat kabhi naseeb nahi hui mujhe,

maira jalalat ne kabhi peecha na choda,

main ek gum hu us saahil ka,

jisse samundar ne bhi pyaasa choda”

[written by romil arora - copyright reserved]

Dil se alfaaz.....

Dil se alfaaz.....

“Dard ko tum aapne muskurahat bana lo,

Har zakhm ko tum apni pehchan bana lo,

Phir dekho na jhuk jaye yeh aasman,

tum aapni udaan ko aur ucha bana lo”

“Apno ka gum sabhi ko hota hai,

kabhi gairo se bhi mohabbat karke dekho,

zakhm tumhara hum bhar denge kabhi humse bhi izhar karke dekho”

“Main wo naav hu jiska koi saahil nahi,

Main wo panshi hu, jiska koi ghosala nahi,

Mujhe kya koi pyaar karege,

Main wo diya hu, jis diye main tail nahi”

"Naam main kya rakha hai naam to ek din kho jayega,

Majnu koi bhi ho uska naam laila ke baad hi aayega"

"Har khata par wo hamari mushkurate hai,

zalim zamane main aaise bhi dost hote hai"

[written by romil arora - copyright reserved]

dil se alfaaz...

dil se alfaaz...

"Har baar sochata hu ki dost ki daar par na jayu,

magar mera maan tere daar par hi aa kar marna chahata hai,

aur tum bhi zalim hai dost, baar-baar zakhm dekar zinda chod deta hai"

“BAHUT MIL JATE HAI,

PYAR KARNE KO,

MAGAR KOI DOST NAHI MILTA,

DO PAL GUM BATNE KO”

“Mohabbat, Mohabbat Hi Hote Hai,

Khanjar Nahi,

Yeh Alag Baat Hai,

Log Mohabbat Ke Zakhm Ko Nasur Bana Deta Hai”

"Na samajhana humko dost,

taire dil ko dhokha hoga,

main hu us talab ka keechad,

haath daloge to tumhari hi haath ganda hoga"

[written by romil arora - copyright reserved]